Juaa̱ 10:35 - Xo̱jo̱n eén Néná

³⁵ Tsi ne katsoó kui xota̱ xi kasakoo̱ eén Néná, kó ka̱májín tsi si̱ꞌankjatjosónjín xo̱jo̱n eén Néná,

Juaa̱ 10:35 ပူးပေါင်းရင်းမြစ်များ

Jenesii̱s 15:1

Ngije kamá kui nii̱, Néná jatjokjaà Abra̱n nga akoó ngo ni, kó bi̱ katsoó: —Abra̱n, ngata̱ ndakinjín má ji, ngatꞌa̱ án boá xi tsꞌénkoón ji. Achichí tsie kjo̱a̱cho̱n xi sꞌe̱ tsjaa.

Matioo̱ 24:35

Ndiꞌakꞌajmii̱ ko̱jo tꞌanangii̱ kjo̱a̱ꞌa, ta̱nga énna kjo̱a̱ꞌatiyàjín.

Matioo̱ 27:35

Ngije akjatꞌa kro, jájuún katsatonjo̱ kjo̱a̱chꞌáṉcha̱ ńjñoo̱ Kjisoo̱, sꞌe̱ iskjíbé ńjño xi katsꞌén nga ngo nga ngo. Bo̱a̱ tsꞌén jatjosón ni xi katsó nda̱ chji̱ni̱e̱ꞌe̱én Néná, nga bi̱ katsó: «Katsꞌénkjaꞌasoón xkjín ńjñona, kó katsatonjo̱ kjo̱a̱chꞌáṉcha̱ ńjñona.»

Matioo̱ 5:18

Ngatꞌa̱ ja̱koxi̱ ni xi xiánjnúꞌun nga tji̱e̱nga tikón ndiꞌakꞌajmii̱ ko̱jo tꞌanangii̱, nde ngojín nii̱ kjo̱a̱kitii̱ xi xtjo̱ꞌóxiín ngaskande nga je jatjosón ngayejee̱.

Rkaa̱ 16:17

Ta̱nga nde chií niꞌínjín tsi kju̱i̱e̱ ndiꞌakꞌajmii̱ ko̱jo tꞌanangii̱, ta̱bo̱a̱jiín nga xcha̱jatꞌa chií ni xi kjitꞌa xo̱jo̱n kjo̱a̱kitii̱ Néná.

Juaa̱ 10:34

Sꞌe̱ bi̱ katsó nginí Kjisoo̱: –A kjitꞌajín ngi̱yaa̱ kjo̱a̱kitijnú nínga bi̱ tsó: “Án xí kixian an nga jún xi ne jún”.

Juaa̱ 10:36

míkjo̱a̱a̱ nga kui nda̱ xi Néná xí Na̱ꞌmii̱ katsꞌéntsjie ko̱jo katsangiya kui nga̱sondiee̱, jún bi̱ ndyi̱ꞌmìjnúu̱: “Néná chꞌo tsoó”, ngatꞌa̱ bi̱ kixian an, nga an xi ndií Néná.

Juaa̱ 19:28

Ngije kamá kui nii̱, kó nga Kjisoo̱ je be nga ngayeje nii̱ je kamá, kó tsi̱ꞌe̱ nga kjo̱tjosón ni xi tsó xo̱jo̱n eén Néná, bi̱ katsó: –Xíndána.

Ni xi kamá 1:16

–Jún ntsꞌie, chjiéngá jatjosón ni xi kjitꞌa xo̱jo̱n eén Néná kjiꞌanga A̱si̱énni̱xtjii̱n Néná katsꞌénkíchji̱a̱ Ndabii̱ kjo̱a̱a̱ Jundaa̱, nga kui xi kitsjientjoón xota̱ xi katsoboá Kjisoo̱,

Xota̱ Roma̱ 13:1

Ngayeje xotaa̱ chjiéngá sku̱i̱e̱ndikón ngayeje xota̱ xi botixómaá, ngatꞌa̱ xá xí tjiín xota̱ xi botixómaá, Néná boá xí katsjaá, kó ngayeje xá xí tjiín, Néná boá xí íjñá.

Ndeuteronomio̱ 18:15

»Kjo̱chó ni̱xtjin nga Néná kjo̱a̱ꞌájin ngo nda̱ ngi̱jii̱n jún xi ka̱ma chji̱ni̱e̱ꞌe̱én xikoó an. Kjiꞌanga kixindyión ki̱a̱ na̱xi̱ Oree̱b, jún bo̱a̱ kiꞌmíjnúꞌun nga kamámejénjínjnú ko̱nda̱ꞌyájnúu̱ nda̱a̱ Néná, ti̱nde kamámejénjínjnú nga xcha̱jnú kui ndiꞌí nínga tsíchji̱a̱ Néná, ngatꞌa̱ kamámejénjínjnú akayajnú. Ja̱ ndakjiꞌi, ja̱ Néná tsja̱ajnú ngo nda̱ chji̱ni̱e̱ꞌén xi je kichjiáꞌájnúu̱, kó ngayeje ni xi ka̱tso̱jnú chjiéngá ko̱nda̱ꞌyáꞌénjnúu̱.