Juaa̱ 10:1 - Xo̱jo̱n eén Néná

¹ Ja̱koxi̱, ja̱koxi̱ ni xi xiánjnúꞌun: Tsi ngo xi ki̱a̱jín nga̱ntjo̱a̱a̱ nchꞌoá nínga ndyi̱a̱ cho̱tsa̱nga̱a̱ kꞌo̱sꞌienni, tsi xín ku̱i̱jintꞌa, kó xín kꞌo̱sꞌienni, chejé boá xi̱ꞌba̱.

Juaa̱ 10:1 ပူးပေါင်းရင်းမြစ်များ

Matioo̱ 7:15

Chónjnú já chji̱ni̱e̱ꞌén ndiso xi kjo̱chókónjnú, xi bo̱a̱ má kón xikoó ngo cho̱tsa̱nga̱, ta̱nga nga ja̱koxi̱ cho̱lobo̱ boá.

Juaa̱ 10:7

Sꞌe̱ ti̱ bi̱ ti̱ katsó nginí Kjisoo̱: –Ja̱koxi̱, ja̱koxi̱ ni xi xiánjnúꞌun: Án boá xi nga̱ntjo̱a̱a̱ cho̱tsa̱nga̱a̱.

Juaa̱ 3:3

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiáa̱n nga tsi ngo xi stse̱njín nginí, ka̱májiín sku̱i̱e̱ xikótsꞌèn botixómá Néná.

Xota̱ Roma̱ 10:15

Kó kótsꞌèn kꞌuiníjmì eén Néná tsi jmíjín xi sa̱ngíyá. Bi̱ tsꞌén kjitꞌa xo̱jo̱n eén Néná: “Achichí tsjatsꞌèn fochokónná ngo xota̱ xi tsáyà éntjatsi̱e̱e̱ Néná.”

Xota̱ Roma̱ 16:18

Ngatꞌa̱ kui xotaa̱ jmí tsi xaá Ndi̱a̱ná Jesukristoo̱ xi ndyi̱tsꞌèn, ni xi tsjaa̱ kuí xí ndyi̱tsꞌèn, kó achichí én nda ko̱jo én tsjatsó chji̱a̱ nga ꞌbindísojo̱ xota̱ xi kji̱e̱ ꞌniújín makjiín ni xi tsi̱ꞌe̱ Ndi̱a̱ná.

Titoo̱ 1:11

Kui xotaa̱ chjiéngá kjókjo tsꞌoa, ngatꞌa̱ ndyi̱bokoyá ni xi chjiénjín nga ko̱kóyá. Bo̱a̱ tsꞌén ꞌboṉcha̱jo kjín xota̱, ta̱ngatꞌanii̱ nga mejeén sa̱ꞌín to̱n.

Xota̱ Ebreo̱ 5:4

Ngojín xota̱ xi ka̱maa̱ nga kui soboá sa̱ꞌín yojoo̱ ngo chináꞌmi xi ꞌniú nkꞌa xaá, Néná boá xi tsíchji̱a̱a̱, xikoó nda̱ xi ꞌmí Aaroo̱n.

1 Xo̱jo̱o̱n Peé 1:10

Já chji̱ni̱e̱ꞌe̱én Néná xí kisꞌie ngasꞌe̱ kamámejeén sku̱i̱e̱, ko̱jo tsangase ndi̱yà sen see̱n kjo̱a̱a̱ kui kjo̱a̱ꞌnaxiéꞌaá, kjiꞌanga katsóyàtjón nga Néná tsja̱ajnú kui kjo̱a̱ndaa̱.

2 Xo̱jo̱o̱n Peé 2:1

Ngi̱jii̱n xota̱ jundíoo̱ kisꞌie já chji̱ni̱e̱ꞌén ndiso xi tsꞌenṉcha̱, kó ti̱ bo̱a̱ ti̱ tsꞌén kꞌuié mostro̱ xi kꞌo̱ṉcha̱ ngi̱jii̱n jún. Kui jaá, kuí boá xi ꞌma ꞌma ko̱kóyájnú kje̱ꞌe ni xi sa̱ꞌínkjatsónjnú. Sa̱ꞌínkiejín yojoo̱ kjo̱a̱a̱ kui Ndi̱a̱ná xi tsꞌaxiéꞌá. Kuí nii̱ xi sa̱ꞌín nga kui xotaa̱ tsá si̱ꞌankjie.

2 Xo̱jo̱o̱n Peé 2:3

Kó ta̱ngatꞌanii̱ kjo̱a̱xkétoo̱n nga ko̱kóyá ni ndiso tsi̱ꞌe̱ nga kꞌo̱xiéjnú to̱n. Ta̱nga Néná jè bo̱a̱ katsó nga tsá sa̱ꞌínkjié, kó kuí kjo̱a̱niꞌánkjieé jè tsá ndibá.

1 Xo̱jo̱o̱n Juaa̱ 4:1

Jún ndí ntsꞌie xi tjóna, ngata̱ niꞌánsꞌijinjínjnúu̱ ngayeje xota̱ xi bo̱a̱ ka̱tso̱ nga Néná katsꞌénkíchji̱a̱, ta̱sá chjátꞌayákónjnú kui A̱si̱énni̱xtjii̱n tsi tsi̱ꞌe̱ Néná, ngatꞌa̱ achichí má já chji̱ni̱e̱ꞌén ndiso xi je jatjokjà kuí nga̱sondiee̱.