Juaa̱ 1:51 - Xo̱jo̱n eén Néná

⁵¹ Kó bi̱ katsó ngase Kjisoo̱: –Ja̱koxi̱ ni xi xian an: Nga jún xcha̱jnú nga tsjientíxa̱ ndiꞌakꞌajmi jàn, kó xcha̱jnú nga ko̱e̱je̱nijíngí ko̱jo nga kjo̱tjajen ndítsjiee̱ Néná nga kjo̱e̱ꞌekoón ndií nda̱ xi̱ꞌii̱n.

Juaa̱ 1:51 ပူးပေါင်းရင်းမြစ်များ

Jenesii̱s 28:12

Kui ni̱xtji̱e̱e̱n tseꞌeé ngo chi̱ni nínga kamábe ngo yákíjo̱n xi sikónsón nga̱són tꞌanangii̱, kó ngaskande ndiꞌakꞌajmii̱ jachó ndyi̱ko̱n kui yákíjo̱o̱n, kó kamábe nga ndítsjiee̱ Néná ndyi̱fínijíngí ndyi̱fíjaya kui yákíjo̱o̱n.

Matioo̱ 25:31

Kjiꞌanga ndií nda̱ xi̱ꞌii̱n kjo̱e̱ꞌéjo̱ kjo̱a̱jee̱ ko̱jo ngayeje ndítsjiee̱, kjiꞌá boá nga ko̱tíxoma nínga tikón kjo̱a̱jee̱,

Matioo̱ 26:24

Ja̱koxi̱ nga ndií nda̱ xi̱ꞌii̱n chjiéngá bo̱a̱ ka̱maa̱ xikótsꞌèn kjitꞌa xo̱jo̱n eén Néná, ta̱nga ¡ni̱ma̱ xò kuí nda̱ xi ta̱ngatꞌanii̱ kui nga si̱ꞌankꞌasꞌien! Ta̱sara̱ ndatsi ta̱ bo̱a̱a̱ katsenjín.

Matioo̱ 3:16

Kó ngije kastindá Kjisoo̱, jataxie ngi̱jin ndáfoaa̱, kó katjoxꞌá ndiꞌakꞌajmi jàn, kó kamábe nga jatjajen A̱si̱énni̱xtjii̱n Néná nga ja̱kjiꞌi tójo má kjiꞌi, kó kjindibánié Kjisoo̱.

Matioo̱ 4:11

Kósꞌe̱ kui xindajín ndiabloo̱ xín kijí, kó katsꞌénkjii̱n yojoo̱ Kjisoo̱, kó ndítsjiee̱ Néná jachókoón Kjisoo̱ xi katsꞌénseén.

Matioo̱ 8:20

Sꞌe̱ Kjisoo̱, bi̱ katsoó: –Xańñaá ti̱xa̱ tjiín nínga ꞌbíndoyá, kó ni̱siee̱ ndo̱bo̱a̱ tjiín nínga ꞌbíndo, ta̱nga ndií nda̱ xi̱ꞌii̱n jmíjiín ngo ngi̱ndie nínga sa̱ꞌínkjaꞌyá.

Matioo̱ 9:6

Ta̱nga tsi̱ꞌe̱ nga xcha̱jnú nga ndií nda̱ xi̱ꞌii̱n tjiín ngaꞌniú kuí nga̱sondiee̱ tsi̱ꞌe̱ nga ka̱maa̱ sa̱ꞌínjetakón jé. Sꞌe̱ bi̱ katsoó kui nda̱ xi ni̱ma̱a̱: –Ti̱sítji̱n, chjábé ṉcháa̱n, kó tꞌen ndiꞌàa̱.

Markoo̱ 1:10

Kó nga tsꞌénfotaxiejin ngi̱jin ndáfoaa̱, Kjisoo̱ kamábe nga katjoxꞌá ndiꞌakꞌajmi jàn, kó nga A̱si̱énni̱xtjii̱n Néná ja̱kjiꞌi tójo má kjiꞌi nga kjindibánié.

Markoo̱ 14:62

Kó Kjisoo̱, bi̱ katsó: –Jo̱o̱n, Án boá, kó xcha̱jnú nga ndií nda̱ xi̱ꞌii̱n kꞌuijñá nínga kixi̱i̱ ngaꞌniuú Néná, ko̱jo nga kjo̱e̱ꞌéjinni ngi̱jin ṉdi̱ nga kji̱ndi̱báni ndiꞌakꞌajmi jàn.

Rkaa̱ 2:13

Kó ta̱niján ma jatjokjàtꞌaa̱ kui ndítsjiee̱ achichí kjín ngase ndítsjie xi katsꞌéntsjaà Néná, nga bi̱ katsó:

Rkaa̱ 2:9

Kó ki̱a̱, ngo ndítsjiee̱ Néná jachókoón, kó kjo̱a̱jee̱ Néná katsꞌéntsijen yejee̱, kó achichí katsakjónní.

Rkaa̱ 22:43

Kósꞌe̱ ngo ndítsjie xi chji̱a̱ni ndiꞌakꞌajmi jàn jatjokjàtꞌaa̱ xi katsjángaꞌniuú.

Rkaa̱ 22:69

Ta̱nga ndeskande ngotꞌe̱ ku̱i̱ꞌítsꞌi̱yani nga ndií nda̱ xi̱ꞌii̱n kꞌuijñá nga fojnií Néná xí tsi̱ꞌe̱ ngayeje ngaꞌniú xí tjiín.

Rkaa̱ 24:4

Kó ta̱ bi̱ ta̱ kamaá kjo̱a̱a̱ kui nii̱, kó jó já jaꞌatꞌa tiñaa̱ xi ndyi̱yajá ńjño xi ꞌna̱,

Rkaa̱ 3:21

Kó ni̱xtjin nga ngayeje xota̱ na̱xi̱ńdaá jachókatíndá yojoo̱, ti̱ jachó Kjisoo̱ nga, kó ti̱ kastindá, kó nga tsꞌénchji̱a̱a̱ Néná, katjoxꞌá ndiꞌakꞌajmi jàn,

Juaa̱ 1:50

Sꞌe̱ Kjisoo̱, bi̱ katsó: –A kjo̱a̱a̱ nga bi̱ kixiaan: Kamábee̱ nga tindyin ngindiee̱ ngo yáꞌingo̱, a kuíni nga sꞌijinnii. Sꞌe̱ xchi̱e̱ ngase tsie ni xi xikoó xi̱ꞌbi̱.

Juaa̱ 10:1

Ja̱koxi̱, ja̱koxi̱ ni xi xiánjnúꞌun: Tsi ngo xi ki̱a̱jín nga̱ntjo̱a̱a̱ nchꞌoá nínga ndyi̱a̱ cho̱tsa̱nga̱a̱ kꞌo̱sꞌienni, tsi xín ku̱i̱jintꞌa, kó xín kꞌo̱sꞌienni, chejé boá xi̱ꞌba̱.

Juaa̱ 10:7

Sꞌe̱ ti̱ bi̱ ti̱ katsó nginí Kjisoo̱: –Ja̱koxi̱, ja̱koxi̱ ni xi xiánjnúꞌun: Án boá xi nga̱ntjo̱a̱a̱ cho̱tsa̱nga̱a̱.

Juaa̱ 13:16

Ja̱koxi̱, ja̱koxi̱ ni xi xiánjnúꞌun: Nda̱ mosoo̱ ꞌniújín nkꞌa ngase ka̱ma ta̱bo̱a̱jiín ndi̱a̱a̱, ti̱nde nda̱ xi kanangiyaa̱ nkꞌajín ngase xaá ta̱bo̱a̱jiín xi katsangiya.

Juaa̱ 13:38

Sꞌe̱ Kjisoo̱, bi̱ katsó: –A kjo̱a̱jiín ndatsi ko̱yè jí kjo̱a̱a̱ an. Ja̱koxi̱, ja̱koxi̱ ni xi xiáa̱n: Nga ngindiee̱ nga skja̱ndáyà xo̱nda̱xi̱ꞌii̱n, ji ján ndi̱yà je kiniꞌínkiejín yojòo̱ nga yení.

Juaa̱ 14:12

Ja̱koxi̱, ja̱koxi̱ ni xi xiánjnúꞌun: Xi sꞌijii̱n an, xá xí tsꞌen an sa̱ꞌín ndatsa kui nga, kó tsie ngase ni xi sa̱ꞌín, ngatꞌa̱ Na̱ꞌmii̱ tsꞌénfikóo̱n,

Juaa̱ 16:20

Ja̱koxi̱, ja̱koxi̱ ni xi xiánjnúꞌun, nga jún xchaꞌájnú, ko̱jo ni̱ma̱ ka̱majnú, kó xotaa̱ kui nga̱sondiee̱ tsja ka̱maa̱, ta̱nga ndatsi ndasen ka̱majnú, kjo̱a̱ndasenjnú kjo̱a̱tsja ka̱ma.

Juaa̱ 16:23

Kó kui ni̱xtjin jàn ngiti̱ ingojín ni xi ko̱si̱yájnúꞌun. Ja̱koxi̱, ja̱koxi̱ ni xi xiánjnúꞌun, nga ngayeje ni xi ngajona chji̱e̱ꞌèe̱ Na̱ꞌmina, kó kuí tsja̱á.

Juaa̱ 21:18

Ja̱koxi̱, ja̱koxi̱ ni xi xiáa̱n: Nga kjiꞌanga kjindí ngase ji, ti̱ jíní xi kichejé ji ńjñóo̱, ko̱jo ta̱ nínga kamámejeénri kꞌin, ta̱nga ngije ka̱maxchá jí, chjanínkꞌé ndse̱, kó kje̱ꞌe xí sa̱ꞌínkajaá ńjñóo̱, kó nínga mejénjiín kꞌuín, kó ki̱a̱ kongínjoo̱.

Juaa̱ 3:3

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiáa̱n nga tsi ngo xi stse̱njín nginí, ka̱májiín sku̱i̱e̱ xikótsꞌèn botixómá Néná.

Juaa̱ 3:5

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiáa̱n nga tsi ngo xi ndáfoajín ko̱jo A̱si̱énni̱xtjii̱n Nénájín stse̱n nginí, ka̱májiín kꞌo̱sꞌien nínga botixómá Néná.

Juaa̱ 5:19

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun: Ta̱ jmíjín ni xi ka̱maa̱ sa̱ꞌín soboá ndií Néná, ta̱kuítsí ni xi tsꞌén, ni xi be nga tsꞌén Na̱ꞌmii̱, ngatꞌa̱ ngayeje ni xi tsꞌén Na̱ꞌmii̱, ti̱kuíní ni xi tsꞌén ndií.

Juaa̱ 5:27

Kó ti̱ katsjaá xá, tsi̱ꞌe̱ nga ka̱ma ka̱tso̱yà tsi nda ko̱jo tsi ndajín ndyi̱tsꞌèn xotaa̱, ngatꞌa̱ kuí boá xi ndií nda̱ xi̱ꞌii̱n.

Juaa̱ 6:26

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun nga jún ndyi̱mindyiséjnúꞌun kjo̱a̱a̱ pan xi kichiniejnú, kó katsꞌéntsiejnú, jmí tsi kjo̱a̱a̱ chi̱bo̱a̱ xi kamáyàjnú.

Juaa̱ 6:32

Kósꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun: Moisee̱jín xi katsjájnú paa̱n ndiꞌakꞌajmii̱, ngatꞌa̱ Na̱ꞌmina boá xi tsjá pan xi ja̱koxi̱i̱ ndiꞌakꞌajmii̱.

Juaa̱ 6:47

Ja̱koxi̱, ja̱koxi̱ ni xi xiánjnúꞌun: Xi sa̱ꞌínsꞌijinna, sa̱ko̱ó kjo̱a̱mindyion ngatsjéni̱xtjii̱n.

Juaa̱ 6:53

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun: Tsi xi̱ni̱e̱jínjnú yojoo̱ ndií nda̱ xi̱ꞌii̱n, kó tsi sꞌi̱o̱jínjnú jiín, jmíjínjnú kjo̱a̱mindyioo̱n.

Juaa̱ 8:34

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun, nga ngayeje xota̱ xi tsꞌénjé, moso̱ xi kastiñaá jeé boá.

Juaa̱ 8:51

Ja̱koxi̱, ja̱koxi̱ ni xi xiánjnúꞌun, nga xi sa̱ꞌínkjatjosón énna, jmíni̱xtjin sku̱i̱e̱ kjo̱a̱bo̱yaa̱.

Juaa̱ 8:58

Sꞌe̱ bi̱ ka̱tso̱ Kjisoo̱: –Ja̱koxi̱, ja̱koxi̱ ni xi xiánjnúꞌun, ngindiee̱ nga stse̱n Abraa̱n, ja̱bo̱a̱ jè tikòn an.

Ni xi kamá 10:11

Kamábe nga katjoxꞌá ndiꞌakꞌajmi jàn, kó tsꞌéndibájèn tꞌanangii̱ ngo ni xi ja̱kjiꞌi ńjñotjibé je kjiꞌi, xi xikoó tsi tjín xí ndyi̱tsofóꞌniú nga nijón nijon,

Ni xi kamá 7:56

kó bi̱ katsó Ixtibaa̱: –¡Tsitsíjenjnú! Tsꞌénbé an nga tji̱e̱nti̱xa̱ ndiꞌakꞌajmi jàn, kó tsꞌénbe an nga ndií nda̱ xi̱ꞌii̱n tsja fojnií Néná tikón.

2 Xota̱ Tesalónika̱ 1:7

Kó jún xi ndyi̱bitjatiójnú kjo̱a̱ni̱ma̱ tsja̱ajnú ngo kjo̱a̱niꞌánkjaꞌyá xikoó ji̱n. Kui nii̱ ka̱ma kjiꞌanga Ndi̱a̱ná Kjisoo̱ kjo̱e̱ꞌekákó yojoo̱ nga kji̱ndi̱bájo̱ni ndiꞌakꞌajmi jàn ndítsjiee̱ xi tjiín ngaꞌniú.

2 Xota̱ Tesalónika̱ 1:9

Kui xotaa̱, Néná sa̱ꞌínkjié ngatsjéni̱xtjin, kó kjin kꞌuíndonii̱ nínga tikón Ndi̱a̱ná, ko̱jo kjo̱a̱jee̱, ko̱jo ngaꞌniuú.

1 Timoo̱ 3:16

Kó tikón tsijen tsijen nga ta̱nisién je ni xi sꞌijinná, ni xi kisꞌijña ꞌma ngasꞌe̱, kó Néná je tsꞌénbokóná ngotꞌe̱, kuí ni xi̱ꞌbi̱: Néná akó yojoo̱ nga xota̱ kamá, A̱si̱énni̱xtjii̱n akó nga kui xi kixi̱, ndítsjiee̱ kamábe. Ikꞌíni̱jmi̱ì xota̱ na̱xi̱ńdá xí tjiín, kiniꞌánsꞌijin kui nga̱sondiee̱, kó kisꞌiee̱ kjo̱a̱je nga kijí ndiꞌakꞌajmii̱.

Xota̱ Ebreo̱ 1:14

A mí tsí ngayeje ndítsjiee̱ nga kui xi ndyi̱tsꞌèn xaá Néná, kó nga kuí xí kanangiya tsi̱ꞌe̱ nga kui xi sa̱ꞌiín kjo̱a̱nda kui xota̱ xi sa̱ko̱ó kjo̱a̱ꞌnaxiéꞌaá.

Xo̱jo̱o̱n Jundaa̱ 1:14

Kó ko̱jo Enoo̱k, kui xi ma yitoni nda̱ xi kisꞌijña kui nga̱sondiee̱ jaskan ngije kisꞌijña Andaa̱n, tsíchji̱a̱ xikoó ngo chji̱ni̱e̱ꞌe̱én Néná kjo̱a̱a̱ kui xotaa̱ nga bi̱ katsó: “Jéꞌe̱n, Ndi̱a̱ná je tsꞌéndibá, kó achichí kjín mi̱ ma ndítsjie xi tsꞌéndibájo̱,

Ni xi akakoo̱ 19:11

Kó kamábe an nga tji̱e̱nti̱xa̱ ndiꞌakꞌajmii̱, kó ngo ndi̱je̱ tiboa tikón ki̱a̱a̱, kó kui nda̱ xi tikónsoón kuí xí ꞌmí xi ꞌNiátakón ko̱jo xi Ja̱koxi̱i̱, ngatꞌa̱ nga kixi̱ atíxoma nga askjantjé.

Ni xi akakoo̱ 4:1

Ngije kamá kui nii̱, askotsijen an kó kamábe an ngo nga̱ntjo̱a̱ xi tji̱e̱nti̱xa̱ ki̱a̱ ndiꞌakꞌajmii̱, kó kui nda̱ xi tjón tsintꞌie an, kui xi xikó maá ngo tjio, bi̱ katsóna: –Ndibénijíngí ji kꞌi̱e̱e̱, kó an kokòo̱ ni xi jaskan ka̱ma.