Juaa̱ 12:32 - Xo̱jo̱n eén Néná

³² Kó tsi an nkꞌa chjanínkꞌána kui tꞌanangii̱, ngayeje xotaa̱ xi kji̱ndi̱bákón tiñana.

Juaa̱ 12:32 ပူးပေါင်းရင်းမြစ်များ

Én xí nda xi ꞌniú tsjatsó ngasee̱ 1:4

¡Tsáyè ji, kó tꞌenje̱ní nínga tindyin ji! ¡Tꞌenje̱ní ki̱a̱ ngi̱yaꞌmàa̱, re xi tsa̱ꞌa̱n! Tsjangatꞌiéná ji ko̱jo an, kó tsjá ngase ngatamana nga si̱ꞌinmejénní, ta̱bo̱a̱jiín binoo̱. ¡Ta̱ngatꞌanii̱ kui nii̱ nga ínchjín xo̱ngo̱ò, achichí mejeén ji!

Xki̱ 21:9

Kó bo̱a̱ kamá. Moisee̱ katsꞌénda ngo ye̱ xi ki̱cha̱ bronse̱, kó ngo yá ndojó ítokó. Kó kjiꞌanga ngo xota̱ xi ye̱ iskjiniee̱, kui xi bo̱a̱ kamaá askotsijee̱n kui ye̱ xi ki̱cha̱ bronsee̱, kó jmí ni kamájiín ngijee̱.

Juaa̱ 1:7

kuí nda̱a̱ xi chistiko̱ kamá, tsi̱ꞌe̱ nga ku̱i̱chji̱a̱jo xotaa̱ kjo̱a̱a̱ kui ndiꞌií, tsi̱ꞌe̱ nga ngayeje xi sꞌi̱jii̱n.

Juaa̱ 12:34

Sꞌe̱ bi̱ katsó kui xotaa̱: –Ta̱ngatꞌanii̱ kjo̱a̱kitii̱ nga yàjne̱ nga Kristoo̱ kꞌuijñá ngatsjéni̱xtjin. Ja̱ kótsꞌèn se ji nga ndií nda̱ xi̱ꞌii̱n chjiéngá xtjonínkꞌá. ꞌYání bo̱a̱ kui ndií nda̱ xi̱ꞌin xi̱ꞌbi̱.

Juaa̱ 18:32

Kui nii̱ kamá, tsi̱ꞌe̱ nga jatjosón ni xi katsó Kjisoo̱, nga katsóyà kótsꞌèn ko̱yà.

Juaa̱ 19:17

Kó ti̱ kuii̱ Kjisoo̱ tsaꞌanijín kroo̱, sꞌe̱ kijí ngo ngi̱ndie xi ꞌmí ngi̱ndiee̱ ńdato̱ko̱ ini̱ma̱, Ngólngota̱, ꞌmí nga én ebreo̱,

Juaa̱ 3:14

Kó xikótsꞌèn iskjininkꞌa Moisee̱ ye̱e̱ ki̱a̱ nangi kixií, ti̱ bo̱a̱ ti̱ tsꞌén chjanínkꞌá ndií nda̱ xi̱ꞌii̱n nga,

Juaa̱ 6:44

Nde ngojín xota̱ xi ka̱maa̱ kjo̱e̱ꞌe̱kónna, tsi kuijín Na̱ꞌmi xi jeꞌejo̱na xi kjo̱e̱ꞌéjo̱, kó an sa̱ꞌinkjaꞌáꞌyáa̱ kui xotaa̱, nga kjo̱chó ni̱xtjin nga kju̱i̱e̱tꞌaa̱ kui nga̱sondiee̱.

Juaa̱ 8:28

Kó kuíni nga Kjisoo̱, bi̱ katsoó: –Kjiꞌa ngije chjanínkꞌájnú ndií nda̱ xi̱ꞌii̱n, kjiꞌa xcha̱jnú nga an, kó nga ni xi akóyána Na̱ꞌmina xí chjiá an, jmí tsi ni xi an so̱bo̱a̱ mejénna tsꞌen an.

Xota̱ Ngalasia̱ 3:13

Tsi̱ꞌe̱ nga kꞌo̱kaniéjínná kjo̱a̱botíjeé kjo̱a̱kitii̱, Kristoo̱ iskjíbé kui kjo̱a̱botíjé xí chji̱a̱ni kjo̱a̱kitii̱ ta̱ngatꞌanii̱ ñá, ngatꞌa̱ bi̱ tsꞌén kjitꞌa xo̱jo̱n eén Néná: “Ngatꞌíko̱joo̱ ngayeje xota̱ xi tsjiengíboaꞌátꞌa ngo yá.”

1 Timoo̱ 2:6

Kui xi ti̱ kuii̱ katsꞌénkꞌasꞌien yojoo̱ nga kiniꞌánkꞌién, tsi̱ꞌe̱ nga íchjítjéná ngayeje ñá, kó kuí ngatꞌaa̱ nga Néná, nga jachó ni̱xtjin akó nga mejeén kꞌo̱xiéꞌá ngayeje xotaa̱.

Xota̱ Ebreo̱ 2:9

Ta̱nga yàjne̱ xikótsꞌèn Kjisoo̱ chiboa ngase kiniꞌán ngotjón, ta̱bo̱a̱jiín ndítsjiee̱, kó nga kuí xí tikoón kjo̱a̱jee̱, ko̱jo kjo̱a̱yandikoón kjo̱a̱a̱ kui kjo̱a̱ni̱ma̱a̱ xi jaꞌatio nga kiniꞌánkꞌién. Jaꞌajin kjo̱a̱bo̱yaa̱ ta̱ngatꞌanii̱ nga kꞌientjé ngayeje xotaa̱, kó bo̱a̱ tsꞌén katsꞌénkjatjosón kjo̱a̱ndaa̱ Néná.

1 Xo̱jo̱o̱n Peé 2:24

Kuí Kristoo̱ xi kijíjo̱ jéná ngi̱jin yojoo̱ ki̱a̱ tꞌa kroo̱, tsi̱ꞌe̱ nga ñá ko̱yà kjo̱a̱a̱ jé xí kiniꞌán, kó ku̱i̱ndyión kjo̱a̱a̱ kjo̱a̱kixi̱i̱. Kó ta̱ngatꞌanii̱ nga kiniꞌánꞌoón Kristoo̱ nga jún je kamándayajnú.

1 Xo̱jo̱o̱n Peé 3:18

Ngatꞌa̱ Kristoo̱ ti̱ bo̱a̱ ti̱ tsꞌén jaꞌatio kjo̱a̱ni̱ma̱, kó ta̱ ngo tsí ndi̱yà kꞌien nga katsꞌénkjié jeé xotaa̱. Nda̱ xi kixi̱i̱, xota̱ xi kixi̱jiín kꞌientjéni, tsi̱ꞌe̱ nga kjo̱joná ngindyi̱ko̱n Néná. Nga ja̱koxi̱ kiniꞌánkꞌién nga xota̱, ta̱nga kiniꞌánkjaꞌáꞌyaá nga a̱siénni̱xtjin.

1 Xo̱jo̱o̱n Juaa̱ 2:2

Jesukristoo̱ boá xi katsjá yojoo̱ xikoó ngo kjo̱a̱tjó, nga jaꞌatio kjo̱a̱ni̱ma̱ ta̱ngatꞌanii̱ nga íchjítjé jéná ñá xi je kisꞌijinná Néná. Kó jmí tsi ta̱ jéná tsí, ko̱jo jeé ngayeje xota̱ xi tjín nga̱sondiee̱ boá nga.

Ni xi akakoo̱ 5:9

Kó ndyi̱sie ngo só tja̱tsi̱e̱ xi bi̱ tsoó: Jí xí tsoboaá nga chjábé jí kui chꞌo̱ xo̱jo̱o̱n ko̱jo nga chjándiyè ji seyoo̱, ngatꞌa̱ jí boá xi kiniꞌánkꞌieén, kó nga katjon jíi̱n kaꞌnaxiéꞌé nga tsi̱ꞌe̱ Néná kamá ngayeje tji̱e̱e̱ xota̱, én, ko̱jo nangi, ko̱jo na̱xi̱ńdá,