Juaa̱ 1:18 - Xo̱jo̱n eén Néná

¹⁸ Kji̱e̱ ngo xi be kókjiꞌi Néná, kó kui ndí ngototoo̱ xi tikón nínga tikón Néná xí Na̱ꞌmii̱, kuí boá xi akó ngatꞌaa̱ Néná.

Juaa̱ 1:18 ပူးပေါင်းရင်းမြစ်များ

Jenesii̱s 16:13

Ngije Néná tsíchji̱a̱jo na̱ Angaa̱r, kui naa̱ bi̱ tsꞌén ítꞌajaꞌén: «Jí boá kui Néná xí ngayeje nii̱ xi be». Ngatꞌa̱ bi̱ katsó: «Jè kamábe an kui Néná xi je kamábena an nga».

Jenesii̱s 18:33

Ngije Néná tsíchji̱a̱jo Abraa̱n xín kijí, kó Abraa̱n kijí nínga tikón ndiꞌa xi tji̱xi̱ín cho̱ kiniꞌándanii̱.

Éksondo̱ 23:21

Ndaꞌyáꞌénjnúu̱ ngatsjéni̱xtjin, ngatꞌa̱ án boá xi katsjáa̱ xá tsi̱ꞌe̱ nga kui xi kꞌuijñá ngajona, kuí boá xi sa̱ꞌínjéjnú tsi ko̱nda̱ꞌyáꞌénjínjnúu̱.

Éksondo̱ 24:10

Kó ki̱a̱a̱ ngayeje kui xota̱ Israee̱l kamábe Néná, kó iskjiniejo̱ nichinie, kó katsꞌejo̱ ni ꞌyó, ta̱nga Néná jmí ni katsꞌénjo̱jín. Ngindie se Néná kisꞌijña ngo ni xi achichí ꞌna̱ kamá xikó maá nkꞌajmii̱, ¡ngaskande bo̱a̱ má kisꞌie xikoó ngo tꞌanangi xi ndi̱jo̱ aso xi chi̱tsen kamándani!

Énkjínkón 8:30

ki̱a̱ tikóntꞌáa̱ kui, nga ndyi̱ꞌbíndondajne̱ ngayeje nii̱. Ndyiojón ndyiojón achichí tsjá kamána nga ki̱a̱ kisꞌijña an ngindyi̱ko̱n kui.

Kjo̱a̱chaꞌaá 2:12

Ni̱ma̱ xò kuí jákjíndií nga bi̱ katsoó na̱aa̱n: Ñá tikón paa̱n ko̱jo binoo̱ ꞌne̱. Kó ngi̱ya ndi̱yàtieé kui na̱xi̱ńdáꞌniuú kjibixó xikoó xi oo̱n, kó nga̱són tjiaa̱ na̱aa̱n kjifesón kjin.

Matioo̱ 11:27

Ngayeje nii̱ Na̱ꞌmina boá xí katsꞌénkꞌasꞌienna, kó ta̱ꞌyajín xi be ndií, ta̱kuítsí Na̱ꞌmii̱, kó ta̱ꞌyajín xi be Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Rkaa̱ 10:22

Ngayeje nii̱ Na̱ꞌmina xí katsꞌénkꞌasꞌienna, kó ta̱ꞌyajín xi be ꞌyání xi ndií, ta̱kuítsí Na̱ꞌmii̱, kó ta̱ꞌyajín xi be ꞌyání xi Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Juaa̱ 1:14

Kó kuí Eén xi yojo kamá, kó kꞌi̱e̱ kisꞌijñajinná, kó kamáyà kjo̱a̱jee̱, kjo̱a̱jee̱ nga Ndí ngototoo̱ Na̱ꞌmii̱, xi kisꞌikitsiee̱ kjo̱a̱nda ko̱jo ja̱koxi̱.

Juaa̱ 12:41

Kui nii̱ xi katsó Isayaa̱ ngatꞌa̱ kamábe kjo̱a̱jee̱ Kjisoo̱, kó tsíchji̱a̱ kjo̱a̱a̱ kui.

Juaa̱ 13:23

Kó ngo nda̱ xi xota̱ tsi̱ꞌe̱, kui xi tjó kamaá Kjisoo̱, ki̱a̱ tiña tikóntꞌaa̱, tꞌa yámíxa̱a̱.

Juaa̱ 14:9

Sꞌe̱ Kjisoo̱, bi̱ katsó: –Achichí kjín ni̱xtjin je kisꞌijñajinjnúꞌun, kó a kji̱e̱ yejínní Ngiripe̱. Xi je kamábena, ti̱ jè kamábe Na̱ꞌmina nga, kó kótsꞌèn bi̱ se ji: Takejne̱ Na̱ꞌmii̱.

Juaa̱ 17:26

kó án jè akòo̱ ꞌyání jí, kó ta̱kó koko ngasee̱, tsi̱ꞌe̱ nga kjo̱a̱tjó xi katseꞌéní kꞌuieé kui xotaa̱, kó án kotíjña̱jìi̱n kui xotaa̱.

Juaa̱ 17:6

Jè akòo̱ xotaa̱ ꞌyání jí, kui xota̱ xi katseꞌéní xí tjín nga̱sondiee̱, tse̱ kamá, kó an katseꞌéní, kó jè ndyi̱tsꞌènkjátjosón ée̱n.

Juaa̱ 3:11

Ja̱koxi̱, ja̱koxi̱ ni xi xiáa̱n ji, nga ni xi yàjne̱ ndokjo̱a̱jne̱, kó ni xi kamáyàjne̱, kuí ni xi ꞌmíyajne̱, ta̱nga sꞌijinjín májnú ni xi ndyi̱ndokjo̱a̱jne̱.

Juaa̱ 6:46

Kji̱e̱ ngo xota̱ xi be kókjiꞌi Na̱ꞌmii̱, ta̱kuítsí xi katsangiya Néná xí be kókjiꞌi Na̱ꞌmii̱.

2 Xota̱ Korinto̱ 4:4

Ngatꞌa̱ nee̱ kui nga̱sondiee̱ katsꞌénjñoó kjo̱a̱kjíntakoón kui xota̱ xi sꞌijinjiín, tsi̱ꞌe̱ nga sku̱i̱e̱ cha̱n cha̱njín, kjo̱a̱tsijee̱n ndiꞌí ꞌna̱a̱ éntjatsi̱e̱ xi tsꞌéntsáyà kjo̱a̱jee̱ Kristoo̱, kó kuíni nga, nga ya ñá Kristoo̱, makjínná kókjiꞌi kjo̱a̱jee̱ Néná.

Ndeuteronomio̱ 4:12

kó ndeskande ngi̱jii̱n kui ndiꞌií Néná tsíchji̱a̱jojnú. Kó jún jmí tsi ngo a̱si̱én xí kamáyàjnú, ta̱ nda̱a̱ Néná tsí xi kandaꞌyájnú.

Xota̱ Kolosa̱ 1:15

Kjiꞌanga ndyi̱yà kókón Kristoo̱, ja̱ Néná xi májín yaa̱ xí ndyi̱yà kókón. Kristoo̱ boá xi ndií Néná xi tjón tikón ngindiee̱ nga kiniꞌánda ngayeje ni xi kiniꞌándaa̱.

1 Timoo̱ 1:17

Kó kui Néná xi nda̱ Re xi kꞌuijñá ngatsjéni̱xtjii̱n, kui xi ko̱yàjín, kui xi yàjín a̱sie̱én, kui xi ta̱ ngo tsí má, kui ngateꞌeé kjo̱a̱yandikón, ko̱jo kjo̱a̱je ngatsjéni̱xtjin. Bo̱a̱ kjiꞌi.

1 Timoo̱ 6:16

Ta̱ kuí tsi xi ꞌméjín, kó ki̱a̱ tikónjin ngo ndiꞌí ꞌna̱ nínga ngojín xota̱ xi ma fochó tiña, kui xi kji̱e̱ ngo xota̱ xi be, ti̱nde májín be, kui tsi̱ꞌe̱ ngatama ngayeje kjo̱a̱yandikón ko̱jo ngaꞌniú, ta̱ kjiꞌání. Bo̱a̱ kjiꞌi.

1 Xo̱jo̱o̱n Juaa̱ 4:12

Kji̱e̱ ngo xi je kamábe kókjiꞌi Néná, ta̱nga tsi ja̱kꞌi̱e̱ ja̱ngaján tjóná xingi̱, kjiꞌá boá nga Néná tikónjinná, kó kjo̱a̱tjoó kjimando̱jo kjin kjin ngi̱jinná.

1 Xo̱jo̱o̱n Juaa̱ 4:20

Tsi tjín xí: “Tjóna Néná” ka̱tso̱, kó tsi chꞌoo̱ xota̱ xi ngasee̱, xota̱ ndiso boá. Ngatꞌa̱ tsi tjójínná xota̱ xi ngasee̱ xi ya kókjiꞌi kje̱n, ja̱ kótsꞌèn ka̱ma tjóná Néná nga yàjín ñá kje̱n kui.

1 Xo̱jo̱o̱n Juaa̱ 4:9

Kuí nii̱ xi akó nga Néná tjoó ñá, nga katsangiya ndí ngototoo̱ kui nga̱sondiee̱, tsi̱ꞌe̱ nga ngatꞌaa̱ kui ndií nga kꞌuiéná kjo̱a̱mindyion.

1 Xo̱jo̱o̱n Juaa̱ 5:20

Ta̱nga ti̱ jè ya nga ndií Néná jè jeꞌe, kó katsjáná kjo̱a̱kjíntakón tsi̱ꞌe̱ nga xcha̱ kui Néná xí ja̱koxi̱i̱, kó jè tindyionjo̱ kui xi ja̱koxi̱i̱, ndií Néná xi ꞌmí Jesukristoo̱. Kuí bí xi̱ꞌbi̱ xi Néná xí ja̱koxi̱i̱, ko̱jo xi tsjá kjo̱a̱mindyion ngatsjéni̱xtjii̱n.