Juaa̱ 1:34 - Xo̱jo̱n eén Néná

³⁴ Kó an kamábe an kui, kó je katsóyà an nga kuí bí xi ndií Néná.

Juaa̱ 1:34 ပူးပေါင်းရင်းမြစ်များ

Xo̱jo̱n Salmoo̱ 2:7

Án boá xi xiyà an kjo̱a̱botíxoma xi Néná katsóyàna, nga bi̱ katsóna: «Jí boá xi ndína ma ji, ndeskande koó ngotꞌe̱ ꞌne̱ nga na̱ꞌmíi̱ ma an.

Matioo̱ 11:27

Ngayeje nii̱ Na̱ꞌmina boá xí katsꞌénkꞌasꞌienna, kó ta̱ꞌyajín xi be ndií, ta̱kuítsí Na̱ꞌmii̱, kó ta̱ꞌyajín xi be Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Matioo̱ 16:16

Kó Ximo̱ Peé, bi̱ katsoó: –Jí xí Kristoo̱, ndií Néná xí tikoón.

Matioo̱ 17:5

Tji̱e̱nga tsꞌénchji̱a̱ ngase Peé, ngo ṉdi̱ ꞌna̱ kitsjien, kó ki̱a̱ kasasien nínga síndo kui jaá, sꞌe̱ ngi̱jin kui ṉdi̱i̱ kandaꞌyá ngo nda̱, xi bi̱ katsó: –Kuí xi̱ꞌbi̱ xi ndí tjóna, tsjátjínna ngatꞌaa̱ kui, ndaꞌyájnúu̱.

Matioo̱ 26:63

Ta̱nga Kjisoo̱ jmí ni katsójín. Kósꞌe̱ chináꞌmi xi ꞌniú nkꞌa xaá, bi̱ katsoó: –Ngiboanéná xi tikoón, nga tꞌíyéjne̱ tsi ji xi Kristoo̱, ndií Néná.

Matioo̱ 27:40

nga bi̱ katsoó: ¡Ji xi niꞌínkixóndé jí ngo na̱ngo̱xi̱, sꞌe̱ xi ma ján ni̱xtjin niꞌínde nginí, ꞌna̱xiéꞌé so̱bo̱e̱ ji yojòo̱, tsi ndií Néná jí, kó ti̱tjaje̱n ji kroo̱!

Matioo̱ 27:43

Kamáꞌniátakón Néná, ja̱ Néná ngatꞌaxiéꞌá ngotꞌe̱ ꞌne̱ tsobo̱a̱ tsi tjoó, ngatꞌa̱ bi̱ katsó: Án xí ndií Néná.

Matioo̱ 27:54

Kó ngito̱ko̱o̱ jájuún ko̱jo jájún xi ndyi̱konda Kjisoo̱ nga kamábe kjo̱a̱ndi̱ko̱ón, ko̱jo ngayeje ni xi kamaá, achichí katsakjónní, kó bi̱ katsó: –¡Ja̱koxi̱ nga kui nda̱a̱ xi ndií Néná!

Matioo̱ 3:17

Kó kandaꞌyá ngo nda̱ ndiꞌakꞌajmi jàn xi bi̱ katsó: –Kuí xi̱ꞌbi̱ xi ndí tjóna, ꞌniú tsjátjínna kjo̱a̱a̱ kui.

Matioo̱ 4:3

Kó xi kjitꞌayákónná jachókoón Kjisoo̱ tsi̱ꞌe̱ nga skótꞌayákón, kó bi̱ katsoó: –Tsi ja̱koxi̱ nga ndií Néná jí, bo̱a̱ tꞌín ji nga pan ngatama kui ndi̱jo̱o̱.

Matioo̱ 4:6

kó bi̱ katsoó: –Tsi ja̱koxi̱ nga ndií Néná jí, tjajmingí ji yojòo̱, ngatꞌa̱ jè kjitꞌa xo̱jo̱n eén Néná nínga bi̱ tsoó: Néná sa̱ngíyá ndítsjiee̱ tiña nínga tindyin ji, kó tsja ko̱óꞌniúnií, tsi̱ꞌe̱ nga ngojín ndi̱jo̱ stingí ndsa̱ki.

Matioo̱ 8:29

Kó bi̱ katsó nga askjandáyà kui jaá: –Mí ni xi tjiín kjo̱a̱a̱ ji̱n, Kjiso̱, ndií Néná. A jè kjo̱a̱ni̱ma̱ kjoéꞌe̱ niꞌínkjeꞌejne̱ ngindiee̱ nga kjo̱chó ni̱xtjii̱n.

Markoo̱ 1:1

Bi̱ tsꞌén ꞌbítsi̱ya éntjatsi̱e̱ xi chji̱a̱ kjo̱a̱a̱ Jesukristoo̱, xi ndií Néná.

Markoo̱ 1:11

Kó kandaꞌyáa̱ ngo nda̱ ndiꞌakꞌajmi jàn xi bi̱ katsó: –Jí xí ndí tjóna ji, ꞌniú tsjátjínna kjo̱a̱a̱ ji.

Rkaa̱ 1:35

Kó ndítsjiee̱, bi̱ katsoó: —A̱si̱énni̱xtjii̱n Néná kji̱ndi̱bánieé ji, kó ngaꞌniuú Néná xí tikón ndiꞌakꞌajmi jàn ko̱óꞌmánii̱ tji̱nkꞌi̱e̱én, kuíni nga kui ndí xí stse̱én jí, ndií Néná kꞌuiín.

Rkaa̱ 3:22

kó A̱si̱énni̱xtjii̱n Néná nga yojo, ja̱kjiꞌi tójo má kjiꞌi nga kjindibánié Kjisoo̱, kó kandaꞌyá ngo nda̱ ndiꞌakꞌajmi jàn, xi bi̱ katsó: –Jí xí ndí tjóna, ꞌniú tsjátjínna kjo̱a̱a̱ ji.

Juaa̱ 1:18

Kji̱e̱ ngo xi be kókjiꞌi Néná, kó kui ndí ngototoo̱ xi tikón nínga tikón Néná xí Na̱ꞌmii̱, kuí boá xi akó ngatꞌaa̱ Néná.

Juaa̱ 1:49

Sꞌe̱ bi̱ katsó Natanaee̱l: –Mostro̱, jí xí ndií Néná, jí xí nda̱ Ree̱ Israee̱l.

Juaa̱ 10:30

Na̱ꞌmina ko̱jo an ta̱ ngo tsí májne̱.

Juaa̱ 10:36

míkjo̱a̱a̱ nga kui nda̱ xi Néná xí Na̱ꞌmii̱ katsꞌéntsjie ko̱jo katsangiya kui nga̱sondiee̱, jún bi̱ ndyi̱ꞌmìjnúu̱: “Néná chꞌo tsoó”, ngatꞌa̱ bi̱ kixian an, nga an xi ndií Néná.

Juaa̱ 11:27

Sꞌe̱ bi̱ katsó na̱ Martaa̱: –Jo̱o̱n Ndi̱a̱, kó sꞌijinna nga jí xí Kristo̱ xi ndií Néná, xi kjo̱e̱ꞌe kuí nga̱sondiee̱.

Juaa̱ 19:7

Kó xota̱ jundíoo̱, bi̱ katsó: –Ji̱n tikónjne̱ ngo kjo̱a̱kiti, kó kui kjo̱a̱kitii̱ tsó nga chjiéngá ko̱yà, ngatꞌa̱ ndií Néná katsoó yojoo̱.

Juaa̱ 20:28

Sꞌe̱ Tomaa̱, bi̱ katsó: –¡Jí xí Ndi̱a̱na ji, kó jí xí Néná jí!

Juaa̱ 20:31

ta̱nga kui ni xi kjitꞌa kꞌi̱e̱e̱, tsi̱ꞌe̱ nga sꞌi̱jinjnú nga Kjisoo̱ xí Kristoo̱, xi ndií Néná, kó si̱ꞌansꞌijinjnú tsi̱ꞌe̱ nga kꞌuiéjnú kjo̱a̱mindyion ngi̱yaa̱ jaꞌeén kui.

Juaa̱ 6:69

Kó ji̱n jè kisꞌijinjne̱, kó je yàjne̱ nga ji xi Kristoo̱, ndií Néná xí tikoón.

Xota̱ Roma̱ 1:4

Ta̱nga nga jaꞌáꞌyaá Jesukristoo̱ ngi̱jii̱n xota̱ xi je jesoón, ta̱ngatꞌanií A̱si̱énni̱xtjii̱n Néná, kó akó nga ja̱koxi̱ nga kui xi ndií Néná xí tjiín ngaꞌniuú.

2 Xota̱ Korinto̱ 1:19

Ngatꞌa̱ Jesukristoo̱ kuí xí ndií Néná, kó kjo̱a̱a̱ kuí boá xi ikꞌíni̱jmìjne̱ Silbanoo̱, ko̱jo Timoo̱, ko̱jo an ngi̱jinjnú, jmí tsi “jo̱o̱n” ko̱jo “jmí” ti̱ kjiꞌa katsó, kuí boá xi ngatsjéni̱xtjin “jo̱o̱n” tsó Néná.

Xota̱ Ebreo̱ 7:3

Melkisendee̱k kisꞌiejiín na̱ꞌmi ko̱jo na̱an ko̱jo xota̱ xi xchá, ti̱nde katsenjín ti̱nde kꞌienjín, yàjín ñá kjindibáni, kó xá chináꞌmii̱ tikón ngatsjéni̱xtjin, xikoó kui xi tsi̱ꞌe̱ ndií Néná.

1 Xo̱jo̱o̱n Juaa̱ 2:23

Kó ta̱ ꞌyání xi tsꞌenjóꞌojín ndií, tikónjinjiín Na̱ꞌmii̱. Ta̱nga ta̱ ꞌyání xi ka̱tso̱yà nga Kjisoo̱ xi ndií Néná, ti̱ tikónjii̱n Na̱ꞌmii̱ nga.

1 Xo̱jo̱o̱n Juaa̱ 3:8

Ta̱nga kui xota̱ xi ndyi̱tsꞌènjeé, xota̱ xi tsi̱ꞌe̱ xindajín ndiabloo̱ boá, ngatꞌa̱ xindajiín ndeskande koó nga ítjatsꞌennii̱ nii̱ nga tjítsꞌénjé. Kuíni nga jatjokjaní ndií Néná, tsi̱ꞌe̱ nga sa̱ꞌínkjié ni xi ndajín xi tsꞌén xindajiín.

1 Xo̱jo̱o̱n Juaa̱ 4:9

Kuí nii̱ xi akó nga Néná tjoó ñá, nga katsangiya ndí ngototoo̱ kui nga̱sondiee̱, tsi̱ꞌe̱ nga ngatꞌaa̱ kui ndií nga kꞌuiéná kjo̱a̱mindyion.

1 Xo̱jo̱o̱n Juaa̱ 5:20

Ta̱nga ti̱ jè ya nga ndií Néná jè jeꞌe, kó katsjáná kjo̱a̱kjíntakón tsi̱ꞌe̱ nga xcha̱ kui Néná xí ja̱koxi̱i̱, kó jè tindyionjo̱ kui xi ja̱koxi̱i̱, ndií Néná xi ꞌmí Jesukristoo̱. Kuí bí xi̱ꞌbi̱ xi Néná xí ja̱koxi̱i̱, ko̱jo xi tsjá kjo̱a̱mindyion ngatsjéni̱xtjii̱n.

2 Xo̱jo̱o̱n Juaa̱ 1:9

Ta̱ꞌyaní xi kjo̱a̱ꞌatjoón ni xi akóyá Kristoo̱, kó ki̱a̱jín kꞌuijñájin kui nii̱, tikónjinjiín Néná ngi̱jin ini̱ma̱a̱. Ta̱nga kui xota̱ xi ta̱kuítsí kjo̱a̱bokoyaá Kristoo̱ xi tsꞌénbokoyá, kuí boá xi̱ꞌba̱ xi tikónjii̱n ngi̱jin ini̱ma̱a̱ Néná xí Na̱ꞌmii̱ ko̱jo Ndií.

Ni xi akakoo̱ 2:18

Bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Tiatiraa̱: “Kui nii̱ xi tsó ndií Néná, kui xi ndyi̱ko̱n xikó maá ndiꞌií, kó se xikó maá ki̱cha̱ bronse̱ xi tjíniꞌánńdaá: