Juaa̱ 13:1 - Xo̱jo̱n eén Néná

¹ Kó ngindiee̱ sꞌué paskuaa̱, nga ja̱bo̱a̱ je be Kjisoo̱ nga je jachó chi̱bo̱a̱a̱, nga ko̱e̱je̱ kui nga̱sondiee̱ sꞌe̱ ko̱e̱je̱koo̱n Na̱ꞌmii̱, katsꞌéntjó xotaa̱ kui nga̱sondiee̱, katsꞌéntjó ngaskande nga fetꞌani.

Juaa̱ 13:1 ပူးပေါင်းရင်းမြစ်များ

Énkjínkón 8:31

Achichí tsjá kamána, kjo̱a̱a̱ kui nga̱sondie xi kui katsꞌénda, ¡xota̱ nga̱sondie xi katsꞌénda Néná, íkitsie mána kjo̱a̱tsja!

Matioo̱ 26:45

Kósꞌe̱ jachókoón xota̱ tsi̱ꞌe̱, kó bi̱ katsoó: –Tsjayojoféjnú ꞌne̱, kó ti̱ꞌankjaꞌyájnú, jè jachó chi̱bo̱a̱ nga ndií nda̱ xi̱ꞌii̱n si̱ꞌankꞌasꞌien ngi̱ya tsja xota̱ jé.

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

Rkaa̱ 22:53

Ndyiojón ndyiojón kisꞌijñajo̱jnúꞌun ki̱a̱ ndi̱tsen na̱ngo̱xi̱i̱, kó ikjienjínjnú ndsa̱jnú nga kandobájnúꞌun, ta̱nga kuí xi̱ꞌbi̱ xi ora̱jnú, kó jè ko̱tíxoma nínga jñoó.

Rkaa̱ 9:51

Kó ngije kjimatiña ni̱xtjin nga Kjisoo̱ ko̱e̱je̱ nkꞌa jàn, katsjaá kon nga kijí na̱xi̱ńdáꞌniú Jerusale̱n.

Juaa̱ 11:55

Kó ngije kjimatiña sꞌué paskuaa̱ xota̱ jundíoo̱, achichí má xota̱ xi kijí na̱xi̱ńdáꞌniú Jerusale̱n, ngindiee̱ sꞌué paskuaa̱ tsi̱ꞌe̱ nga sa̱ꞌíntsjie yojoo̱.

Juaa̱ 12:23

Sꞌe̱ Kjisoo̱, bi̱ katsó: –Jè jachó chi̱bo̱a̱ nga ko̱e̱ꞌeé kjo̱a̱je ndií nda̱ xi̱ꞌii̱n.

Juaa̱ 13:29

Ngatꞌa̱ tjín xí katsꞌénkjó nga kjo̱a̱a̱ nga Jundaa̱ kisꞌijñaa̱ stsatoo̱n, tsi kuíni nga Kjisoo̱, bi̱ katsoó: Tsꞌi̱tsie ni xi chjiénná tsi̱ꞌe̱ sꞌueé, axa̱ tsi̱ꞌe̱ nga tsja̱a chií to̱n xota̱ ni̱ma̱a̱.

Juaa̱ 13:3

Kjisoo̱ ja̱bo̱a̱ jè be nga Na̱ꞌmii̱ katsjaá ngi̱ya tsja ngayeje nii̱, kó nga Néná jatjoni, ko̱jo nga ti̱ kuii̱ ko̱e̱je̱kon nginií,

Juaa̱ 13:34

Ngo kjo̱a̱botíxoma tja̱tsi̱e̱ tsjajnúꞌun: Tjó ti̱ꞌánjnú nga ngo nga ngo xingi̱jnú, xikótsꞌèn katsꞌentjójnúꞌun jún, ti̱ bo̱a̱ ti̱ tsꞌén ti̱ꞌantjójnú xingi̱jnú.

Juaa̱ 14:28

Jè kandaꞌyájnú nga bi̱ kixian an: Je tsꞌénfí an, ta̱nga kjo̱e̱ꞌekón nginíjnúꞌun. Tsi tjójnú an katsaki, tsjara̱ ka̱majnú, ngatꞌa̱ je kixiyajnúꞌun an, nga Na̱ꞌmina tsꞌénfikóo̱n, ngatꞌa̱ nkꞌa ngase xaá Na̱ꞌmina ta̱bo̱a̱jiín an.

Juaa̱ 14:31

tsꞌén án ni xi tsóna Na̱ꞌmina xi katsangiyana, tsi̱ꞌe̱ nga xotaa̱ kui nga̱sondiee̱ sku̱i̱e̱ nga tjóna Na̱ꞌmina. Ti̱sítji̱e̱njnú ꞌne̱, xín tjián.

Juaa̱ 16:28

Na̱ꞌmina xí katsangiyana, kó jéꞌe̱ an kui nga̱sondiee̱, kó kꞌuijñá ngiñá an kui nga̱sondiee̱, kó kjuínkón ngiñáa̱ Na̱ꞌmina.

Juaa̱ 17:1

Kui nii̱ xi tsíchji̱a̱ Kjisoo̱, kó askotsijen ndiꞌakꞌajmi jàn, sꞌe̱ bi̱ katsó: –Na̱ꞌmi, jè jachó chi̱bo̱a̱, takèe̱ xotaa̱ kjo̱a̱jee̱ ndíi̱, tsi̱ꞌe̱ nga ndíi̱ ko̱ko̱ó xotaa̱ kjo̱a̱je tse̱,

Juaa̱ 17:16

Kuijín nga̱sondiee̱ chji̱a̱ni, xikótsꞌèn ti̱ jmí tsi kui nga̱sondiee̱ chjiá an.

Juaa̱ 17:26

kó án jè akòo̱ ꞌyání jí, kó ta̱kó koko ngasee̱, tsi̱ꞌe̱ nga kjo̱a̱tjó xi katseꞌéní kꞌuieé kui xotaa̱, kó án kotíjña̱jìi̱n kui xotaa̱.

Juaa̱ 17:5

Ngotꞌe̱ ꞌne̱ Na̱ꞌmi, tꞌa nínga tindyin jí, te̱ꞌéní kjo̱a̱je xi kisꞌiena nga kisꞌijñajoo̱, ngindiee̱ nga kamánda kui nga̱sondiee̱.

Juaa̱ 18:4

Ta̱nga Kjisoo̱, ja̱bo̱a̱ jè be ngayeje ni xi ka̱maa̱, kó jataxie, nga bi̱ katsoó kui jaá: –ꞌYá xí ndyi̱mindyiséjnú.

Juaa̱ 19:28

Ngije kamá kui nii̱, kó nga Kjisoo̱ je be nga ngayeje nii̱ je kamá, kó tsi̱ꞌe̱ nga kjo̱tjosón ni xi tsó xo̱jo̱n eén Néná, bi̱ katsó: –Xíndána.

Juaa̱ 2:13

Kó kjiꞌanga je tikón tiña sꞌué paskuaa̱ xota̱ jundíoo̱, Kjisoo̱ kijí na̱xi̱ńdáꞌniú Jerusale̱n.

Juaa̱ 6:4

Kó je kjimatiñaa̱ nga ka̱ma sꞌué paskuaa̱, sꞌueé já jundíoo̱.

Juaa̱ 7:30

Sꞌe̱ kui jaá kamámejeén katsoboá, ta̱nga kamájín kón, ngatꞌa̱ kji̱e̱ fochójín chi̱bo̱a̱a̱.

Juaa̱ 7:6

Ta̱nga Kjisoo̱, bi̱ katsó: Kji̱e̱ fochójín chi̱bo̱a̱na, ta̱nga jún ta̱jmì chi̱bo̱a̱ní xi chi̱bo̱a̱ xi nda kjimajnú.

Juaa̱ 8:20

Kui nii̱ xi katsó Kjisoo̱, ki̱a̱ ngi̱ndie nínga boeꞌé to̱nchji̱e̱e̱, nga akóyá ndi̱tsen na̱ngo̱xi̱i̱, kó nde ngojín xi katsoboá, ngatꞌa̱ kji̱e̱ fochójín chi̱bo̱a̱a̱.

Xota̱ Roma̱ 8:37

Ta̱nga ngi̱jii̱n ngayeje ni xi̱ꞌbi̱, jè kiniꞌán, kó tsie ngase ni xi si̱ꞌán ngatꞌaa̱ kui xi katsꞌéntjóná.

1 Xota̱ Korinto̱ 1:8

kui xi tsja̱ngaꞌniújnú ngaskande nga kju̱i̱e̱tꞌa nga̱sondiee̱, tsi̱ꞌe̱ nga jmíjín xi ka̱maa̱ chꞌo tsꞌén ku̱i̱chji̱a̱taꞌinjnú ni̱xtjin nga kjo̱e̱ꞌe nginí Ndi̱a̱ná Jesukristoo̱.

Xota̱ Ebreo̱ 3:14

Ngatꞌa̱ jè nijan tjisákóná ni xi tsi̱ꞌe̱ Kristoo̱, tsi ngaskande nga kju̱i̱e̱tꞌa ꞌniú ku̱i̱ndyionjo̱ kui kjo̱a̱ꞌniátakón xi kisꞌiená nga tjón.

Xota̱ Ebreo̱ 3:6

ta̱nga Kristoo̱, nga kui xi ndií Néná, kixi̱ tsꞌén xaá nga botixómaá ndiꞌaa̱ Néná, kó kui ndiꞌaa̱ ñá boá, bo̱a̱ ka̱ma tsi ꞌniú sꞌi̱jinná ko̱jo tsi ka̱maꞌniátakón nga tsja ka̱máná nga xchiyàa̱ ni xi tsja̱aná Néná.

Xota̱ Ebreo̱ 6:11

Ta̱nga mejénjne̱ nga ngo nga ngojnú ta̱kó takorajnú kui ngaꞌniú xí ndyi̱niꞌánjnú ngaskande nga kju̱i̱e̱tꞌaa̱, tsi̱ꞌe̱ nga kui kjo̱a̱chiyaá ka̱mando̱jo,

1 Xo̱jo̱o̱n Peé 1:13

Kuíni nga ti̱ndyiondajnú nga kꞌuiéjnú kjo̱a̱kjínkón, kó nda ti̱ꞌankjójnú ni xi si̱ꞌánjnú, kó chiyá ndo̱jò ndójo̱jnúu̱ kjo̱a̱nda xi kjo̱e̱ꞌéjo̱jnú kjiꞌanga ko̱kó yojoo̱ Jesukristoo̱.

1 Xo̱jo̱o̱n Juaa̱ 4:19

Ñá ndyi̱niꞌántjó Néná, ngatꞌa̱ kuí xí tjón katsꞌéntjóná ñá.

Ni xi akakoo̱ 1:5

ko̱jo xi katsangiya Jesukristoo̱, chistiko̱ xi ꞌniátakoón, kuí boá ndí tjón xi jaꞌáꞌyaá, ko̱jo xi tjiín xá nga botixómaá ngayeje re xi chji̱a̱ni tꞌanangii̱. Kristoo̱ tjoó ñá, kó kuí boá xi índondéná kjo̱a̱a̱ jéná nga iskjitjón jiín,