Juaa̱ 1:16 - Xo̱jo̱n eén Néná

¹⁶ Ngatꞌa̱ kjo̱a̱nda tsiee̱ Néná jatjoni ngayeje ni xi katsjáná. Katsjáná ngo kjo̱a̱nda sꞌe̱ katsjá nginíná ingo kjo̱a̱ndaa̱,

Juaa̱ 1:16 ပူးပေါင်းရင်းမြစ်များ

Xo̱jo̱n Salmoo̱ 84:7

Tji̱e̱nga ndyi̱fí, tsie ngase ngaꞌniú kꞌuieé, kó sku̱i̱e̱ Néná nga kjo̱chó na̱xi̱ńdáꞌniú Sioo̱n.

Matioo̱ 13:12

Ngatꞌa̱ ta̱ꞌyaní xi ntꞌié ni xi bokoyá an, tsie ngase ko̱e̱ꞌeé nga ka̱makjiín, kó ꞌniú ka̱makjiín, ta̱nga xi ntꞌiéjín, chja̱ꞌáxiín ngaskande ni xi chií makjiín.

Matioo̱ 3:11

An, nga ja̱koxi̱, ndáfoa xí botindá án tsi̱ꞌe̱ nga si̱ꞌankꞌoyájnú yojojnú kjo̱a̱a̱ xikótsꞌèn tindyiónjnú, ta̱nga xi jaskan an ndibá, tjín ngasee̱ ngaꞌniú, kó nde tsoboájínna nga an kjuínjòo̱ tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xí ko̱tíndánijnú.

Matioo̱ 3:14

Ta̱nga Juaa̱ kamámejénjiín, kó bi̱ katsoó: –Jí xí ko̱ti̱ndéní katsaki, kó a ta̱sá jí kjoéꞌe̱chinní.

Rkaa̱ 21:15

ngatꞌa̱ ti̱ ánní xi tsja an én ko̱jo kjo̱a̱kjínkón, kó kui eén nde ngojín kondra̱jnú xi sa̱ꞌiín.

Juaa̱ 3:34

Ngatꞌa̱ kui xi katsangiya Néná, eén Néná xí chji̱a̱, ngatꞌa̱ Néná tsjaá ngayeje ngaꞌniuú.

Xota̱ Roma̱ 5:17

Ngatꞌa̱ tsi ta̱ ngo tsí xi katsꞌénjé, kó kuíni nga kjo̱a̱bo̱yaa̱ atíxoma, kjín ngase xota̱ xi kꞌuieé kjo̱a̱mindyion ta̱ngatꞌanii̱ ta̱ ngo tsí nda̱, kui xi Jesukristoo̱. Kuí xotaa̱ xi sa̱ko̱ó ꞌniú tsie kjo̱a̱nda, ko̱jo nga kixi̱ kꞌuíndo ngindyi̱ko̱n Néná.

Xota̱ Roma̱ 5:2

Ta̱ngatꞌanii̱ nga sꞌijinná Jesukristoo̱, kuíni nga ndyi̱bitjasꞌi̱e̱njin kuí kjo̱a̱nda xi̱ꞌbi̱, ꞌniú ku̱i̱ndyión kó tsja ngatamaná kjo̱a̱a̱ kjo̱a̱jee̱ Néná xi ndyi̱chiyáa̱ nga sa̱kóná.

Xota̱ Roma̱ 5:20

Ta̱nga kjo̱a̱kitii̱ jeꞌe tsi̱ꞌe̱ nga jeé ka̱makjín ngase, ta̱nga ngije kamákjín jeé, ti̱ kamátsié ngase kjo̱a̱ndaa̱ Néná.

Xota̱ Roma̱ 8:9

Ta̱nga jún je ngiti̱ bo̱a̱jín tsꞌén tindyiónjnú xikoó xotaa̱ kui nga̱sondiee̱, tindyiónjnú xikoó ni xi tsi̱ꞌe̱ A̱si̱énni̱xtjii̱n, ngatꞌa̱ A̱si̱énni̱xtjii̱n Néná tikónjinjnú. Ta̱nga tsi tjín xota̱ xi jmíjiín A̱si̱énni̱xtjii̱n Kristoo̱, Kristoo̱jín chji̱a̱ni.

Xota̱ Éfeso̱ 1:23

ngatꞌa̱ xota̱ na̱ngo̱xi̱i̱ kuí boá xi yojoo̱ Kristoo̱, kui Kristo̱ xi tsꞌén nga ka̱mando̱jo ta̱jmì niní. Tsi jmíjín xota̱ na̱ngo̱xi̱i̱ nde tikón ndo̱jòjínra̱ Kristoo̱.

Xota̱ Éfeso̱ 3:19

Kó míꞌáa̱ Néná tsi̱ꞌe̱ nga xcha̱jnú kui kjo̱a̱tjoó Kristoo̱ xi foaꞌatjoón ngayeje kjo̱a̱kjíntakón, tsi̱ꞌe̱ nga Néná sꞌi̱jñajin ndo̱jò ndójo̱jnú.

Xota̱ Kolosa̱ 1:19

Ngatꞌa̱ tsja kamaá Na̱ꞌmii̱, nga íjñajii̱n Jesukristoo̱ xi kókón kuí.

Xota̱ Kolosa̱ 2:3

Kuíni nga kjiꞌanga xcha̱ Kristoo̱ sa̱kóná ngayeje kjo̱a̱kjínkón, ko̱jo kjo̱a̱kjíntakón xi ꞌniú chjínií.

1 Xo̱jo̱o̱n Peé 1:11

Kamámejeén kamábe ꞌyá xota̱ ko̱jo mí ni̱xtjin xi íjñá tsijen A̱si̱énni̱xtjii̱n Kristoo̱ xi tikónjii̱n kui já chji̱ni̱e̱ꞌe̱én, kui A̱si̱énni̱xtjii̱n xi katsóyà nga tsie kjo̱a̱ni̱ma̱ kjo̱a̱ꞌatio Kristoo̱, ko̱jo kui kjo̱a̱je xi jaskan kji̱ndi̱baá.

1 Xo̱jo̱o̱n Peé 1:2

Xikó tsꞌén índa Néná xí na̱ꞌminá nga kamámejeén jaꞌájinjnú jún, tsi̱ꞌe̱ nga xota̱ na̱xi̱ńdá xí tsi̱ꞌe̱ ka̱majnú. Kó nga ngatꞌaa̱ A̱si̱énni̱xtjii̱n, ko̱jo ngatꞌaa̱ nga kꞌien Jesukristoo̱ nga katsꞌéntsjiejónjnú ngayeje jéjnú, tsi̱ꞌe̱ nga ko̱nda̱ꞌyáꞌénjnú. Ngatama tsie kjo̱a̱nda ko̱jo kjo̱a̱xió xi tsja̱ajnú Néná.