Juaa̱ 1:29 - Xo̱jo̱n eén Néná

²⁹ Nga kamángindyiojón Juaa̱ kamábe nga Kjisoo̱ tsꞌéndibákón tiñaa̱, kó bi̱ katsó: –Kꞌi̱e̱ tikón kꞌi̱e̱e̱ ndí cho̱tsa̱nga̱a̱ Néná, xi foaꞌáxín jeé xotaa̱ kui nga̱sondiee̱.

Juaa̱ 1:29 ပူးပေါင်းရင်းမြစ်များ

Lebitiko̱ 10:17

—Ánní nga kichiniejínjnú kui tindsoo̱ ki̱a̱ ndiꞌandikoón. A mí tsí jè yàjnú nga kui kjo̱a̱tjoó, ni xi ndikón boá, ¡kjo̱a̱tjó xi niꞌánkꞌasꞌien tsi̱ꞌe̱ nga niꞌánjetakón jé boá! Kó kuí kjo̱a̱tjoó xi Néná tsꞌénjétakónni jéjnú, ko̱jo jeé xota̱ na̱xi̱ńdaá.

Xki̱ 18:1

Néná bi̱ katsoó Aaroo̱n: «Kjiꞌanga ngo jé sa̱ꞌín xota̱ Israee̱l kjo̱a̱a̱ na̱ngo̱xi̱i̱, ji ko̱jo xota̱ tji̱e̱e̱, ko̱jo xota̱ tji̱e̱ xi ngasee̱ Lebii̱, chjiéngá chji̱a̱ꞌajnú kjo̱a̱niꞌánjetakón kjo̱a̱a̱ kui xotaa̱. Ta̱nga kjiꞌanga ji ko̱jo xota̱ tji̱e̱e̱ ndyi̱niꞌánjnú xá chináꞌmii̱ kó tsi si̱ꞌanjéjnú, ngojín xi ka̱ma ku̱i̱ꞌa kjo̱a̱niꞌánjetakón kjo̱a̱a̱ jún, ti̱ júnní xi chjiéngá chji̱a̱ꞌatjejnú yojojnú.

Xki̱ 21:9

Kó bo̱a̱ kamá. Moisee̱ katsꞌénda ngo ye̱ xi ki̱cha̱ bronse̱, kó ngo yá ndojó ítokó. Kó kjiꞌanga ngo xota̱ xi ye̱ iskjiniee̱, kui xi bo̱a̱ kamaá askotsijee̱n kui ye̱ xi ki̱cha̱ bronsee̱, kó jmí ni kamájiín ngijee̱.

Matioo̱ 1:21

Kó na̱ Riyaa̱ ngo ndí kꞌuieé, kó KJISO̱ kuítꞌe jaꞌén, ngatꞌa̱ kuí boá xi kꞌo̱xiéꞌá xota̱ na̱xi̱ńdaá kjo̱a̱a̱ jé xí ndyi̱tsꞌèn.

Matioo̱ 20:28

xikó maá nga ndií nda̱ xi̱ꞌii̱n, jmí tsi jeꞌe kui nga̱sondiee̱ tsi̱ꞌe̱ nga si̱ꞌansee̱n, ta̱sá jeꞌe tsi̱ꞌe̱ nga kui xi sa̱ꞌínseén xotaa̱, ko̱jo tsi̱ꞌe̱ nga tsja̱á yojoo̱ tsi̱ꞌe̱ nga ku̱i̱ꞌíchjítáꞌín kjín xota̱.

Juaa̱ 1:35

Nga kamángindyiojón ti̱ ki̱a̱ tikón nginí Juaa̱ ko̱jo jó xota̱ tsi̱ꞌe̱,

Juaa̱ 1:36

kó nga kamábe nga ki̱a̱ tsoꞌbá Kjisoo̱, bi̱ katsó: –Kꞌi̱e̱ tikón kꞌi̱e̱e̱ ndí cho̱tsa̱nga̱a̱ Néná.

Juaa̱ 1:43

Nga kamángindyiojón Kjisoo̱ kamámejeén kijí nangi Ngalilea̱, kó kijí, sꞌe̱ ki̱a̱ kasakoo̱ Ngiripee̱, kó bi̱ katsoó: –Ndibétji̱ngíní.

Juaa̱ 2:1

Kó xi ma ján ni̱xtjin kamá ngo ndiꞌibixan na̱xi̱ńdá Kanaa̱, ngi̱ndie xi tikónjii̱n nangi Ngalilea̱, kó ki̱a̱ kisꞌijña na̱aa̱n Kjisoo̱,

Juaa̱ 3:16

Ngatꞌa̱ Néná achichí tjó kamaá xotaa̱ kui nga̱sondiee̱, nga katsjá ndí ngototoo̱, tsi̱ꞌe̱ nga ngayeje xi sꞌijii̱n kui, xcha̱jàjín, kó ta̱sá ngatꞌieé kjo̱a̱mindyion ngatsjéni̱xtjii̱n.

Juaa̱ 4:42

kó bi̱ kiꞌmií kui xota̱chjo̱on: –Jmí tsi ta̱ kjo̱a̱a̱ ni xi kasejne̱ nga sꞌijinjne̱, sꞌijinjne̱ kjo̱a̱a̱ nga ji̱n má xi kandaꞌyájne̱ ni xi katsó, kó nga je yàjne̱ nga ja̱koxi̱ boá nga kui xi Kristoo̱, xi kꞌo̱xiéꞌá xotaa̱ kui nga̱sondiee̱.

Juaa̱ 6:51

Án boá kui pan xi tikón xi jatjajenni ndiꞌakꞌajmi jàn, tsi tjín xí skji̱ni̱e̱ kui paa̱n, kꞌuijñá ngatsjéni̱xtjin, kó kui pan xi tsjàa̱ yojona boá, kui xi tsja an kjo̱a̱nda tsi̱ꞌe̱ kjo̱a̱mindyioo̱n kui nga̱sondiee̱.

Ni xi kamá 13:39

kó nga ngayeje xi ngi̱yaa̱ kjo̱a̱kitii̱ Moisee̱ kamákixi̱jínni ngindyi̱ko̱n Néná, ta̱nga ta̱ngatꞌanii̱ Kjisoo̱ nga ka̱ma kixi̱ xi sꞌi̱jii̱n kui.

Ni xi kamá 8:32

Kó ki̱a̱ nínga tjítsꞌényà kui nda̱a̱ xo̱jo̱n eén Néná, bi̱ tsó: Tsangínjo̱ xikoó ngo cho̱tsa̱nga̱ xi fí niꞌánkꞌién, ko̱jo xikoó ngo cho̱tsa̱nga̱ xi kjandayàjín ngije sikón ngindyi̱ko̱n xota̱ xi botie tsja̱a̱, kó ti̱nde bo̱a̱ tsꞌén iskjíxꞌájín tsꞌoa.

1 Xota̱ Korinto̱ 15:3

Ngatꞌa̱ tjón má ni xi kiniꞌánkꞌasꞌienna xi katsꞌenkꞌasꞌienjnúꞌun: Akoyájnúꞌun nga Kristoo̱, jéná xí kꞌientjé xikótsꞌèn kjitꞌa xo̱jo̱n eén Néná,

2 Xota̱ Korinto̱ 5:21

Kristoo̱ nde ngo jé kisꞌiejiín, nganda tsa̱ñá boá nga Néná xikoó tsi xota̱ jé katsꞌén, tsi̱ꞌe̱ nga ñá xota̱ kixi̱ ka̱ma ngindyi̱ko̱n Néná, ta̱ngatꞌanii̱ ni xi katsꞌén Kristoo̱.

Xota̱ Ngalasia̱ 1:4

kui xi katsjá yojoo̱ nga kiniꞌánkꞌién ta̱ngatꞌanii̱ jéná, tsi̱ꞌe̱ nga kꞌo̱xiéꞌáná kui nga̱sondie xi ndajín xi tindyión kuí ni̱xtjii̱n, xikótsꞌèn kamámejeén Néná xí Na̱ꞌmii̱.

Xota̱ Ngalasia̱ 3:13

Tsi̱ꞌe̱ nga kꞌo̱kaniéjínná kjo̱a̱botíjeé kjo̱a̱kitii̱, Kristoo̱ iskjíbé kui kjo̱a̱botíjé xí chji̱a̱ni kjo̱a̱kitii̱ ta̱ngatꞌanii̱ ñá, ngatꞌa̱ bi̱ tsꞌén kjitꞌa xo̱jo̱n eén Néná: “Ngatꞌíko̱joo̱ ngayeje xota̱ xi tsjiengíboaꞌátꞌa ngo yá.”

1 Timoo̱ 2:6

Kui xi ti̱ kuii̱ katsꞌénkꞌasꞌien yojoo̱ nga kiniꞌánkꞌién, tsi̱ꞌe̱ nga íchjítjéná ngayeje ñá, kó kuí ngatꞌaa̱ nga Néná, nga jachó ni̱xtjin akó nga mejeén kꞌo̱xiéꞌá ngayeje xotaa̱.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Xota̱ Ebreo̱ 1:3

Kuí ndií xi tsꞌentsíjen kjo̱a̱jee̱ Néná, kó kuí boá xi bokó xikótsꞌèn tjíjii̱n Néná, kó kuí boá xi tsꞌénkꞌíndo ngayeje ni xi tjiín, ta̱ngatꞌanii̱ ngaꞌniuú én xí chji̱a̱. Ngije katsꞌéntsjiejónná jé xí tjínná ngindyi̱ko̱n Néná, ki̱a̱ kisꞌijña ndiꞌakꞌajmii̱ nga fojnií Néná xi tsꞌénbotixómaá.

Xota̱ Ebreo̱ 2:17

Kó kuíni nga bo̱a̱ tsꞌén chjiéngá xi kókón ngayeje ntsꞌiee̱ nga bo̱a̱ kisꞌie, tsi̱ꞌe̱ nga ngo chináꞌmi xi ꞌniú nkꞌa xaá xi tsꞌén xaá Néná kamá, xi ni̱ma̱takón ko̱jo ꞌniátakón kamá, xi tsꞌenkꞌásꞌién chji̱e̱ tsi̱ꞌe̱ nga sa̱ꞌínkjié jeé xota̱ na̱xi̱ńdaá.

Xota̱ Ebreo̱ 9:28

Kuíni nga ti̱ bo̱a̱ ti̱ tsꞌén Kristoo̱ ta̱ ngo tsí ndi̱yà katsjá yojoo̱ nga kiniꞌánkꞌién tsi̱ꞌe̱ nga kijíjo̱ jeé xotaa̱. Jaskan kji̱ndi̱bá nginí ingo ndi̱yà, ta̱nga jè ngiti̱ kjo̱a̱a̱ jeéjín nga kjo̱e̱ꞌe, kji̱ndi̱bá tsi̱ꞌe̱ nga kꞌo̱xiéꞌá xota̱ xi ndyi̱koyaa̱ kui.

1 Xo̱jo̱o̱n Peé 1:19

Ta̱sá jiín Kristoo̱ xi kiniꞌánchjién kuí xí ꞌniú chjí ngasenii̱. Kristoo̱, kuí boá xi xikoó ngo cho̱tsa̱nga̱ xi nda ko̱jo xi onjiín.

1 Xo̱jo̱o̱n Peé 2:24

Kuí Kristoo̱ xi kijíjo̱ jéná ngi̱jin yojoo̱ ki̱a̱ tꞌa kroo̱, tsi̱ꞌe̱ nga ñá ko̱yà kjo̱a̱a̱ jé xí kiniꞌán, kó ku̱i̱ndyión kjo̱a̱a̱ kjo̱a̱kixi̱i̱. Kó ta̱ngatꞌanii̱ nga kiniꞌánꞌoón Kristoo̱ nga jún je kamándayajnú.

1 Xo̱jo̱o̱n Peé 3:18

Ngatꞌa̱ Kristoo̱ ti̱ bo̱a̱ ti̱ tsꞌén jaꞌatio kjo̱a̱ni̱ma̱, kó ta̱ ngo tsí ndi̱yà kꞌien nga katsꞌénkjié jeé xotaa̱. Nda̱ xi kixi̱i̱, xota̱ xi kixi̱jiín kꞌientjéni, tsi̱ꞌe̱ nga kjo̱joná ngindyi̱ko̱n Néná. Nga ja̱koxi̱ kiniꞌánkꞌién nga xota̱, ta̱nga kiniꞌánkjaꞌáꞌyaá nga a̱siénni̱xtjin.

1 Xo̱jo̱o̱n Juaa̱ 2:2

Jesukristoo̱ boá xi katsjá yojoo̱ xikoó ngo kjo̱a̱tjó, nga jaꞌatio kjo̱a̱ni̱ma̱ ta̱ngatꞌanii̱ nga íchjítjé jéná ñá xi je kisꞌijinná Néná. Kó jmí tsi ta̱ jéná tsí, ko̱jo jeé ngayeje xota̱ xi tjín nga̱sondiee̱ boá nga.

1 Xo̱jo̱o̱n Juaa̱ 3:5

Kó jún jè yàjnú nga Jesukristoo̱ jeꞌe kui nga̱sondiee̱ tsi̱ꞌe̱ nga jaꞌáxín jéná, kó kuí, jmí jé kisꞌiejiín.

1 Xo̱jo̱o̱n Juaa̱ 4:10

Kuí bí kui nii̱ xi kjo̱a̱tjoó: Nga jmí tsi ñá xí kiniꞌántjó Néná, ta̱sá kjo̱a̱a̱ nga Néná boá xi katsꞌéntjóná ñá, kó katsangiyaná ndií xikoó ngo kjo̱a̱tjó xi niꞌánkꞌasꞌien tsi̱ꞌe̱ nga kiniꞌánjetakoón jéná.

Ni xi akakoo̱ 1:5

ko̱jo xi katsangiya Jesukristoo̱, chistiko̱ xi ꞌniátakoón, kuí boá ndí tjón xi jaꞌáꞌyaá, ko̱jo xi tjiín xá nga botixómaá ngayeje re xi chji̱a̱ni tꞌanangii̱. Kristoo̱ tjoó ñá, kó kuí boá xi índondéná kjo̱a̱a̱ jéná nga iskjitjón jiín,

Ni xi akakoo̱ 12:11

Kó kui ntsꞌié jè katsꞌeén ngatꞌaa̱ kui jín xí iskjitjón cho̱tsa̱nga̱a̱ ko̱jo kui én xí tsíchji̱a̱a̱, katsakjónjín nga xcha̱ja kjo̱a̱mindyioo̱n, ta̱sá kamámejeén nga ngaskande jesón.

Ni xi akakoo̱ 13:8

Kó kui cho̱ chꞌokjiꞌii̱ xi sa̱ꞌíndikón ngayeje xotaa̱ kui nga̱sondiee̱ xi kjitꞌajín jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin xi tsi̱ꞌe̱ cho̱tsa̱nga̱ xi kiniꞌánkꞌieén, xi je kjitꞌa ndeskande nga ítsꞌi̱yanii̱ nga kamánda nga̱sondiee̱.

Ni xi akakoo̱ 14:1

Kó kamábe an cho̱tsa̱nga̱a̱ nga sikónsón nga̱soón tji̱ngi̱ Sioo̱n xi tikón na̱xi̱ńdáꞌniú Jerusale̱n, kó ki̱a̱ síndojo̱ úchán ko̱jo yichán nijón mi̱ xota̱ xi síndoo̱ xtjien jaꞌeén cho̱tsa̱nga̱a̱, ko̱jo jaꞌeén Na̱ꞌmii̱.

Ni xi akakoo̱ 14:10

Néná sa̱ꞌínxchán, kó ꞌniú sa̱ꞌínjeé, ngo kjo̱a̱ni̱ma̱ xi ꞌniú sa̱ꞌínkjaꞌa ngi̱jin ndiꞌí, ko̱jo ngi̱jin asufre̱ xi tjítí ngindyi̱ko̱n ndítsjiee̱ ko̱jo cho̱tsa̱nga̱a̱.

Ni xi akakoo̱ 14:4

Kuí bí xota̱ xi katsꞌéndándíjín yojoo̱ tsi ínchjín kisꞌiee̱, ngatꞌa̱ síndo xo̱ngò boá. Kuí bí xi kijítji̱ngii̱ cho̱tsa̱nga̱a̱ ta̱ nínga kijí. Kuí bí xi ikꞌíchjítjé nga kaꞌnaxiéꞌá ngi̱jii̱n jáxíꞌín xi xikoó tsi ngo ni xi tjón xi kiniꞌánkꞌasꞌiee̱n Néná ko̱jo cho̱tsa̱nga̱a̱,

Ni xi akakoo̱ 15:3

Kó kisie soó Moisee̱, mosoo̱ Néná, ko̱jo soó cho̱tsa̱nga̱a̱. Bi̱ tsó kui soó: Achichí je ko̱jo fíndikónná ngayeje ni xi kiniꞌínde, jí boá xí Ndi̱a̱ná, kui xi Néná xí tjiín ngaꞌniuú, kixi̱ ko̱jo ja̱koxi̱ boá ndi̱yàa̱, jí boá xí Ree̱ ngayeje xota̱ na̱xi̱ńdá tsjiee̱.

Ni xi akakoo̱ 17:14

Kuii̱ xi skjánjo̱ cho̱tsa̱nga̱a̱, ta̱nga cho̱tsa̱nga̱a̱ sa̱ꞌiín, ngatꞌa̱ kuí boá xi Ndi̱a̱a̱ ngayeje ndi̱a̱ ko̱jo Ree̱ ngayeje re, kó kui xota̱ xi ki̱a̱ nijan síndojo̱, kuí boá xi Néná tsíchji̱a̱a̱ nga xota̱ xi ꞌniátakón.

Ni xi akakoo̱ 19:7

Tsja ngatamaná, nga tsie máná kjo̱a̱tsja, kó ko̱e̱ꞌée̱ kjo̱a̱je, ngatꞌa̱ jè jachó chi̱bo̱a̱a̱ nga ku̱i̱xan ndií cho̱tsa̱nga̱a̱, kó chjo̱ón jè tikónnda:

Ni xi akakoo̱ 19:9

Kó kui ndítsjiee̱ bi̱ katsóna: –Títꞌe ji xo̱jo̱n kui nii̱: Achichíra̱tsjaa̱ kui xi kiꞌmíyaà tsi̱ꞌe̱ nga ko̱e̱je̱ ndiꞌibixaa̱n cho̱tsa̱nga̱a̱. Kó bi̱ katsó ngase: –Én xí ja̱koxi̱i̱ Néná boá xi̱ꞌbi̱.

Ni xi akakoo̱ 21:14

Kó xoó kui na̱xi̱ńdáꞌniuú tiejó ndi̱jo̱ kisꞌijña ngindiee̱, kó ki̱a̱ kisitꞌa jaꞌeén nga tiejó já apostroo̱ cho̱tsa̱nga̱a̱.

Ni xi akakoo̱ 21:27

Kó jmíjín kótsꞌèn nga kꞌo̱sꞌien ni xi ndajín, ti̱nde ka̱májín kꞌo̱sꞌien xota̱ xi ndyi̱tsꞌèn ni xi ta̱nisién ꞌniú chꞌokjiꞌi ko̱jo tsi kjo̱a̱ndiso, ta̱kuítsí xi kꞌo̱sꞌien kui xi kjitꞌa jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjii̱n kui xi tikoón cho̱tsa̱nga̱a̱.

Ni xi akakoo̱ 21:9

Kó kjindibákónna ngo kui xi yito ndítsjie xi ndyi̱yaꞌa chi̱tsen xí tjikítsie má kjo̱a̱ni̱ma̱ xi fetꞌaa̱, kó bi̱ katsóna: –Ja̱bíꞌi̱n, kokòo̱ chjo̱on xí ku̱i̱xanjo̱ cho̱tsa̱nga̱a̱.

Ni xi akakoo̱ 5:6

Kósꞌe̱, ngamasiee̱n nínga tikón xi botixómaá, ko̱jo nga nijón kui xi síndoo̱, ko̱jo ngamasiee̱n xota̱ xi xchaá, kamábe an ngo cho̱tsa̱nga̱ xi sikónkixi̱, xikoó tsi je kiniꞌánkꞌién, kó yito ndi̱ja̱, ko̱jo yito ndyi̱ko̱n kisꞌiee̱, kó kuí boá xi nga yito A̱si̱énni̱xtjii̱n Néná xí kanangiya ngayeje tꞌanangii̱.

Ni xi akakoo̱ 5:8

Kó ngije iskjíbé kui chꞌo̱ xo̱jo̱o̱n, nga nijón kui xi síndoo̱, ko̱jo nga kan nijón kui xota̱ xi xchaá, asiéntikoó kje̱n cho̱tsa̱nga̱a̱, kó ngayejee̱ nga ndyi̱yaꞌa ngo arpa̱, kó ndyi̱yaꞌa chi̱tsen xí to̱nsinié xi tjiín nisije̱n xi niꞌánkjién nga niꞌándikón Néná, kó kuí boá xi bokó nga xota̱ na̱xi̱ńdá tsjiee̱ Néná, ndyi̱chji̱a̱a̱ Néná.

Ni xi akakoo̱ 6:1

Kó kamábe an cho̱tsa̱nga̱a̱ nga iskjíndiyá seyo̱ xi tjoón nga yito kui seyoo̱, kó tsintꞌie an nga ngo kui xi síndoo̱, kui xi xikó maá cho̱ꞌo̱n nda̱a̱, nga bi̱ katsó: –¡Ja̱bíꞌi̱n!

Ni xi akakoo̱ 6:16

kó bi̱ katsoó na̱xi̱i̱ ko̱jo ndi̱jo̱o̱: Ti̱chíjminiéjne̱ yojojnú, kó tꞌíjñaꞌmajne̱ tsi̱ꞌe̱ nga sku̱i̱e̱jínjne̱ kui xi botixómaá, ko̱jo nga xcha̱jínjne̱ ji̱n kjo̱a̱xcha̱án cho̱tsa̱nga̱a̱,

Ni xi akakoo̱ 7:14

–Jí xí yé ji, Ndi̱a̱. Kixiáa̱n. Kó bi̱ katsóna kui: –Kuí bí xota̱ xi je jaꞌajin nga kamá kui kjo̱a̱ni̱ma̱a̱, kó kui jè anié ńjñoo̱, kó jiín cho̱tsa̱nga̱a̱ katsꞌéntiboani.

Ni xi akakoo̱ 7:17

ngatꞌa̱ kui cho̱tsa̱nga̱ kui xi botixómaá, kuí boá xi nda̱ xi koo̱n cho̱tsa̱nga̱a̱ ka̱ma, kó kuí boá xi kjo̱jo nínga tjitjó ndáfoaa̱ kjo̱a̱mindyioo̱n, kó Néná sa̱ꞌínxíjón ngayeje ndándyíkon xi kjo̱tjoo̱ ndyi̱ko̱n.