Juaa̱ 10:6 - Xo̱jo̱n eén Néná

⁶ Kuí nii̱ xi katsó Kjisoo̱ nga íjñá chi̱bo̱a̱ ni xi̱ꞌbi̱, ta̱nga kui xotaa̱ kamákjínjiín ni xi kiꞌmií.

Juaa̱ 10:6 ပူးပေါင်းရင်းမြစ်များ

Xo̱jo̱n Salmoo̱ 106:7

Kjiꞌanga ki̱a̱ kisꞌińdo nangi Ejipto̱, tsaꞌaxki̱jín ni yiꞌi xi kiniꞌín ji, katsꞌénkjaꞌátsjienjín kjo̱a̱tjó jèe̱, kó ki̱a̱ tꞌa Ndáchíkón Inií kondra̱ tse̱ kisꞌińdoni.

Xo̱jo̱n Salmoo̱ 82:5

Ta̱nga jún jmí ni yajínjnú, ti̱nde mejénjínjnú nga ka̱makjínjnú, to̱kó ki̱a̱ tima kichajájnú nínga jñoó, kó kuí nii̱ xi tsꞌénkjátsié má ngindiee̱ tꞌanangii̱.

Énkjínkón 28:5

Xota̱ xi ꞌniú ndajiín nde makjínjiín kjo̱a̱kixi̱i̱, ta̱nga xota̱ xi mongase Néná, ngayeje nii̱ xi makjiín.

Matioo̱ 13:34

Ngayeje kui nii̱ xi tsíchji̱a̱jo Kjisoo̱ xotaa̱, kó jmíni̱xtjin nga énkjínjín katsꞌénkjién nga tsíchji̱a̱jo,

Matioo̱ 13:51

Sꞌe̱ bi̱ katsó Kjisoo̱ nga asíyá: –A makjínjnú ngayeje kui nii̱. –Jo̱o̱n, Ndi̱a̱. Katsó kui jaá.

Markoo̱ 4:34

Jmí ni̱xtjin nga énkjínjín katsꞌénkjién nga tsíchji̱a̱jo, ta̱nga xota̱ tsi̱ꞌe̱ katsóyàtꞌaxín cha̱n cha̱a̱n ngayeje nii̱.

Juaa̱ 16:25

Ngayeje kui ni xi je kixiyajnúꞌun énkjín xí katsꞌenkjién án, ta̱nga jè má kjachó chi̱bo̱a̱ nga ngiti̱ bo̱a̱jín tsꞌén kuichjiájojnúꞌun, kuichjiájo cha̱n cha̱njnúꞌun kjo̱a̱a̱ Na̱ꞌmina.

Juaa̱ 16:29

Sꞌe̱ bi̱ katsó xota̱ tsi̱ꞌe̱ Kjisoo̱: –Ngotꞌe̱ ꞌne̱ nga tindokjo̱e̱ cha̱n cha̱n ji, kó ngiti̱ niꞌínkjínjín ji énkjín.

Juaa̱ 6:52

Sꞌe̱ já jundíoo̱ askjoyájo̱ xkjín, nga bi̱ katsó: –Kótsꞌèn ka̱maa̱ xi̱ꞌbi̱ nga tsja̱aná yojoo̱ tsi̱ꞌe̱ nga xi̱ni̱e̱.

Juaa̱ 6:60

Nga tsintꞌié kuí eén, achichí má xota̱ tsi̱ꞌe̱ Kjisoo̱, xi bi̱ katsó: –Achichí tajá kuí eén, ꞌyá xí ka̱makjiín nga ku̱i̱ntꞌiè.

Juaa̱ 7:36

Mí ni xi mejeén tsó nga bi̱ katsó: “Ku̱i̱ndyi̱séjnúꞌun, kó sa̱kójínjnú án nínga kotíjña̱ an, kó nínga kotíjña̱ an, ka̱májín kjóchójnú”.

Juaa̱ 8:27

Ta̱nga kui xotaa̱ kamákjínjiín nga Néná xí Na̱ꞌmii̱ xi tsíchji̱a̱jo.

Juaa̱ 8:43

Míkjo̱a̱a̱ nga makjínjínjnú ni xi tsꞌénchji̱a̱ an. Ngatꞌa̱ májín ndaꞌyájnú énna.

1 Xota̱ Korinto̱ 2:14

Ta̱nga kjíbéjín kui nii̱ xota̱ xi tsꞌénkjó ni xi tjíjinkon xota̱ nga̱sondiee̱, ngatꞌa̱ ta̱ ton maá, kó makjínjiín, ngatꞌa̱ ti̱kuíní A̱si̱énni̱xtjii̱n xi bokóná ni xi tsi̱ꞌe̱ Néná.

2 Xo̱jo̱o̱n Peé 2:22

Ta̱nga kui jaá jè bo̱a̱ kamaá xikó tsó kui én xchá xí ja̱koxi̱i̱: “Ńñaá kjinie nginí ni xi fosoó, kó chi̱nga̱ xi je tsjiee̱ fí tsꞌén ndáse nginí yojoo̱ ngi̱jin ndásee̱.”

1 Xo̱jo̱o̱n Juaa̱ 5:20

Ta̱nga ti̱ jè ya nga ndií Néná jè jeꞌe, kó katsjáná kjo̱a̱kjíntakón tsi̱ꞌe̱ nga xcha̱ kui Néná xí ja̱koxi̱i̱, kó jè tindyionjo̱ kui xi ja̱koxi̱i̱, ndií Néná xi ꞌmí Jesukristoo̱. Kuí bí xi̱ꞌbi̱ xi Néná xí ja̱koxi̱i̱, ko̱jo xi tsjá kjo̱a̱mindyion ngatsjéni̱xtjii̱n.