Juaa̱ 1:17 - Xo̱jo̱n eén Néná

¹⁷ ngatꞌa̱ kjo̱a̱kitii̱ Néná ngatꞌaa̱ Moisee̱ nga katseꞌeé xotaa̱, ta̱nga ngatꞌaa̱ Jesukristoo̱ nga jeꞌe kjo̱a̱ndaa̱ ko̱jo ja̱koxi̱i̱.

Juaa̱ 1:17 ပူးပေါင်းရင်းမြစ်များ

Jenesii̱s 3:15

»Kó án xí sa̱ꞌin an nga ji ko̱jo naa̱ kondra̱ ka̱manijnú xingi̱jnú, ko̱jo kondra̱ ka̱manii̱ xkjín tji̱e̱ tse̱ ko̱jo xota̱ tji̱e̱ tsi̱ꞌe̱ naa̱, kó ngo kui xota̱ tji̱e̱e̱ xi sa̱ꞌínꞌoón taki ji, kó ji si̱ꞌinꞌíi̱n tji̱ngi̱ se».

Xo̱jo̱n Salmoo̱ 85:10

Kjo̱a̱ni̱ma̱takoón ko̱jo ni xi ja̱koxi̱i̱, xikoó tsi kasakoo̱ xkjín, kó kjo̱a̱kixi̱i̱ ko̱jo kjo̱a̱xioó, ndse̱je̱n kamá, xikoó tsi atíndsoꞌá xkjín.

Xo̱jo̱n Salmoo̱ 98:3

Néná jaꞌátsjiee̱n kjo̱a̱ni̱ma̱takoón ko̱jo kjo̱a̱ꞌniátakoón kjo̱a̱a̱ xota̱ na̱xi̱ńdá Israee̱l. ¡Ngaskande ngi̱ndie nínga ꞌniú kjin xi tjín tꞌanangii̱ xi je kamábe nga Néná boá xi ꞌboxiéꞌáná!

Juaa̱ 1:14

Kó kuí Eén xi yojo kamá, kó kꞌi̱e̱ kisꞌijñajinná, kó kamáyà kjo̱a̱jee̱, kjo̱a̱jee̱ nga Ndí ngototoo̱ Na̱ꞌmii̱, xi kisꞌikitsiee̱ kjo̱a̱nda ko̱jo ja̱koxi̱.

Juaa̱ 14:6

Sꞌe̱ Kjisoo̱, bi̱ katsó: –Án boá xi ndi̱ya̱à, ko̱jo xi ja̱koxi̱i̱, ko̱jo xi kjo̱a̱mindyioo̱n, ta̱ꞌyajínni xi kjo̱chókoón Na̱ꞌmii̱ tsi ngatꞌaa̱ ánjín.

Juaa̱ 18:37

Sꞌe̱ bi̱ katsó nginí Pilatoo̱: –Áa̱n, ja̱ re jí tsobo̱a̱. Sꞌe̱ Kjisoo̱, bi̱ katsó: –Jí xí bo̱a̱ tꞌísé nga re an. Ja̱ kuí xá katsen an, kó ja̱ kuíni nga jéꞌe̱ an kui nga̱sondiee̱, tsi̱ꞌe̱ nga xiyà an ngayeje ni xi ja̱koxi̱i̱. Ngayeje xota̱ xi chji̱a̱ni ni xi ja̱koxi̱i̱, ntꞌié nda̱na.

Juaa̱ 5:45

Ngata̱ niꞌánkjójínjnú nga an xi kongítaꞌínjnúꞌun ngindyi̱ko̱n Na̱ꞌmina, kjo̱a̱kiti xi katsꞌénda Moisee̱ boá xi ko̱óngítaꞌínjnú, kuí xí ndyi̱chiyákjo̱a̱jnú.

Juaa̱ 7:19

A mí tsi Moisee̱ katsjájnú kjo̱a̱kitii̱. Ta̱nga nde ngojín jún xi niꞌánkjatjosónjnú. Ja̱, kó míkjo̱a̱a̱ nga mejénjnú si̱ꞌankꞌiénjnúꞌun.

Juaa̱ 8:32

kó xcha̱jnú ni xi ja̱koxi̱i̱, kó ni xi ja̱koxi̱i̱ xí sa̱ꞌíndéjnú.

Juaa̱ 9:29

Jè yàjne̱ ji̱n nga Néná tsíchji̱a̱jo Moisee̱, ta̱nga kjo̱a̱a̱ kuii̱ yàjínjne̱ ñá kjindibáni.

Ni xi kamá 28:23

Kó ngije ngo ni̱xtjin ikꞌíjñaá, achichí xota̱ jachókoón Pabloo̱, kui xi katsóyaà kjo̱a̱a̱ xikótsꞌèn ko̱tíxoma Néná ndeskande nga ta̱jño̱ó ngaskande nga kamángixoón, kamámejeén Pabloo̱ nga sa̱ꞌínꞌindakon kui xotaa̱ kjo̱a̱a̱ Kjisoo̱, nga katsꞌénkjién xo̱jo̱n kjo̱a̱kitii̱ Moisee̱, ko̱jo xo̱jo̱n xi katsꞌénꞌindó já chji̱ni̱e̱ꞌe̱én Néná.

Ni xi kamá 7:38

Kó kuí bí Moisee̱ xi kamátikójo̱ xotaa̱ ko̱jo xota̱ tji̱e̱ xcháná ki̱a̱ nangi kixií, kó katsóyaà én xí katsó ndítsjiee̱ Néná nga tsíchji̱a̱jo ki̱a̱ ngi̱jii̱n tji̱ngi̱ Sinaii̱. Kó kui én xí tsja̱aná, eén kjo̱a̱mindyioo̱n boá.

Xota̱ Roma̱ 6:14

Ngatꞌa̱ jeé jè ngiti̱ kuijín xi botixómájnú, ngatꞌa̱ jmí tsi ngi̱yaa̱ kjo̱a̱kitii̱ tindyiónjnú, ta̱sá ngi̱yaa̱ kjo̱a̱ndaa̱ Néná tindyiónjnú.

2 Xota̱ Korinto̱ 1:20

Ngatꞌa̱ ngayeje ni xi katsóyàtjón Néná nga sa̱ꞌín kuí, fotjosón ngatꞌaa̱ Kristoo̱, kó kuíni nga “bo̱a̱ kjiꞌi” ꞌmí ñá nga boeꞌée̱ kjo̱a̱je Néná.

Xota̱ Ngalasia̱ 3:17

Ni xi mejénna xian an, kuí nii̱: Ni xi Néná índajo̱ nga atíxomaa̱ nga sa̱ꞌín Abraa̱n ka̱májiín sa̱ꞌínkjié ngo kjo̱a̱kiti xi jeꞌe nijón úchán ko̱jo kantié nó jaskan, sꞌe̱ ngiti̱ ka̱machjíjiín ni xi Néná jè katsóyàtjón nga tsja̱á Abraa̱n.

Ndeuteronomio̱ 33:4

»An, Moisee̱ katsjajnúꞌun kjo̱a̱kitii̱ Néná, kó kuí boá kui nii̱ xi ꞌniú chjí ngasenii̱ májnú jún.

Ndeuteronomio̱ 4:44

Kjiꞌanga Moisee̱ ko̱jo xota̱ Israee̱l jatjoni nangi Ejipto̱, jachó ki̱a̱ nangi són xi tikón kje̱n na̱xi̱ Bee̱t-Peoo̱r, xtji̱e̱e̱n nínga fotjo tsꞌueé ki̱a̱ ndejèꞌ Jorndaa̱n. Kui tꞌanangii̱ tsi̱ꞌe̱ xota̱ Amoo̱r mára kamá. Sijoo̱n boá xi kamá nda̱ ree̱ nangi Esboo̱n, kó Oo̱j boá xi kamá nda̱ ree̱ nangi Basaa̱n. Ta̱nga Moisee̱ ko̱jo xota̱ Israee̱l katsꞌeén nga askjanjo̱ nga jó kui já ree̱.

Ndeuteronomio̱ 5:1

Moisee̱ ítikó ngayeje xota̱ na̱xi̱ńdá Israee̱l, kó bi̱ katsoó: «Jún xota̱ Israee̱l tasiénijónjnúꞌun ngotjón, ngatꞌa̱ kꞌi̱e̱ tsjajnúꞌun kjo̱a̱kiti ko̱jo kjo̱a̱botíxoma xi chjiéngá nda ka̱majnú ko̱jo xi chjiéngá si̱ꞌankjatjosónjnú xikó tsó.

Xota̱ Ebreo̱ 9:22

Kjo̱a̱kitii̱ tsó nga tsi̱ꞌe̱ nga ka̱matsjie mején ngayeje nii̱ ngindyi̱ko̱n Néná, jiín xí bo̱a̱ tsꞌén. Kuíni nga chjiéngá jín xtjónní tsi̱ꞌe̱ nga ka̱majetakón jeé.