Juaa̱ 1:45 - Xo̱jo̱n eén Néná

⁴⁵ Kó Ngiripee̱ kasakoo̱ Natanaee̱l, kó bi̱ katsoó: –Jè kasakojne̱ kui nda̱ xi tsíchji̱a̱ Moisee̱ nga katsꞌénꞌindó xo̱jo̱n kjo̱a̱kitii̱, ko̱jo xi tsíchji̱a̱ já chji̱ni̱e̱ꞌe̱én Néná: Kjisoo̱ boá, ndií Kosiee̱, xi chji̱a̱ni Nasaree̱t.

Juaa̱ 1:45 ပူးပေါင်းရင်းမြစ်များ

Jenesii̱s 3:15

»Kó án xí sa̱ꞌin an nga ji ko̱jo naa̱ kondra̱ ka̱manijnú xingi̱jnú, ko̱jo kondra̱ ka̱manii̱ xkjín tji̱e̱ tse̱ ko̱jo xota̱ tji̱e̱ tsi̱ꞌe̱ naa̱, kó ngo kui xota̱ tji̱e̱e̱ xi sa̱ꞌínꞌoón taki ji, kó ji si̱ꞌinꞌíi̱n tji̱ngi̱ se».

Jenesii̱s 49:10

Ngatsjéni̱xtjin kꞌuijñá ngi̱ya ndse̱ ji yánísié xi ko̱ti̱xomeni ji, ngaskande tsí nga kjo̱e̱ꞌe kui re xi ja̱koxi̱i̱, kui xi ko̱tíxoma ngayeje nga̱sondiee̱.

Matioo̱ 10:3

ko̱jo Ngiripee̱, ko̱jo Bartolomee̱, ko̱jo Tomaa̱, ko̱jo Matioo̱, nda̱ xi foaꞌáꞌyá to̱n xi machjítjé nii̱, ko̱jo Sandiyaá ndií Alfeoo̱, ko̱jo Tandeoo̱,

Matioo̱ 13:55

A kuijín nda̱a̱ xi ndií nda̱ chji̱ni̱e̱ya̱á. A mí tsí kui nda̱a̱ xi na̱an manii̱ na̱ Riyaa̱, kó ntsꞌi̱e̱ ma Sandiyaá, Kosiee̱, Ximoo̱ ko̱jo Jundaa̱.

Matioo̱ 2:23

Kó nga jachó ki̱a̱a̱, ki̱a̱ kisꞌińdo ndí na̱xi̱ńdáꞌniú Nasaree̱t, tsi̱ꞌe̱ nga jatjosón ni xi katsó já chji̱ni̱e̱ꞌe̱én Néná nga bi̱ katsó: Nda̱ xi chji̱a̱ni Nasaree̱t kꞌuin.

Matioo̱ 21:11

Kó xota̱ kjiín, bi̱ katsó: –¡Kjisoo̱, nda̱ chji̱ni̱e̱ꞌe̱én Néná boá, nda̱ xi chji̱a̱ni na̱xi̱ńdáꞌniú Nasaree̱t, nangii̱ Ngalilea̱!

Markoo̱ 14:67

kó nga kamábe nga Peé xi tjítsꞌénꞌásoo̱ yojoo̱ tꞌa ndiꞌií, askotsijen ndá ndaá, kó bi̱ katsoó: –Ko̱jo jí boá xi tińtje̱je ji Kjiso̱ xi chji̱a̱ni Nasaree̱t nga.

Markoo̱ 6:3

A kuijín xí nda̱a̱ nda̱ chji̱ni̱e̱ya̱á, ndií na̱ Riyaa̱, ntsꞌi̱e̱ Sandiyaá, ko̱jo Kosiee̱, ko̱jo Jundaa̱, ko̱jo Ximoo̱. A kꞌi̱e̱jín síndojo̱na ínchjín ndichja. Kó kui xotaa̱ katsꞌénjo̱ꞌojín Kjisoo̱.

Rkaa̱ 18:37

Kó kiꞌmíyaà nga Kjisoo̱ nda̱ Nasaree̱t xí kjoaꞌaa̱.

Rkaa̱ 2:4

Kó Kosiee̱ jatjoni na̱xi̱ńdáꞌniú Nasaree̱t, xi tikón nangi Ngalilea̱, sꞌe̱ kijí ndí na̱xi̱ńdáꞌniú Belee̱n xi tikón nangi Jundea̱, nínga katsen nda̱ re Ndabii̱, ngatꞌa̱ Kosiee̱ xota̱ tji̱e̱e̱ nda̱ re Ndabii̱ chji̱a̱ni,

Rkaa̱ 2:48

Kó ngije kasako Kjisoo̱, na̱ꞌmii̱ ko̱jo na̱aa̱n, ta̱ bi̱ ta̱ kamaá, kó na̱aa̱n, bi̱ katsoó: –Ndí xiánna, ánní nga bi̱ kjiꞌi ni xi kiniꞌínje̱jne̱. Na̱ꞌmíi̱ ko̱jo an achichí nda̱ kjimajne̱ nga ndyi̱mindyiséjne̱ ji.

Rkaa̱ 24:27

Kó katsóyaà ni xi kjitꞌa xo̱jo̱n eén Néná nga ítsꞌi̱yanii̱ ndeskande kjo̱a̱kiti xi katsꞌénda Moisee̱, sꞌe̱ ngayeje ni xi katsꞌénꞌindó já chji̱ni̱e̱ꞌe̱én Néná xi tsáyà kjo̱a̱a̱ Kjisoo̱.

Rkaa̱ 24:44

Sꞌe̱ bi̱ katsoó kui jaá: –Kuí eén xi tsíchji̱a̱ an, kjiꞌanga ta̱kó tikónjo̱jnúꞌun: nga chjiéngá kjo̱tjosón ngayeje ni xi kjitꞌa kjo̱a̱a̱ an ngi̱ya kjo̱a̱kitii̱ Moisee̱, xo̱jo̱n xi katsꞌénꞌindó já chji̱ni̱e̱ꞌe̱én Néná ko̱jo xo̱jo̱n Salmoo̱.

Rkaa̱ 3:23

Kjisoo̱ tjínraá tsi ta̱ kantié nó nga ítsꞌi̱yani xaá. Kjisoo̱ kuí xí ndií Kosiee̱ katsó xotaa̱, kó Kosiee̱ ndií Elii̱,

Rkaa̱ 4:22

Kó ngayeje xotaa̱ nda tsíchji̱a̱ kjo̱a̱a̱ Kjisoo̱, kó kijíndikoón kjo̱a̱a̱ kui én tsjatsó xi tsíchji̱a̱, kó bi̱ katsó nga asíyá ja̱kꞌi̱e̱ ja̱ngajaán xkjín: –A kuijín xi̱ꞌbi̱ xi ndií Kosiee̱.

Juaa̱ 1:44

Kó Ngiripee̱ na̱xi̱ńdáꞌniú Betsainda̱ chji̱a̱ni, na̱xi̱ńdáꞌniú xí chji̱a̱ni Jandree̱ ko̱jo Peé.

Juaa̱ 12:21

Kui xotaa̱, kijíkóntiñaa̱ Ngiripee̱, nda̱ xi chji̱a̱ni Betsainda̱, na̱xi̱ńdá xi tikónjii̱n nangi Ngalilea̱, kó bi̱ kiꞌmií nga ikꞌíndasee̱n: –Ndi̱a̱, mejénjne̱ xcha̱jne̱ Kjisoo̱.

Juaa̱ 14:8

Sꞌe̱ bi̱ katsó Ngiripee̱: –Ndi̱a̱, takejne̱ Na̱ꞌmii̱, kó sꞌi̱ngojne̱.

Juaa̱ 18:5

Sꞌe̱ bi̱ katsó kui jaá: –Kjisoo̱, nda̱ Nasaree̱t xí ndyi̱mindyiséjne̱. Kó Kjisoo̱, bi̱ katsó: –Án boá. Kó Junda̱ Iskariotee̱, nda̱ xi katsꞌénkꞌasꞌien Kjisoo̱ ki̱a̱ tsoꞌbájo̱ kui jaá.

Juaa̱ 18:7

Sꞌe̱ Kjisoo̱ ti̱ asíyá nginií kui jaá, nga bi̱ katsó: –ꞌYá xí ndyi̱mindyiséjnú. Sꞌe̱ bi̱ katsó nginí kui jaá: –Kjisoo̱, nda̱ Nasaree̱t.

Juaa̱ 19:19

Kó Pilatoo̱ ngo yátie katsꞌénꞌindó xi íjñaá nkꞌaa̱ kro xi kisitꞌa Kjisoo̱, xi bi̱ tsó én xí kisitꞌaa̱: “KJISO̱ NDA̱ XI CHJI̱A̱NI NASAREE̱T, NDA̱ REE̱ XOTA̱ JUNDÍOO̱.”

Juaa̱ 21:2

Síndotikó Ximo̱ Peé, ko̱jo Tomaa̱ xi Nda̱ꞌni̱o̱ kiꞌmií nga, ko̱jo Natanaee̱l xi chji̱a̱ni na̱xi̱ńdá Kanaa̱ nangi xi tikón ngi̱jii̱n nangi Ngalilea̱, ko̱jo ndií Sebedeoo̱, ko̱jo ngi jó xota̱ tsi̱ꞌe̱ Kjisoo̱.

Juaa̱ 6:42

kó bi̱ katsoó xkjín: –A kuijín xi̱ꞌbi̱ xi Kjisoo̱, ndií Kosiee̱. A yàjín ñá ꞌyání xi na̱ꞌmii̱ ko̱jo na̱aa̱n. Ja̱ kótsꞌèn bo̱a̱ tsóni nga ndiꞌakꞌajmi jàn xò kjindibáni.

Juaa̱ 6:5

Nga iskjininkꞌa kje̱n Kjisoo̱, achichí má xota̱ xi kamábe nga ndyi̱fíkoón, kó Kjisoo̱, bi̱ katsoó nga asíyaá Ngiripee̱: –Ñání si̱ꞌantsié pan xi skji̱ni̱e̱ kui xota̱ kjiín.

Juaa̱ 6:7

Sꞌe̱ Ngiripee̱, bi̱ katsó: –Tsi jó úchán to̱n ndenario̱ pan si̱ꞌantsié, nde kjo̱chóꞌájín tsi ndeta̱ chií tsí sa̱ko̱ó nga ngo nga ngo kui xotaa̱.

Ni xi kamá 10:38

ko̱jo nga Néná katsjaá ngaꞌniú ko̱jo A̱si̱énni̱xtjii̱n Néná kui Kjiso̱ xi chji̱a̱ni Nasaree̱t, kó kuí Kjisoo̱ xi kistsoꞌbá nga katsꞌén ni xi nda, ko̱jo nga katsꞌéndaya ngayeje xota̱ xi tsie kjo̱a̱ni̱ma̱ ndyi̱foaꞌa, xi kjimaniꞌii̱n ta̱ngatꞌanii̱ xindajín ndiabloo̱, ngatꞌa̱ Kjisoo̱ Néná kistsoꞌbájo̱,

Ni xi kamá 2:22

Jún bo̱a̱ já xí chji̱a̱ni Israee̱l, ndaꞌyájnú kui én xí xian an: Kjisoo̱ nda̱ xi chji̱a̱ni na̱xi̱ńdáꞌniú Nasaree̱t, ngo nda̱ xi Néná akójnú nga kisꞌiee̱ ngaꞌniú, ko̱jo nga tsie kjo̱a̱ndikón xí katsꞌén ngi̱ya tsja nga kisꞌijñajo̱jnú, xikótsꞌèn ti̱ juún je yàjnú,

Ni xi kamá 22:8

Kó an bi̱ kixiáa̱n nga asíyaá kui xi tsꞌénchji̱a̱jona: “ꞌYá jí bo̱a̱ Ndi̱a̱.” Kó kui nda̱a̱, bi̱ katsóna: “Án boá xi Kjisoo̱, xi chji̱a̱ni na̱xi̱ńdáꞌniú Nasaree̱t, án xí timiyitji̱nginí.”

Ni xi kamá 26:9

Ti̱ an bo̱a̱ tsꞌén katsꞌenkjó án ngasꞌe̱ nga chjiéngá tsie ni sa̱ꞌin an, tsi̱ꞌe̱ nga si̱ꞌankjie ngayeje xota̱ xi sꞌijii̱n jaꞌeén Kjiso̱ xi chji̱a̱ni na̱xi̱ńdáꞌniú Nasaree̱t,

Ni xi kamá 3:6

Kó Peé bi̱ katsoó: –Jmí to̱ntiboa, jmí to̱nsiniéjínna xi tsjaa, ta̱nga ni xi tjínna tsjaa: Jaꞌeén Jesukristoo̱ nda̱ xi chji̱a̱ni Nasaree̱t tsꞌenkjién án nga bi̱ tꞌíxiaán, ti̱sítji̱n kó ti̱ńtje̱.