Juaa̱ 12:25 - Xo̱jo̱n eén Néná

²⁵ Xi tjoó kjo̱a̱mindyioo̱n, sa̱ꞌínchaja, kó xi chꞌoo̱ kjo̱a̱mindyioo̱n xikótsꞌèn tikón kui nga̱sondiee̱, kuí boá xi ta̱sá tsꞌénfoaꞌátjó, kó kꞌuijñá ngatsjéni̱xtjii̱n.

Juaa̱ 12:25 ပူးပေါင်းရင်းမြစ်များ

Eklesiastee̱ 2:17

Kuíni nga katsꞌenchꞌó an kjo̱a̱mindyioo̱n, ngatꞌa̱ xá xí niꞌán kui nga̱sondiee̱ je tsꞌajonna, ngatꞌa̱ ngayeje kui nii̱ ta̱kjo̱a̱ndaní bo̱a̱, kó ta̱ tsꞌénboa tsíná.

Matioo̱ 10:39

Xi ka̱mamejeén sa̱ko̱ó kjo̱a̱mindyioo̱n, ta̱sá sa̱ꞌínchaja, kó xi sa̱ꞌínchaja ta̱ngatꞌanii̱ an, kuí boá xi sa̱ko̱ó kjo̱a̱mindyioo̱n.

Matioo̱ 16:25

Ngatꞌa̱ ngayeje xi mejeén kꞌo̱xiéꞌá kjo̱a̱mindyioo̱n, kuí xí ta̱sá ko̱yà, kó ngayeje xi ko̱yà ta̱ngatꞌanii̱ an, kuí boá xi sa̱ko̱ó kjo̱a̱mindyioo̱n.

Matioo̱ 19:29

Kó ta̱ ꞌyání xi ta̱ngatꞌanii̱ jaꞌénna nga íjñámasien ndiꞌaa̱, ko̱jo ntsꞌi̱e̱, ko̱jo ndichja, ko̱jo na̱ꞌmii̱, ko̱jo na̱aa̱n, ko̱jo ndií, ko̱jo tꞌanangii̱, úchán bo̱a̱ kjiꞌi ngase ko̱e̱ꞌeé kui nii̱, kó sa̱ko̱ó kjo̱a̱mindyion ngatsjéni̱xtjii̱n.

Markoo̱ 8:35

Ngatꞌa̱ ngayeje xi mejeén kꞌo̱xiéꞌá kjo̱a̱mindyioo̱n, ta̱sá sa̱ꞌínchaja, kó ngayeje xi sa̱ꞌínchaja kjo̱a̱mindyioo̱n ta̱ngatꞌanii̱ an, ko̱jo ta̱ngatꞌanii̱ éntjatsi̱e̱e̱ Néná, kuí boá xi kjo̱tjoꞌa.

Rkaa̱ 14:26

–Tsi tjín káꞌá xota̱ xi mejeén ko̱e̱je̱tji̱ngina, kó tsi ꞌniú tjó ngasee̱ na̱ꞌmii̱, ko̱jo na̱aa̱n, ko̱jo chjo̱ón, ko̱jo ndií, ko̱jo ntsꞌi̱e̱, ko̱jo ndichja, ko̱jo ngaskande yojoo̱, ka̱májín xota̱na ka̱ma.

Rkaa̱ 17:33

Ngatꞌa̱ ngayeje xi mejeén kꞌo̱xiéꞌá kjo̱a̱mindyioo̱n, ta̱sá sa̱ꞌínchaja, kó ngayeje xi sa̱ꞌínchaja kjo̱a̱mindyioo̱n ta̱ngatꞌanii̱ an, kuí boá xi kjo̱tjoꞌa.

Ni xi kamá 20:24

Ta̱nga an, jmí ndasénjínna yojona, ti̱nde jmí ni tsjakjiꞌi míꞌájáa̱n kjo̱a̱mindyioo̱n, ngatꞌa̱ tsjákjiꞌina ngaskande nga kjóchotꞌáa̱ xá xí sa̱ꞌinkjatjosón an xi katsjána Ndi̱a̱ná Kjisoo̱, nga xiyà an éntjatsi̱e̱e̱ tsi̱ꞌe̱ kjo̱a̱ndaa̱ Néná.

Ni xi kamá 21:13

Kósꞌe̱ Pabloo̱, bi̱ katsójne̱: –Mí kjoaá nga ndyi̱chaꞌájnú, kó ngaskande an kjimandasee̱n ini̱ma̱na. An jè tikónnda an nga jmí tsi ta̱ kꞌuíꞌniútsína, ko̱jo tsi ngaskande nga niꞌánkꞌiénna ki̱a̱ na̱xi̱ńdáꞌniú Jerusale̱n, ta̱ngatꞌanii̱ jaꞌeén Ndi̱a̱ná Kjisoo̱.

Xota̱ Ebreo̱ 11:35

Ta̱ngatꞌanii̱ kjo̱a̱sꞌijii̱n nga tjín ínchjín xí kasako nginií xkjín ngatꞌa̱ Néná katsꞌénkjaꞌáꞌyaá. Kje̱ꞌe xota̱ xi íjñámasienjín nga sꞌijii̱n Néná tsi̱ꞌe̱ nga sꞌi̱jñandé, kó ta̱sá katsꞌénjo̱ꞌo nga kiniꞌánꞌoón, ko̱jo nga kiniꞌánkꞌién, ngatꞌa̱ ndyi̱koyaa̱ ngo kjo̱a̱foaꞌáꞌyá xi nda ngase.

Ni xi akakoo̱ 12:11

Kó kui ntsꞌié jè katsꞌeén ngatꞌaa̱ kui jín xí iskjitjón cho̱tsa̱nga̱a̱ ko̱jo kui én xí tsíchji̱a̱a̱, katsakjónjín nga xcha̱ja kjo̱a̱mindyioo̱n, ta̱sá kamámejeén nga ngaskande jesón.