Juaa̱ 10:10 - Xo̱jo̱n eén Néná

¹⁰ Chejeé kjo̱e̱ꞌe, ta̱ tsi̱ꞌe̱ nga sa̱ꞌínchejé tsí, ko̱jo kjo̱e̱ꞌe nga sa̱ꞌínkꞌién, ko̱jo kjo̱e̱ꞌe tsꞌenkjié, ta̱nga an jéꞌe̱ án tsi̱ꞌe̱ nga kꞌuiéjnú kjo̱a̱mindyion, ko̱jo tsi̱ꞌe̱ nga tsie kꞌuiéjnú.

Juaa̱ 10:10 ပူးပေါင်းရင်းမြစ်များ

Matioo̱ 18:10

Tsitsíjenjnúu̱ nga ngojín xi sa̱ꞌínchꞌó ngo kui ndí jákjíndií, ngatꞌa̱ xiyàjnúꞌun nga ndiꞌakꞌajmi jàn ndítsjiee̱ kui kotsijen síkijií kje̱n Na̱ꞌmina xi tikón ndiꞌakꞌajmi jàn.

Matioo̱ 18:11

Ngatꞌa̱ ndií nda̱ xi̱ꞌii̱n jeꞌe tsi̱ꞌe̱ nga kꞌo̱xiéꞌá xota̱ xi je kichajaá.

Matioo̱ 20:28

xikó maá nga ndií nda̱ xi̱ꞌii̱n, jmí tsi jeꞌe kui nga̱sondiee̱ tsi̱ꞌe̱ nga si̱ꞌansee̱n, ta̱sá jeꞌe tsi̱ꞌe̱ nga kui xi sa̱ꞌínseén xotaa̱, ko̱jo tsi̱ꞌe̱ nga tsja̱á yojoo̱ tsi̱ꞌe̱ nga ku̱i̱ꞌíchjítáꞌín kjín xota̱.

Matioo̱ 21:13

kó bi̱ katsoó: –Jè kjitꞌa xo̱jo̱o̱n nínga bi̱ tsoó: «Ndiꞌana, ndiꞌa nínga ku̱i̱chji̱a̱a̱ Néná ngayeje xota̱ kꞌuiín», ta̱nga jún ndo̱bo̱a̱a̱ chejé jè kiniꞌánjnú.

Matioo̱ 23:13

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ jún ndyi̱ꞌbíchjajnúu̱ nga̱ntjo̱a̱a̱ nínga botíxomaa̱ Néná xota̱ xi ngasee̱, kó ngaskande jún bitjasꞌi̱e̱njínjnú, kó ti̱nde boeꞌéndièjínjnúu̱ nga kꞌo̱sꞌien xi je ndyi̱ꞌbosꞌiee̱n.

Markoo̱ 11:17

Kó bi̱ katsó nga akóyá: –A kjitꞌajín xo̱jo̱n eén Néná nínga bi̱ tsoó: “Ndiꞌana, ndiꞌa nínga ku̱i̱chji̱a̱a̱ Néná ngayeje xota̱ na̱xi̱ńdá xí tjín nga̱sondiee̱ kꞌuiín”. Ta̱nga jún ndo̱bo̱a̱a̱ chejé jè kiniꞌánjnú.

Rkaa̱ 19:10

Ngatꞌa̱ ndií nda̱ xi̱ꞌii̱n, jeꞌekꞌaxiéꞌá xota̱ xi je ndi̱yà kichajá tjimá.

Juaa̱ 10:1

Ja̱koxi̱, ja̱koxi̱ ni xi xiánjnúꞌun: Tsi ngo xi ki̱a̱jín nga̱ntjo̱a̱a̱ nchꞌoá nínga ndyi̱a̱ cho̱tsa̱nga̱a̱ kꞌo̱sꞌienni, tsi xín ku̱i̱jintꞌa, kó xín kꞌo̱sꞌienni, chejé boá xi̱ꞌba̱.

Juaa̱ 10:11

Án boá kui nda̱ nda xi koo̱n cho̱tsa̱nga̱a̱, kó kui nda̱ nda xi koo̱n cho̱tsa̱nga̱a̱, tsja̱a yojoo̱ ta̱ngatꞌanii̱ cho̱tsa̱nga̱a̱,

Juaa̱ 12:47

Xi ku̱i̱ntꞌiè énna, kó sa̱ꞌínkjatjosónjín, ánjín xi kotijée̱, ngatꞌa̱ jmí tsi jéꞌe̱ an kui nga̱sondiee̱, tsi̱ꞌe̱ nga sa̱ꞌinjée̱ xotaa̱, ta̱sá jéꞌe̱ an, tsi̱ꞌe̱ nga kꞌoxiéꞌá an.

Juaa̱ 12:6

Jundaa̱ katsó kui nii̱, jmí tsi kjo̱a̱a̱ nga tjoó xota̱ ni̱ma̱a̱, katsó kuí nii̱ kjo̱a̱a̱ nga nda̱ chejé boá, kó kuí kisꞌijñaa̱ stsatoo̱n, kó iskjíbéchéjé to̱n xi ikindyia.

Juaa̱ 3:17

Ngatꞌa̱ Néná jmí tsi katsangiya ndií kui nga̱sondiee̱ tsi̱ꞌe̱ nga sa̱ꞌínjeé xotaa̱, katsangiya tsi̱ꞌe̱ nga kui ndií xi kꞌo̱xiéꞌá xotaa̱.

Juaa̱ 5:40

kó mejénjínjnú nga kꞌi̱e̱ kjoéꞌe̱chonjnúꞌun tsi̱ꞌe̱ nga kꞌuiéjínjnú kjo̱a̱mindyioo̱n.

Juaa̱ 6:33

Ngatꞌa̱ paa̱n Néná, kuí boá xi kjindibáni ndiꞌakꞌajmii̱, kó kuí xí tsjaá kjo̱a̱mindyion xotaa̱ kui nga̱sondiee̱.

Juaa̱ 6:51

Án boá kui pan xi tikón xi jatjajenni ndiꞌakꞌajmi jàn, tsi tjín xí skji̱ni̱e̱ kui paa̱n, kꞌuijñá ngatsjéni̱xtjin, kó kui pan xi tsjàa̱ yojona boá, kui xi tsja an kjo̱a̱nda tsi̱ꞌe̱ kjo̱a̱mindyioo̱n kui nga̱sondiee̱.

Xota̱ Roma̱ 2:21

Ji xi tibokoyée̱ kje̱ꞌe xota̱, ánní nga ta̱sájín yojòo̱ tibokoyée̱. Ji xi tiꞌbíni̱jmìi̱ xotaa̱ nga májín niꞌánchejé, kó a niꞌínchejéjín ji.

1 Timoo̱ 1:15

Én xí ma niꞌánsꞌijin boá xi̱ꞌbi̱, kó chjiéngá ngayeje xota̱ xi sa̱ꞌínsꞌijin: Nga Kristo̱ Kjisoo̱ jeꞌe kui nga̱sondiee̱, tsi̱ꞌe̱ nga kꞌo̱xiéꞌá xota̱ jé. Kó án boá xi tjón an ngi̱jii̱n kui xota̱jeé.

Xota̱ Ebreo̱ 6:17

Kó kuíni nga Néná kamámejeén nga akó cha̱n cha̱a̱n xota̱ xi sa̱ko̱ó kui ni katsóyàtjón nga tsja̱a, kó kuíni nga katsjá tsꞌoa nga tsja̱a ni xi katsóyàtjón nga tsja̱a.

Xota̱ Ebreo̱ 7:25

Kó kuíni nga Kristoo̱ maa̱ ꞌboxiéꞌá ngatsjéni̱xtjin ngayeje xota̱ xi ngatꞌaa̱ kui nga tsꞌéntíñaa̱ yojoo̱ Néná, ngatꞌa̱ ngatsjéni̱xtjin tikón, tsi̱ꞌe̱ nga ku̱i̱ꞌatjé nga ku̱i̱chji̱a̱a̱ Néná kjo̱a̱a̱ kui xotaa̱.

2 Xo̱jo̱o̱n Peé 1:11

Ngatꞌa̱ bo̱a̱ tsꞌén nga tsjatsꞌèn ko̱e̱ꞌéndièjnú nga ku̱i̱tjásꞌi̱e̱njnú ngi̱ndie nínga botixómá ngatsjéni̱xtjin Ndi̱a̱ná kui xi tsꞌaxiéꞌáná, kui xi Jesukristoo̱.