Juaa̱ 10:4 - Xo̱jo̱n eén Néná

⁴ Kó ngije tsꞌaxié ngayeje cho̱tsa̱nga̱ xi tsi̱ꞌe̱, fí tjoón, kó cho̱tsa̱nga̱a̱ fítji̱ngii̱, ngatꞌa̱ jè be nda̱a̱,

Juaa̱ 10:4 ပူးပေါင်းရင်းမြစ်များ

Én xí nda xi ꞌniú tsjatsó ngasee̱ 2:8

¡Jè tsꞌéntꞌièe̱ nda̱a̱ xota̱ xi tjóna! ¡Tsitsíjenjnúu̱, jè tsꞌéndibá! ¡Jè tsꞌénkjínkꞌá ki̱a̱ ngi̱jin tji̱ngi̱i̱, jè tsꞌénkjínkꞌá ki̱a̱ ngi̱jin na̱xi̱i̱!

Én xí nda xi ꞌniú tsjatsó ngasee̱ 5:2

Jè kjiꞌifé an katsaki, ta̱nga tikón ini̱ma̱na, kó tsintꞌie an ngo nda̱. Nda̱a̱ xota̱ xi tjóna boá, kó bi̱ katsó nga tsíchji̱a̱ nga̱ntjo̱a̱a̱: «Chjéxꞌéní ji ndí ndíchja, ji ndí chjo̱onna, ji ndí tójo tsjakjiꞌina, na̱ xi jmíjiín ngo chi̱bo̱a̱ xi ndajín. Ngatꞌa̱ tokó án jè tjikítsie maá xoño, ¡kó tsja̱tokó án je tsꞌandyi̱ni stsé xí kjiboaꞌa nga jñoó!»

Matioo̱ 16:24

Kósꞌe̱ Kjisoo̱, bi̱ katsoó xota̱ tsi̱ꞌe̱: –Tsi tjín káꞌá xota̱ xi mejeén tsjiengína, ngatsꞌénchíyá yojoo̱, nga kjíbé kroo̱, kósꞌe̱ ngatjandibátjingína.

Juaa̱ 10:16

Kó ti̱ tjínna kje̱ꞌe cho̱tsa̱nga̱ xi kuijín nchꞌoaá chji̱a̱ni, kó ti̱ kjuínkjáꞌa an nga, kó kui cho̱tsa̱nga̱a̱ ku̱i̱ntꞌiè nda̱na, kó ta̱ ngo tsí tjín ka̱ma, kó ta̱ ngo tsí nda̱ xi skoón kui cho̱tsa̱nga̱a̱.

Juaa̱ 10:27

Cho̱tsa̱nga̱na ntꞌiérií nda̱na, kó be án kuí, kó fítji̱ngina,

Juaa̱ 10:3

Nda̱ xi konda nga̱ntjo̱a̱a̱ kjíxꞌaá, kó cho̱tsa̱nga̱a̱ ntꞌieé nda̱a̱, kó jaꞌeén cho̱tsa̱nga̱a̱ chji̱a̱nii̱, kó ꞌboxié nchꞌoaá.

Juaa̱ 10:5

ta̱nga tsi ngo xi bejín cho̱tsa̱nga̱a̱ ko̱e̱je̱tji̱ngijiín, ta̱sá ko̱ngaa̱, ngatꞌa̱ cho̱tsa̱nga̱a̱ ntꞌiéjiín nda̱a̱ kje̱ꞌe xota̱.

Juaa̱ 10:8

Ngayeje xota̱ xi jeꞌe ngindiee̱ nga kjoéꞌe̱ an, xota̱chejé boá, ta̱nga cho̱tsa̱nga̱a̱ tsintꞌiéꞌénjiín.

Juaa̱ 12:26

Tsi tjín xí sa̱ꞌínsénna, ngatjandibátjingína, kó nínga kotíjña̱ an, ti̱ ki̱a̱ kꞌuijñá nda̱ xi sa̱ꞌínsénna. Tsi tjín xí sa̱ꞌínsénna, Na̱ꞌmina sku̱i̱e̱ndikón.

Juaa̱ 13:15

ngatꞌa̱ an jè ijñájnúꞌun ngo chi̱bo̱a̱, tsi̱ꞌe̱ nga si̱ꞌánjnú ni xi je katsꞌen an.

Juaa̱ 18:37

Sꞌe̱ bi̱ katsó nginí Pilatoo̱: –Áa̱n, ja̱ re jí tsobo̱a̱. Sꞌe̱ Kjisoo̱, bi̱ katsó: –Jí xí bo̱a̱ tꞌísé nga re an. Ja̱ kuí xá katsen an, kó ja̱ kuíni nga jéꞌe̱ an kui nga̱sondiee̱, tsi̱ꞌe̱ nga xiyà an ngayeje ni xi ja̱koxi̱i̱. Ngayeje xota̱ xi chji̱a̱ni ni xi ja̱koxi̱i̱, ntꞌié nda̱na.

Juaa̱ 3:29

Kjiꞌanga ma ngo ndiꞌibixan, kuí nda̱ xi ku̱i̱xaa̱n xi tsi̱ꞌe̱ ka̱ma na̱ xi ku̱i̱xaa̱n, ta̱nga nda̱ amingoo̱ nda̱ xi ku̱i̱xaa̱n xi tikóntꞌaa̱ ntꞌieé, kó ꞌniú tsja maá ni xi tsó nda̱ xi ku̱i̱xaa̱n, bo̱a̱ tsꞌén nga je kjimando̱jo kjo̱a̱tsjana ngotꞌe̱.

1 Xota̱ Korinto̱ 11:1

Chja̱ꞌángíjnúꞌun xikó tjítsꞌen an, xikótsꞌèn an tsꞌénfoaꞌangíi̱ Kristoo̱.

Xota̱ Éfeso̱ 5:1

Chja̱ꞌángíjnúu̱ Néná, ngatꞌa̱ jún boá xi ndí tjoó kui.

Ndeuteronomio̱ 1:30

Néná boá xi tsjiéntjónná, kó kuí boá xi skja̱n ngajoná, xikótsꞌèn askjan ngajoná ki̱a̱ nangi Ejiptoo̱, kósꞌe̱ kui kitsjientjónná nga tsangín ndi̱yà xí fíni nangi kixí.

Xota̱ Ebreo̱ 12:2

Ta̱ ngo tsí Kjisoo̱ xi si̱ꞌansée̱n, kui xi ítsꞌi̱yanii̱ nga kisꞌijña, ko̱jo nga kamá xi chjiéngá nga ka̱ma kjo̱a̱sꞌijii̱n, ko̱jo jaꞌatio kjo̱a̱ni̱ma̱ tꞌa kroo̱, kó ndasénjín kamaá kjo̱a̱soboaá nga bo̱a̱ tsꞌén kꞌien, ta̱ngatꞌanii̱ nga askoyá, nga sa̱ko̱ó kjo̱a̱tsjaa̱. Kó ngotꞌe̱ ꞌne̱ ki̱a̱ tikón nga fojnií Néná xí botixómaá.

Xota̱ Ebreo̱ 6:20

Kjisoo̱ xí tjón tsꞌasꞌien kui ngi̱ndiee̱, nganda tsa̱ñá nga iskjíxꞌáná ndi̱yà nga ka̱ma kjóchochóo̱n Néná, ngatꞌa̱ Kristoo̱ kuí boá xi ngo chináꞌmi xi ꞌniú nkꞌa xaá ngatsjéni̱xtjin, xikoó xá chináꞌmi xi tsi̱ꞌe̱ Melkisendee̱k.

1 Xo̱jo̱o̱n Peé 2:21

Ngatꞌa̱ ta̱ngatꞌanii̱ kui nii̱ nga Néná tsíchji̱a̱nijnú, ngatꞌa̱ bo̱a̱ ti̱ tsꞌén Kristoo̱ jaꞌatio kjo̱a̱ni̱ma̱ ta̱ngatꞌanii̱ jún, kó íjñájnú ngo chi̱bo̱a̱ tsi̱ꞌe̱ nga kongintjingíjnú chi̱bo̱a̱ se.

1 Xo̱jo̱o̱n Peé 4:1

Xikó tsꞌén Kristoo̱ jaꞌatio kjo̱a̱ni̱ma̱ nga kiniꞌánꞌoón yojoo̱, ti̱ bo̱a̱ ti̱ tsꞌén tjajintakónjnú nga ko̱e̱ꞌéngaꞌniújnúu̱ yojojnú, ngatꞌa̱ xota̱ xi jaꞌatio kjo̱a̱ni̱ma̱ nga kiniꞌánꞌoón yojoo̱, jè íjñámasien jeé,

1 Xo̱jo̱o̱n Peé 5:3

Ngata̱ tajájín niꞌánjo̱jnú xikoó tsi jún xi ndi̱a̱a̱ kui xota̱ xi ndyi̱chonjnú ka̱majnú, ta̱sá takójnúu̱ ngo chi̱bo̱a̱ xi nda xikótsꞌèn kꞌuíndo xota̱ xi tsi̱ꞌe̱ Néná.