Juaa̱ 12:43 - Xo̱jo̱n eén Néná

⁴³ Ngatꞌa̱ tjó ngase kamaá kjo̱a̱jee̱ xotaa̱, ta̱bo̱a̱jiín kjo̱a̱jee̱ Néná.

Juaa̱ 12:43 ပူးပေါင်းရင်းမြစ်များ

Xo̱jo̱n Salmoo̱ 22:29

Xota̱ xi iskjinie nichinie ko̱jo xi kamáyiꞌi kui nga̱sondiee̱, ko̱siéntikoó ngindyi̱ko̱n Néná. Xota̱ xi je jesoón, ti̱ ko̱siéntikoó ndatsa kui nga, ko̱jo xota̱ xi je mején ma kjiesoón nga.

Énkjínkón 29:25

Tsi ngo xota̱ xi tsakjón kje̱ꞌe xota̱, xikónii̱ tsi ngo chja̱ya̱ tsꞌénꞌbijñaá yojoo̱, ta̱nga xota̱ xi Néná ꞌniátakón, kuí boá xi jmí ni ka̱májiín.

Matioo̱ 6:2

Kó kuíni nga, kjiꞌanga ngo chji̱e̱ ko̱e̱ꞌéjnú, ngata̱ jmí tjio niꞌánkjaniejínjnú ngindyikónjnú, xikó tsꞌén xota̱ xi jókje̱n xi ngi̱ya ndiꞌa nínga ndokjo̱a̱ eén Néná ko̱jo ngi̱ya ndi̱yàtié chji̱a̱, tsi̱ꞌe̱ nga xotaa̱ sku̱i̱e̱ndikón, ja̱koxi̱ ni xi xiánjnúꞌun nga kui xotaa̱, jè tikoón ni xi sa̱ko̱ó.

Rkaa̱ 16:15

Kó Kjisoo̱, bi̱ katsoó kui jaá: –Jún ngindyi̱ko̱n xotaa̱ kixi̱ májnú yojojnú, ta̱nga Néná be kókjiꞌi ini̱ma̱jnú. Ngatamakjínjnú nga ni xi achichí bendikón xotaa̱, ngindyi̱ko̱n Néná ni xi ta̱nisién ꞌniú chꞌokjiꞌi boá.

Rkaa̱ 19:17

Kó bi̱ katsó nda̱ ree̱: “Nda kiniꞌín ji, moso̱ nda, kjo̱a̱a̱ nga chiboa to̱n xi kamáꞌniátakón ji nga kichíi̱n, tie na̱xi̱ńdá ko̱ti̱xomée̱.”

Juaa̱ 12:26

Tsi tjín xí sa̱ꞌínsénna, ngatjandibátjingína, kó nínga kotíjña̱ an, ti̱ ki̱a̱ kꞌuijñá nda̱ xi sa̱ꞌínsénna. Tsi tjín xí sa̱ꞌínsénna, Na̱ꞌmina sku̱i̱e̱ndikón.

Juaa̱ 5:41

Tsꞌenjoꞌojín an kjo̱a̱je xi tsja̱ana xotaa̱,

Juaa̱ 5:44

Kótsꞌèn ka̱ma sꞌi̱jinjnú, nga ja̱kꞌi̱e̱ ja̱ngaján ndyi̱boeꞌéjnúu̱ kjo̱a̱je xingi̱jnú, kó ndyi̱mindyiséjínjnú kjo̱a̱je xi tsja̱aná Néná xí ngototoo̱.

Juaa̱ 7:18

Kui xota̱ xi tsi̱ꞌe̱ ni xi chji̱a̱a̱, mongase nga ngayeje xi sku̱i̱e̱ kjo̱a̱jee̱, ta̱nga xi mongase nga xcha̱ kjo̱a̱jee̱ xi katsangiya, kuí xi̱ꞌbi̱ xi ja̱koxi̱i̱, kó kuí xí kixi̱.

Juaa̱ 8:54

Sꞌe̱ Kjisoo̱, bi̱ katsó: –Tsi ti̱ an tsjàa̱ kjo̱a̱je yojona, jmí ni chjíjiín ni xi tsꞌen an, ta̱nga Na̱ꞌmina boá xi tsjána kjo̱a̱je, kó kuí boá kui xi jún Nejne̱ ndyi̱ꞌmìjnúu̱,

Xota̱ Roma̱ 2:29

Kuí xí xota̱ jundío̱ xi xota̱ jundío̱ ngi̱ya yojoo̱ nga, kó sirkunsisio̱n xi ndaa̱ kuí xí xikoó tsi ngi̱jin ini̱ma̱a̱ xotaa̱ nga kiniꞌaán, kó A̱si̱énni̱xtjii̱n Néná boá xi bo̱a̱ tsꞌén, jmí tsi kjo̱a̱a̱ xikó tsó kjo̱a̱kitii̱. Néná boá xi tsꞌénjóꞌo xota̱ xi ja̱koxi̱ nga ngi̱jin ini̱ma̱a̱ nga kiniꞌaán sirkunsisioo̱n, kó jmí tsi xotaa̱.

Xota̱ Roma̱ 2:7

Kjo̱a̱mindyion ngatsjéni̱xtjin tsja̱á xota̱ xi ndyi̱koyakjo̱a̱ nga ta̱ngongá ni xi nda ndyi̱tsꞌèn, kó nga ndyi̱mongase nga sa̱ko̱ó kjo̱a̱je, ko̱jo kjo̱a̱yandikón, ko̱jo nga kꞌuíndo ngatsjéni̱xtjin.

1 Xota̱ Korinto̱ 4:5

Kó kuíni nga, ngata̱ júnjín bo̱a̱ ꞌmíjnú tsi nda ko̱jo tsi ndajín ndyi̱tsꞌèn xotaa̱ nga ngindie ni̱xtjin, ta̱sá chiyájnúu̱ ngaskande nga kjo̱e̱ꞌe nginí Ndi̱a̱ná, ngatꞌa̱ kuí boá xi ku̱i̱ꞌíjñátsijen ni xi tjiꞌmaá, ko̱jo ni xi niꞌánkjó nga ngo nga ngo ñá, kó ko̱kó ngayeje ni xi mejeén sa̱ꞌín ini̱ma̱a̱ xotaa̱, kósꞌe̱ bo̱a̱ tsꞌén kui ni̱xtjii̱n nga Néná nda tsꞌén ku̱i̱chji̱a̱ kjo̱a̱a̱ ni xi katsꞌén nga ngo nga ngo xotaa̱.

2 Xota̱ Korinto̱ 10:18

Ngatꞌa̱ kuijín xi si̱ꞌanjo̱ꞌo kui xi nda tsꞌénꞌboxié yojoo̱. Kuí xí si̱ꞌanjo̱ꞌo kui xi Néná nda tsꞌén ku̱i̱chji̱a̱ kjo̱a̱a̱ kui.

1 Xota̱ Tesalónika̱ 2:6

Ti̱nde jmíni̱xtjin nga ikindyiséjne̱ tsi xotaa̱, ko̱jo tsi jún, ko̱jo tsi kje̱ꞌe xota̱ xi katsꞌéndikónjne̱, ndatsi kamá tsí jún ikꞌíniéjne̱ yojojne̱ kjo̱a̱a̱ nga apostroo̱ Kristoo̱ ji̱n.

1 Xo̱jo̱o̱n Peé 3:4

Ta̱sá ngi̱jii̱n ini̱ma̱jnú ngatꞌijñaá ngo kjo̱a̱fonda xi kjo̱tsònjín nga kꞌuiéjnú ngo a̱siénni̱xtjin xi nda ko̱jo xi xió. Kuí kjo̱a̱tsjakjiꞌii̱ xi ꞌniú chjínií ngindyi̱ko̱n Néná.