Juaa̱ 12:48 - Xo̱jo̱n eén Néná

⁴⁸ Xi sa̱ꞌínchꞌóna, kó sa̱ꞌínjo̱ꞌojín énna, jè tikoón xi ko̱tíjeé, én xí je tsíchji̱a̱ an, kuí xí ko̱tíjeé nga kjo̱chó ni̱xtjin nga kju̱i̱e̱tꞌaa̱.

Juaa̱ 12:48 ပူးပေါင်းရင်းမြစ်များ

Matioo̱ 10:15

Kó ja̱koxi̱ ni xi xiánjnúꞌun nga kui na̱xi̱ńdaá ni̱xtjin nga ka̱majeé xotaa̱, jé xí sa̱ko̱ó ta̱nisién tsie ngase ta̱bo̱a̱jiín jé xí sa̱ko̱ó na̱xi̱ńdáꞌniú Sondoma̱ ko̱jo na̱xi̱ńdáꞌniú Ngomorra̱.

Matioo̱ 21:42

Sꞌe̱ Kjisoo̱, bi̱ katsó: –A jmíni̱xtjin kiniꞌányàjnú xo̱jo̱n eén Néná nínga bi̱ tsoó. Ndi̱jo̱ xi katsꞌénchꞌó já chji̱ni̱e̱xo̱ó, kuí xí ndi̱jo̱ ngaꞌniuú ndiꞌaa̱ kamá. Néná boá xi katsꞌén kui nii̱, kó achichí fíndikoón ndyikón.

Matioo̱ 25:31

Kjiꞌanga ndií nda̱ xi̱ꞌii̱n kjo̱e̱ꞌéjo̱ kjo̱a̱jee̱ ko̱jo ngayeje ndítsjiee̱, kjiꞌá boá nga ko̱tíxoma nínga tikón kjo̱a̱jee̱,

Markoo̱ 12:10

A kji̱e̱ niꞌányàjínjnú xo̱jo̱n eén Néná, nínga bi̱ tsoó: Ndi̱jo̱ xi katsꞌénchꞌó já chji̱ni̱e̱xo̱ó, kuí xí ndi̱jo̱ ngaꞌniuú ndiꞌaa̱ kamá.

Markoo̱ 16:16

Xi sꞌi̱jii̱n, kó ko̱tíndá yojoo̱, kuí xi̱ꞌba̱ xi kjo̱tjoꞌaa̱ yojoo̱, ta̱nga xi sꞌi̱jinjiín, kuí xi̱ꞌba̱ xi ka̱majeé.

Markoo̱ 8:31

Kó Kjisoo̱ ítsꞌi̱yanii̱ nga akóyaá xotaa̱ nga ndií nda̱ xi̱ꞌii̱n chjiéngá tsie kjo̱a̱ni̱ma̱ kjo̱a̱ꞌatio, ko̱jo nga sa̱ꞌínchꞌó já xchá ngito̱ko̱o̱ na̱xi̱ńdaá, ko̱jo já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, kó katsóyà nga chjiéngá si̱ꞌankꞌien, kó nga xi ma jaán ni̱xtjin kjo̱a̱ꞌáꞌyaá.

Rkaa̱ 10:16

Kui xi ku̱i̱ntꞌièjnú jún, ndyi̱ntꞌièna án nga, kó xi sa̱ꞌínchꞌójnú jún, ti̱ tjítsꞌénchꞌóna an nga, kó xi tjítsꞌénchꞌóna an, tjítsꞌénchꞌó kui Néná xí katsangiyana nga.

Rkaa̱ 17:25

Ta̱nga tjón mára achichí kjo̱a̱ni̱ma̱ kjo̱a̱ꞌatio, kó ngayeje xota̱ xi̱ꞌbi̱ xi sa̱ꞌínchꞌó.

Rkaa̱ 20:17

Kjisoo̱ askotsijen ndá ndaá xotaa̱, sꞌe̱ bi̱ katsó: –Mí xí mejeén tsó ni xi bi̱ tsó xi tjítꞌa xo̱jo̱o̱n: Ndi̱jo̱ xi katsꞌénchꞌó já chji̱ni̱e̱xo̱ó, kuí xí ndi̱jo̱ ngaꞌniuú ndiꞌaa̱ kamá.

Rkaa̱ 7:30

ta̱nga já fariseoo̱ ko̱jo já chji̱ni̱e̱kjo̱a̱kitii̱, katsꞌénchꞌó ni xi mejeén Néná, nga kamámejénjiín nga Juaa̱ atíndá.

Rkaa̱ 9:22

Kó bi̱ katsoó: –Ndií nda̱ xi̱ꞌii̱n chjiéngá tsie kjo̱a̱ni̱ma̱ kjo̱a̱ꞌatio, ko̱jo nga sa̱ꞌínchꞌó já xchá ngito̱ko̱o̱ na̱xi̱ńdaá, ko̱jo já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱. Kó katsóyà nga chjiéngá si̱ꞌankꞌien, kó nga xi ma jaán ni̱xtjin kjo̱a̱ꞌáꞌyaá.

Rkaa̱ 9:26

Ngatꞌa̱ ngayeje xota̱ xi soboá ka̱maa̱ kjo̱a̱a̱ an ko̱jo kjo̱a̱a̱ énna, ti̱ bo̱a̱ ti̱ tsꞌén ndií nda̱ xi̱ꞌii̱n, soboá ka̱maa̱ kjo̱a̱a̱ kui, kjiꞌanga kjo̱e̱ꞌéjo̱ kjo̱a̱je tsi̱ꞌe̱, ko̱jo kjo̱a̱jee̱ Na̱ꞌmii̱, ko̱jo tsi̱ꞌe̱ ndítsjiee̱.

Juaa̱ 11:24

Sꞌe̱ na̱ Martaa̱, bi̱ katsó: –Jè be an nga kjo̱a̱ꞌáꞌyá nginií kjiꞌanga kjo̱a̱ꞌáꞌyaá xota̱ xi je jesoón, ni̱xtjin xi fetꞌaa̱.

Juaa̱ 5:45

Ngata̱ niꞌánkjójínjnú nga an xi kongítaꞌínjnúꞌun ngindyi̱ko̱n Na̱ꞌmina, kjo̱a̱kiti xi katsꞌénda Moisee̱ boá xi ko̱óngítaꞌínjnú, kuí xí ndyi̱chiyákjo̱a̱jnú.

Juaa̱ 6:39

Kó kuí nii̱ xi mejeén Na̱ꞌmina xi katsangiyana: Nga ngayeje ni xi tsja̱ana, ngojín ni xi sa̱ꞌinchaja an, nga ta̱sá sa̱ꞌinkjaꞌáꞌyáa̱ nga kjo̱chó ni̱xtjin nga kju̱i̱e̱tꞌaa̱ kui nga̱sondiee̱.

Juaa̱ 8:47

Xota̱ xi Néná chji̱a̱ni, ntꞌieé ngayeje eén Néná, ta̱nga jún ndaꞌyájínjnúu̱ ni xi tsó Néná, ngatꞌa̱ Nénájín ndokjo̱a̱nijnú.

Ni xi kamá 17:31

ngatꞌa̱ nga Néná jè jaꞌájin ngo ni̱xtjin nga kixi̱ tsꞌén ko̱tíjeé xotaa̱ kui nga̱sondiee̱, kó jè jaꞌájin ngo nda̱ xi sa̱ꞌín kui nii̱, kó jè íjñá chi̱bo̱a̱ná ngayeje ñá, kjiꞌanga katsꞌénkjaꞌáꞌyaá ngi̱jii̱n xota̱ xi je jesoón.

Ni xi kamá 3:23

Kó ngayeje xota̱ xi ku̱i̱ntꞌièjiín ni xi ka̱tso̱ kui nda̱ chji̱ni̱e̱ꞌe̱én Néná, si̱ꞌankjie ngi̱jii̱n xota̱ na̱xi̱ńdaá.”

Xota̱ Roma̱ 2:16

Bo̱a̱ ka̱ma ni̱xtjin nga Néná tsja̱axaá Jesukristoo̱ nga kui xi ka̱tso̱yà tsi nda ko̱jo tsi ndajínkjiꞌi ngayeje ni xi ꞌma xi síndoo̱ xotaa̱, xikó tsó éntjatsi̱e̱e̱ Néná xi tsꞌénꞌbini̱jmìjnúꞌun.

2 Xota̱ Korinto̱ 4:3

Ta̱nga tsi ta̱kó tikónꞌmá ngase éntjatsi̱e̱e̱ Néná xi ndyi̱ꞌbíni̱jmìjne̱, tikónꞌmá kuí eén, ta̱nga ngi̱jii̱n xota̱ xi kichajaá nga tikónꞌmá.

2 Xota̱ Tesalónika̱ 1:8

Ngi̱jii̱n ndiꞌí kji̱ndi̱báni, tsi̱ꞌe̱ nga sa̱ꞌínjeé ngayeje xota̱ xi kamábejín Néná, ti̱nde tsintꞌiéꞌénjiín éntjatsi̱e̱e̱ Ndi̱a̱ná Jesukristoo̱.

Xota̱ Ebreo̱ 10:25

Ngatsjéni̱xtjin ngatamatikó, jmí tsi xikó tsꞌén xota̱ xi je ngaa̱ nga ngiti̱ fíjín, ta̱sá ko̱e̱ꞌéngaꞌniúu̱ ja̱kꞌi̱e̱ ja̱ngaján xingi̱, ngase má nga je xcha̱ nga je tikón tiña ni̱xtjin nga kjo̱e̱ꞌe nginí Ndi̱a̱ná.

Xota̱ Ebreo̱ 12:25

Chónjnú yojojnú, kó ngata̱ niꞌánchꞌójínjnú kui Néná xi tsꞌénchji̱a̱a̱, ngatꞌa̱ ni̱xtjin xcháján xota̱ Israee̱l katsꞌénchꞌó Néná xí kꞌi̱e̱ tꞌanangii̱ ꞌniú atíxomaa̱ nga tsíchji̱a̱jo, kó kui xotaa̱ kamájiín jatjongii̱ yojoo̱, tsi̱ꞌe̱ nga sa̱kójiín kjo̱a̱botíjeé. Akja̱ꞌmíra̱ ñá ka̱máná ko̱ꞌna̱xiéngí yojoná tsi̱ꞌe̱ nga sa̱kójínná kjo̱a̱botíjeé tsi si̱ꞌanchꞌo kui Néná xi tsꞌénbotixómá nga tsꞌénchji̱a̱joná ndeskande ndiꞌakꞌajmii̱.

Xota̱ Ebreo̱ 2:3

kótsꞌèn ka̱máná nga ku̱i̱yóo̱ kui kjo̱a̱botíjeé, tsi si̱ꞌansénjáa̱n kui kjo̱a̱ꞌnaxiéꞌá xi bo̱a̱ tsꞌén jee̱. Ngatꞌa̱ ti̱kuíní Ndi̱a̱ Kjisoo̱ xi tjón katsóyà kui én xí ꞌboxiéꞌáná, sꞌe̱ jaskan xota̱ xi tsintꞌieé akóná nga ja̱koxi̱ kui nii̱.

Xota̱ Ebreo̱ 4:12

Ngatꞌa̱ eén Néná, tikón, kó tjínrií ngaꞌniú, kó kuí xí yojó ngase ta̱bo̱a̱jiín ngo ki̱cha̱ xi yojó nga jó ngoboaá, kó kui eén ꞌbosꞌien ngaskande nínga ꞌniú na̱nga̱a̱ ini̱ma̱a̱ ko̱jo a̱si̱énni̱xtjii̱n, ko̱jo nínga tjíkjoo̱ ńdaa̱, ko̱jo ngi̱jii̱n ńdaa̱, kó kuí boá xi kotꞌa kjo̱a̱kjíntakoón, ko̱jo ni xi mejeén sa̱ꞌín ngo ini̱ma̱.

1 Xo̱jo̱o̱n Peé 1:5

Ngaꞌniuú tjítsꞌénkjién nga tsꞌénkoón jún, ta̱ngatꞌanii̱ nga sꞌijinjnú, tsi̱ꞌe̱ nga Néná kꞌo̱xiéꞌá kjin kjin xota̱ xi tsi̱ꞌe̱ xikótsꞌèn je tikónndaa̱ ni̱xtjin xi kjifetꞌaa̱.

2 Xo̱jo̱o̱n Peé 3:3

Tjón kui nii̱ xi ꞌniú tjajintakónjnú, nga ni̱xtjin xi kju̱i̱e̱tꞌaa̱, kꞌuié xota̱ xi kꞌuíndo xikótsꞌèn mejeén ini̱ma̱a̱ nga kꞌuíndo, kó ko̱jno̱kie ni xi je akakoyájnú,

2 Xo̱jo̱o̱n Peé 3:7

Ta̱nga kui ndiꞌakꞌajmi ko̱jo tꞌanangi xi síndo ngotꞌe̱, ta̱ngatꞌanii̱ kui eén Néná nga, nga je síndondani tsi̱ꞌe̱ nga ndiꞌí sa̱ꞌínkjié nga kjo̱chó ni̱xtjin nga Néná ka̱tso̱yà tsi nda ko̱jo tsi ndajínkjiꞌi ni xi katsꞌén xotaa̱, kó kjiꞌá boá nga kju̱i̱e̱ xota̱ xi bendikónjín Néná nga.