Juaa̱ 12:26 - Xo̱jo̱n eén Néná

²⁶ Tsi tjín xí sa̱ꞌínsénna, ngatjandibátjingína, kó nínga kotíjña̱ an, ti̱ ki̱a̱ kꞌuijñá nda̱ xi sa̱ꞌínsénna. Tsi tjín xí sa̱ꞌínsénna, Na̱ꞌmina sku̱i̱e̱ndikón.

Juaa̱ 12:26 ပူးပေါင်းရင်းမြစ်များ

Xo̱jo̱n Salmoo̱ 17:15

Ta̱nga an ki ji Ne, skuié án kje̱n ji nga tjiín kjo̱a̱kixi̱. ¡Nga kjo̱a̱ꞌána, achichí tsjá ka̱mana nga skotsijee̱n ji!

Xo̱jo̱n Salmoo̱ 91:15

Kjiꞌanga ku̱i̱chji̱a̱na, an sa̱ꞌinsée̱n, kó ki̱a̱ kotíjña̱jo an kjiꞌanga nda̱ ka̱maa̱, kó án boá xi sa̱ꞌindé án, kó tsjáa̱ kjo̱a̱je kui.

Énkjínkón 27:18

Xota̱ xi nda koo̱n yáꞌingoo̱, ka̱maa̱ skji̱ni̱e̱ to xi ko̱a̱ja̱a̱, kó xota̱ xi koo̱n ni xi tjiín ndi̱a̱a̱, kui ndi̱a̱a̱, sku̱i̱e̱ndikón.

Xki̱ 14:24

»Ta̱nga Kalee̱b, nda̱ xi tsꞌénxátꞌana, ki̱a̱jín nijan kamá xota̱ xi ngasee̱, ta̱sá kisꞌijii̱n ni xi kixiyatjón an nga sa̱ꞌinkjatjosón an, kuíni nga kꞌo̱sꞌien kuí, ko̱jo ndií kui ngi̱ndie xi kixiyatjón an nga tsjàa̱, nínga síndo xota̱ tji̱e̱e̱ Amalee̱k, ko̱jo xota̱ tji̱e̱e̱ Kaa̱n. Kó jún, ndyiojón kongínjnú nangi kixií xtji̱e̱e̱n nínga tikón Ndáchíkón Inií.

Xki̱ 32:11

“Ja̱ kó nga kamámejénjiín tsintꞌiéꞌénna, ja̱koxi̱ ni xi xian an, nga ngojín kui xota̱ xi jatjoni nangi Ejipto̱ xi je tsꞌatio kan noó, xi kꞌo̱sꞌien kui tꞌanangi xi tsjajnúꞌun kixiáa̱n xota̱ xi xchájnú, kui xi Abraa̱n, ko̱jo Isaa̱, ko̱jo Jakoo̱b.

Matioo̱ 16:24

Kósꞌe̱ Kjisoo̱, bi̱ katsoó xota̱ tsi̱ꞌe̱: –Tsi tjín káꞌá xota̱ xi mejeén tsjiengína, ngatsꞌénchíyá yojoo̱, nga kjíbé kroo̱, kósꞌe̱ ngatjandibátjingína.

Matioo̱ 25:21

Sꞌe̱ ndi̱a̱a̱, bi̱ katsoó: «Ndakjiꞌi, ngo moso̱ xi nda ko̱jo xi maꞌniátakón boá ji, kó nga nda kichíi̱n ni chiboa xi katsjaa, tsie ngase nina xchíi̱n. ¡Ja̱bíꞌi̱n, kó nijan si̱ꞌantsjà!»

Markoo̱ 8:34

Kósꞌe̱ Kjisoo̱ tsíchji̱a̱a̱ xota̱ tsi̱ꞌe̱, ko̱jo xota̱ kjiín, nga bi̱ katsoó: –Tsi tjín káꞌá xota̱ xi mejeén tsjiengína, ngatsꞌénchíyá yojoo̱, nga kjíbé kroo̱, kósꞌe̱ ngatjandibátjingína.

Rkaa̱ 12:37

Achichíra̱tsjaa̱ moso̱ xi kjiꞌiféjín nga kjo̱chó ndi̱a̱a̱, ja̱koxi̱ nga ti̱ kuii̱ ndi̱a̱a̱ sa̱ꞌínkꞌijñátꞌa yámíxa̱, kó ti̱ kuii̱ sa̱ꞌínseén.

Rkaa̱ 6:46

Míkjo̱a̱a̱ nga jún, “Ndi̱a̱, Ndi̱a̱” ndyi̱ꞌmìjnúu̱, kó niꞌánjínjnú ni xi xian an.

Rkaa̱ 9:23

Kó bi̱ katsoó ngayeje xotaa̱: –Tsi tjín káꞌá xota̱ xi mejeén tsjiengína, ngatsꞌénchíyá yojoo̱, nga kjíbé kroo̱ ndyiojón ndyiojón, kósꞌe̱ ngatjandibátjingína.

Juaa̱ 10:27

Cho̱tsa̱nga̱na ntꞌiérií nda̱na, kó be án kuí, kó fítji̱ngina,

Juaa̱ 13:16

Ja̱koxi̱, ja̱koxi̱ ni xi xiánjnúꞌun: Nda̱ mosoo̱ ꞌniújín nkꞌa ngase ka̱ma ta̱bo̱a̱jiín ndi̱a̱a̱, ti̱nde nda̱ xi kanangiyaa̱ nkꞌajín ngase xaá ta̱bo̱a̱jiín xi katsangiya.

Juaa̱ 14:15

Tsi tjójnú án, chjiéngá si̱ꞌankjatjosónjnú kjo̱a̱botíxomana.

Juaa̱ 14:3

Kó tsi kjuínkꞌijñandajnúꞌun ngo ngi̱ndie, kjoéꞌe̱ ngiñá an nga kjoéꞌe̱kjaꞌajnúꞌun, tsi̱ꞌe̱ nga nínga kotíjña̱ an ki̱a̱ ku̱i̱ndyionjnú nga.

Juaa̱ 15:20

Ngatjaꞌátsjienjnú én xi je kixianjnúꞌun: “Mosoo̱ nkꞌajín ngase xaá ta̱bo̱a̱jiín ndi̱a̱a̱.” Tsi je ikiyotji̱ngina, ti̱ ku̱i̱yotjíngíjnú jún nga, tsi ndyi̱niꞌánkjatjosónjnú énna, ja̱ ti̱ si̱ꞌankjatjosón énjnú nga.

Juaa̱ 17:24

Na̱ꞌmi, kui xota̱ xi je katseꞌéní, mejénna nga nínga tikòn an, nga ti̱ ki̱a̱ kꞌuíndojo̱na nga, tsi̱ꞌe̱ nga sku̱i̱e̱ ngayeje kjo̱a̱je xi katseꞌéní, ngatꞌa̱ kiniꞌíntjéní ndeskande koó nga ítjatsꞌennii̱ kui nga̱sondiee̱.

Juaa̱ 21:22

Sꞌe̱ Kjisoo̱, bi̱ katsó: –Tsi mejénna nga kꞌuijñá kui nda̱a̱ ngaskande nga kji̱ndi̱bá an, kó jí, mí ndaseén. Ndibétji̱ngíní jí.

Xota̱ Roma̱ 1:1

Tsꞌentíndejnú Pabloo̱, nda̱ xi Néná tsíchji̱a̱a̱ nga katsjáxaá tsi̱ꞌe̱ nga apostro̱ ka̱ma an, kó íjñátꞌaxínna, tsi̱ꞌe̱ nga kꞌuini̱jmì án éntjatsi̱e̱e̱ Néná.

Xota̱ Roma̱ 14:18

Ngatꞌa̱ Néná tsjá kjimaa̱ kjo̱a̱a̱ xota̱ xi ndyi̱tsꞌèn xaá Kristoo̱, kó ngayeje xota̱ xi ngasee̱ ndyi̱tsꞌènjóꞌo.

2 Xota̱ Korinto̱ 4:5

Ngatꞌa̱ jmí tsi kjo̱a̱a̱ ji̱n xi ndyi̱ꞌbíni̱jmìjne̱, kjo̱a̱a̱ Jesukristoo̱ nga kui xi Ndi̱a̱ná xí ndyi̱ꞌbíni̱jmìjne̱, kó ji̱n ta̱ moso̱ tsa̱jún tsi kjimajne̱ ta̱ngatꞌanii̱ nga tikónjinjne̱ kjo̱a̱tjoó Kjisoo̱.

2 Xota̱ Korinto̱ 5:8

Kjimaꞌniátakón ñá kó mejénná nga kꞌuijñámasien kui yojo xchaá, tsi̱ꞌe̱ nga nínga tikón Ndi̱a̱ná konginkíndyión.

Xota̱ Ngalasia̱ 1:10

Ngatꞌa̱, a kjo̱a̱ndaa̱ xotaa̱ xí tsꞌénmongase an, axa̱ kjo̱a̱ndaa̱ Néná boá. Axa̱ xotaa̱ xí tsꞌéntsjàa̱ kjo̱a̱tsja. Ngatꞌa̱ tsi mejénna nga xotaa̱ xi tsja ka̱maa̱ ni xi sa̱ꞌin an, ja̱ ngiti̱ mosoo̱ Kristoo̱jín ka̱ma an tsobo̱a̱.

Xota̱ Filipo̱ 1:23

Ngatꞌa̱ achichí niꞌin mana nga ngo nga jó kui nii̱ xi kjo̱a̱ꞌajin an: Ngatꞌa̱ ta̱ bo̱a̱ mejénna ko̱yà án, tsi̱ꞌe̱ nga ki̱a̱ kotíjña̱ an nínga tikón Kristoo̱, ngatꞌa̱ nda ngase kjimana kui nii̱,

Xota̱ Kolosa̱ 3:24

Ngatꞌa̱ jè yàjnú nga Ndi̱a̱ná tsja̱ajnú ni xi tsoboájnú. Ngatꞌa̱ jún boá xi ndyi̱niꞌánsénjnúu̱ Kristoo̱, nga kui xi Ndi̱a̱jnú xi ja̱koxi̱i̱.

Xota̱ Kolosa̱ 4:12

Tinde xò bo̱a̱ tsó nda̱ xi ꞌmí Epafraa̱, xi nda̱ nangijnú ma, xi ti̱ mosoo̱ Kristoo̱ nga, kui nda̱a̱ ngatsjéni̱xtjin nga ngayeje ini̱ma̱a̱ nga tsꞌénmíꞌatjéjnú jún nga chji̱a̱a̱ Néná, tsi̱ꞌe̱ nga ꞌniú ku̱i̱ndyiajnú nga ka̱mando̱jo kjin kjinjnú nga si̱ꞌánjnú ngayeje ni xi mejeén Néná.

2 Xo̱jo̱o̱n Peé 1:1

Án xí ꞌmína Ximo̱ Pé, nda̱ moso̱ ko̱jo nda̱ apostroo̱ Jesukristoo̱, tsꞌentindejnúꞌun jún xota̱ xi je kasakojnú ngo kjo̱a̱sꞌijin xi bo̱a̱ tsꞌén chjínií xikoó xi tsa̱ji̱n, ta̱ngatꞌanii̱ kjo̱a̱kixi̱i̱ Jesukristoo̱, kui xi Néná xí tsꞌaxiéꞌáná.

1 Xo̱jo̱o̱n Juaa̱ 5:3

Ngatꞌa̱ kuí nii̱ xi bokó nga tjóná Néná, kjiꞌanga si̱ꞌankjatjosón kjo̱a̱botíxomaa̱. Niꞌínjín niꞌánkjatjosón kjo̱a̱botíxomaa̱ kui.

Xo̱jo̱o̱n Jundaa̱ 1:1

Án xí ꞌmína Jundaa̱, mosoo̱ Jesukristoo̱ ko̱jo ntsꞌi̱e̱ Sandiyaá, tsꞌentindejnúꞌun ngayejejnú jún xota̱ xi Néná xí Na̱ꞌmii̱ tjoó, ko̱jo xi je tsíchji̱a̱a̱, kui xota̱ xi Jesukristoo̱ tsꞌénkoón.

Ni xi akakoo̱ 14:4

Kuí bí xota̱ xi katsꞌéndándíjín yojoo̱ tsi ínchjín kisꞌiee̱, ngatꞌa̱ síndo xo̱ngò boá. Kuí bí xi kijítji̱ngii̱ cho̱tsa̱nga̱a̱ ta̱ nínga kijí. Kuí bí xi ikꞌíchjítjé nga kaꞌnaxiéꞌá ngi̱jii̱n jáxíꞌín xi xikoó tsi ngo ni xi tjón xi kiniꞌánkꞌasꞌiee̱n Néná ko̱jo cho̱tsa̱nga̱a̱,