Juaa̱ 11:52 - Xo̱jo̱n eén Néná

⁵² kó jmí tsi ta̱ kjo̱a̱a̱ tsií kui na̱xi̱ńdaá, ko̱yà Kjisoo̱ kjo̱a̱a̱ nga ka̱matikó ngayeje ndií Néná xi tjimásoón.

Juaa̱ 11:52 ပူးပေါင်းရင်းမြစ်များ

Jenesii̱s 49:10

Ngatsjéni̱xtjin kꞌuijñá ngi̱ya ndse̱ ji yánísié xi ko̱ti̱xomeni ji, ngaskande tsí nga kjo̱e̱ꞌe kui re xi ja̱koxi̱i̱, kui xi ko̱tíxoma ngayeje nga̱sondiee̱.

Xo̱jo̱n Salmoo̱ 22:15

Jè ngiti̱ jmí ngaꞌniújínna, jè xikoó tsi kixíyà an, kó najén án je kisitꞌaꞌniú ńdaa̱ ndso̱ꞌba án. ¡Jè ki̱a̱ akjajñíní tꞌanangii̱, tsi̱ꞌe̱ nga ko̱ya án!

Xo̱jo̱n Salmoo̱ 22:27

Ngayeje xota̱ xí tjín nga̱sondiee̱ kjo̱a̱ꞌátsjiee̱n Néná, kó kui ko̱e̱je̱kon nginií, kó ngayeje xtín xota̱ xi tjín na̱xi̱ńdaá, sa̱ꞌíndikoón nga ko̱siéntikoó.

Xo̱jo̱n Salmoo̱ 72:19

¡Ngatsjéni̱xtjin nga ngatamachikonñé jaꞌeén, kui xi tjiín kjo̱a̱je! ¡Ngasꞌikitsieni kjo̱a̱jee̱ ngayeje nga̱sondiee̱! ¡Bo̱a̱ kjiꞌi! ¡Bo̱a̱ kjiꞌi!

Rkaa̱ 15:8

Axa̱ ꞌyá xota̱chjo̱on xí tsi tie to̱n tikoón, kó tsi ngo xcha̱jaa̱, nga ku̱i̱ꞌítíjín ngo ndiꞌíxò ko̱jo ko̱tíchá ndiꞌaa̱, kó ko̱ngase cha̱n cha̱n ngaskande nga sa̱ko̱ó.

Rkaa̱ 2:32

kui xi xikoó ngo ndiꞌí xí sa̱ꞌíntsijee̱n xota̱ xi jundío̱jín, kui xi ka̱ma kjo̱a̱jee̱ xota̱ na̱xi̱ńdáa̱ Israee̱l.

Juaa̱ 1:12

Ta̱nga ngayeje xota̱ xi katsꞌénjo̱ꞌo, ko̱jo xi kisꞌijii̱n jaꞌeén, kuí xí katsjaá ngi̱ndie nga ndií Néná kamá.

Juaa̱ 1:29

Nga kamángindyiojón Juaa̱ kamábe nga Kjisoo̱ tsꞌéndibákón tiñaa̱, kó bi̱ katsó: –Kꞌi̱e̱ tikón kꞌi̱e̱e̱ ndí cho̱tsa̱nga̱a̱ Néná, xi foaꞌáxín jeé xotaa̱ kui nga̱sondiee̱.

Juaa̱ 10:16

Kó ti̱ tjínna kje̱ꞌe cho̱tsa̱nga̱ xi kuijín nchꞌoaá chji̱a̱ni, kó ti̱ kjuínkjáꞌa an nga, kó kui cho̱tsa̱nga̱a̱ ku̱i̱ntꞌiè nda̱na, kó ta̱ ngo tsí tjín ka̱ma, kó ta̱ ngo tsí nda̱ xi skoón kui cho̱tsa̱nga̱a̱.

Juaa̱ 12:32

Kó tsi an nkꞌa chjanínkꞌána kui tꞌanangii̱, ngayeje xotaa̱ xi kji̱ndi̱bákón tiñana.

Ni xi kamá 18:10

ngatꞌa̱ án tsoꞌbájoo̱ kó jmíjín xikó sa̱ꞌínjoo̱, ngatꞌa̱ achichí je kjín má xota̱ xi je tsa̱ꞌa̱n xi síndo kui na̱xi̱ńdaá.

Xota̱ Roma̱ 3:29

Kó Néná ata̱ Nee̱ xota̱ jundío̱ tsí. A mí tsí ko̱jo Nee̱ xota̱ na̱xi̱ńdá xí ngasee̱ boá nga. Bo̱a̱ kjíꞌí, ko̱jo Ne tsi̱ꞌe̱ xota̱ na̱xi̱ńdá xí ngasee̱ boá nga.

Xota̱ Roma̱ 4:17

ngindyi̱ko̱n Néná, xikótsꞌèn kjitꞌa xo̱jo̱n eén, nínga Néná bi̱ katsoó Abraa̱n: “Jí xí katsꞌeen na̱ꞌmii̱ kjín xota̱ na̱xi̱ńdá.” Abraa̱n kisꞌijii̱n Néná, kui Néná xi tsꞌénkjaꞌáꞌyaá xota̱ xi je jesoón, ko̱jo nga kui xi ka̱maa̱ sa̱ꞌínda ni xi kji̱e̱ jmíjín.

Xota̱ Éfeso̱ 1:5

Ta̱ngatꞌanii̱ nga tjoó ñá Néná, kuíni nga índa ndeskande koó ngasꞌe̱, tsi̱ꞌe̱ nga Jesukristoo̱ sa̱ꞌínkjién nga ndií sa̱ꞌínná ñá, xikótsꞌèn kamámejeén, kó tsja kamaá kui.

Xota̱ Éfeso̱ 3:11

Kui nii̱ xi índa tjón tjón Néná, ndeskande koó ngasꞌe̱, kó ngotꞌe̱ ꞌne̱ je jatjosón ngatꞌaa̱ Kristo̱ Kjisoo̱, kui xi Ndi̱a̱ná.

Xo̱jo̱o̱n Sandiyaá 1:1

Án boá xi ꞌmína Sandiyá, mosoo̱ Néná xí Na̱ꞌmii̱ ko̱jo Ndi̱a̱ná Jesukristoo̱, tsꞌentindejnúꞌun jún xi tiejó xota̱ tji̱e̱e̱ Israee̱l xi kastsojoboajnú ngayeje són nga̱sondiee̱.

1 Xo̱jo̱o̱n Peé 1:1

Án boá xi Peé, nda̱ apostroo̱ Jesukristoo̱, tsꞌentindejnúꞌun ngayeje jún xota̱ xi Néná je jaꞌájinjnú xi xín nangi ndokjo̱a̱nijnú xi tindyiónjnú ngi̱ndie xi ꞌmí Ponto̱, ko̱jo Ngalasia̱, ko̱jo Kapandosia̱, ko̱jo Asia̱, ko̱jo Bitinia̱.

1 Xo̱jo̱o̱n Juaa̱ 2:2

Jesukristoo̱ boá xi katsjá yojoo̱ xikoó ngo kjo̱a̱tjó, nga jaꞌatio kjo̱a̱ni̱ma̱ ta̱ngatꞌanii̱ nga íchjítjé jéná ñá xi je kisꞌijinná Néná. Kó jmí tsi ta̱ jéná tsí, ko̱jo jeé ngayeje xota̱ xi tjín nga̱sondiee̱ boá nga.

1 Xo̱jo̱o̱n Juaa̱ 3:1

Tsitsíjenjnúu̱ kókjiꞌi tsie kjo̱a̱tjó xi tsꞌéntsjáná Néná xí Na̱ꞌmii̱, nga xotaa̱, ndií Néná tsóná ñá, kó ndií Néná boá ñá. Kuíni nga xotaa̱ kui nga̱sondiee̱ bejínná ñá, ngatꞌa̱ kui bejín Néná.

1 Xo̱jo̱o̱n Juaa̱ 3:10

Bi̱ tsꞌén nga ya ꞌyání bo̱a̱ xi ndií Néná, kó ꞌyání bo̱a̱ xi ndií xindajín ndiabloo̱. Ta̱ꞌya xota̱ní xi tsꞌénkjátjosónjín kjo̱a̱kixi̱i̱ Néná ko̱jo xi tjójiín xota̱ xi ngasee̱, jmí tsi Néná chji̱a̱ni.

1 Xo̱jo̱o̱n Juaa̱ 3:2

Jún ndí ntsꞌie xi tjóna, ngotꞌe̱ ꞌne̱, jè ndií Néná ñá, kó ndatsi kji̱e̱ yàjín ñá mí ni xi ka̱ma ñá jaskan, jè ya ñá nga kjiꞌanga kjo̱e̱ꞌe Jesukristoo̱ xikó maá kui, nga bo̱a̱ kon ka̱ma ñá, ngatꞌa̱ xcha̱ cha̱n cha̱n ñá xikó má kjiꞌi kui.

Ni xi akakoo̱ 5:9

Kó ndyi̱sie ngo só tja̱tsi̱e̱ xi bi̱ tsoó: Jí xí tsoboaá nga chjábé jí kui chꞌo̱ xo̱jo̱o̱n ko̱jo nga chjándiyè ji seyoo̱, ngatꞌa̱ jí boá xi kiniꞌánkꞌieén, kó nga katjon jíi̱n kaꞌnaxiéꞌé nga tsi̱ꞌe̱ Néná kamá ngayeje tji̱e̱e̱ xota̱, én, ko̱jo nangi, ko̱jo na̱xi̱ńdá,