Juaa̱ 1:14 - Xo̱jo̱n eén Néná

¹⁴ Kó kuí Eén xi yojo kamá, kó kꞌi̱e̱ kisꞌijñajinná, kó kamáyà kjo̱a̱jee̱, kjo̱a̱jee̱ nga Ndí ngototoo̱ Na̱ꞌmii̱, xi kisꞌikitsiee̱ kjo̱a̱nda ko̱jo ja̱koxi̱.

Juaa̱ 1:14 ပူးပေါင်းရင်းမြစ်များ

Xo̱jo̱n Salmoo̱ 2:7

Án boá xi xiyà an kjo̱a̱botíxoma xi Néná katsóyàna, nga bi̱ katsóna: «Jí boá xi ndína ma ji, ndeskande koó ngotꞌe̱ ꞌne̱ nga na̱ꞌmíi̱ ma an.

Xo̱jo̱n Salmoo̱ 45:2

Jí boá ngo nda̱ xi ꞌniú tsjákjiꞌi ngase ngi̱jii̱n ndií xota̱ nga̱sondiee̱, achichí kjo̱a̱nda tjiín én xí ndokjo̱e̱ ji. Ngatsjéni̱xtjin nga tjítsꞌénchíkonñeé Néná.

Xo̱jo̱n Salmoo̱ 85:9

Jè tikón tiña kjo̱a̱ꞌnaxiéꞌaá xota̱ xi bendikón Néná, tsi̱ꞌe̱ nga kjo̱a̱jee̱ Néná kꞌuijñá tꞌananginá.

Matioo̱ 1:16

kó Jako̱b na̱ꞌmii̱ Kosiee̱, xi̱ꞌii̱n na̱ Riyaa̱, na̱aa̱n Kristoo̱.

Rkaa̱ 2:11

Nga ngotꞌe̱ ꞌne̱ je katsen na̱xi̱ńdáꞌniuú Ndabii̱ ngo xi kꞌo̱xiéꞌájnú, kui xi KRISTOO̱, xi Ndi̱a̱jnú.

Rkaa̱ 2:7

Kó ki̱a̱ katsen ndí xíꞌín xi tjoón, sꞌe̱ ítsakjájón ndí ńjño, kó ngi̱ya kojo̱ nínga kjiényá cho̱o̱ ki̱a̱ yíjñaya, ngatꞌa̱ ngiti̱ jmí ngi̱ndie nínga tsjayojo kasakojiín kui ndiꞌaa̱.

Rkaa̱ 9:32

Ta̱nga Peé ko̱jo já xí nijan tjimájo̱, achichí je ńjñaá ta̱nga kisꞌiyojoféjín, kó kamábe kjo̱a̱jee̱ Kjisoo̱, ko̱jo nga jó já xí nijan tikónjo̱.

Juaa̱ 1:1

Nga ítsꞌi̱yanii̱ nii̱, ja̱bo̱a̱ jè tikón Eén, kó kui Eén, Néná tikónjo̱, kó kuí xí Néná.

Juaa̱ 11:40

Sꞌe̱ Kjisoo̱, bi̱ katsó: –A jejín bo̱a̱ kixiaan nga tsi sꞌijii̱n, xchi̱e̱ ji ngayeje kjo̱a̱jee̱ Néná.

Juaa̱ 14:6

Sꞌe̱ Kjisoo̱, bi̱ katsó: –Án boá xi ndi̱ya̱à, ko̱jo xi ja̱koxi̱i̱, ko̱jo xi kjo̱a̱mindyioo̱n, ta̱ꞌyajínni xi kjo̱chókoón Na̱ꞌmii̱ tsi ngatꞌaa̱ ánjín.

Juaa̱ 14:9

Sꞌe̱ Kjisoo̱, bi̱ katsó: –Achichí kjín ni̱xtjin je kisꞌijñajinjnúꞌun, kó a kji̱e̱ yejínní Ngiripe̱. Xi je kamábena, ti̱ jè kamábe Na̱ꞌmina nga, kó kótsꞌèn bi̱ se ji: Takejne̱ Na̱ꞌmii̱.

Juaa̱ 17:22

Kó kui kjo̱a̱je xi katseꞌéní, jè katsjáa̱ kui xotaa̱, tsi̱ꞌe̱ nga ka̱ma ngo xikoó ñá nga ngo má,

Juaa̱ 17:24

Na̱ꞌmi, kui xota̱ xi je katseꞌéní, mejénna nga nínga tikòn an, nga ti̱ ki̱a̱ kꞌuíndojo̱na nga, tsi̱ꞌe̱ nga sku̱i̱e̱ ngayeje kjo̱a̱je xi katseꞌéní, ngatꞌa̱ kiniꞌíntjéní ndeskande koó nga ítjatsꞌennii̱ kui nga̱sondiee̱.

Juaa̱ 18:37

Sꞌe̱ bi̱ katsó nginí Pilatoo̱: –Áa̱n, ja̱ re jí tsobo̱a̱. Sꞌe̱ Kjisoo̱, bi̱ katsó: –Jí xí bo̱a̱ tꞌísé nga re an. Ja̱ kuí xá katsen an, kó ja̱ kuíni nga jéꞌe̱ an kui nga̱sondiee̱, tsi̱ꞌe̱ nga xiyà an ngayeje ni xi ja̱koxi̱i̱. Ngayeje xota̱ xi chji̱a̱ni ni xi ja̱koxi̱i̱, ntꞌié nda̱na.

Juaa̱ 2:11

Kuí bí xi̱ꞌbi̱ chi̱bo̱a̱ ndikón xi tjón katsꞌén Kjisoo̱ na̱xi̱ńdá Kanaa̱, ngi̱ndie xi tikónjii̱n nangi Ngalilea̱. Kó bo̱a̱ tsꞌén akó kjo̱a̱jee̱, kó xota̱ tsi̱ꞌe̱ Kjisoo̱ kisꞌijii̱n.

Juaa̱ 3:16

Ngatꞌa̱ Néná achichí tjó kamaá xotaa̱ kui nga̱sondiee̱, nga katsjá ndí ngototoo̱, tsi̱ꞌe̱ nga ngayeje xi sꞌijii̱n kui, xcha̱jàjín, kó ta̱sá ngatꞌieé kjo̱a̱mindyion ngatsjéni̱xtjii̱n.

Juaa̱ 3:18

Xi sꞌi̱jii̱n kui, ka̱majéjiín, ta̱nga xi sꞌi̱jinjiín kui, jè tji̱e̱e̱n jé, ngatꞌa̱ kisꞌijinjiín jaꞌeén ndí ngototoo̱ Néná.

Juaa̱ 6:51

Án boá kui pan xi tikón xi jatjajenni ndiꞌakꞌajmi jàn, tsi tjín xí skji̱ni̱e̱ kui paa̱n, kꞌuijñá ngatsjéni̱xtjin, kó kui pan xi tsjàa̱ yojona boá, kui xi tsja an kjo̱a̱nda tsi̱ꞌe̱ kjo̱a̱mindyioo̱n kui nga̱sondiee̱.

Juaa̱ 8:32

kó xcha̱jnú ni xi ja̱koxi̱i̱, kó ni xi ja̱koxi̱i̱ xí sa̱ꞌíndéjnú.

Ni xi kamá 13:33

kui xi Néná je katsꞌénkjatjosoón ndií kui xotaa̱, ko̱jo ñá, nga katsꞌénkjaꞌáꞌyaá Kjisoo̱, xikótsꞌèn kjitꞌa xo̱jo̱n eén Néná ki̱a̱ Salmo̱ xki̱ xi ma jó, nínga bi̱ tsó: “Jí xí ndína ji, kó án xí Na̱ꞌmíi̱ an, ngotꞌe̱.”

Xota̱ Roma̱ 8:3

Ngatꞌa̱ Néná xí kamaá katsꞌén ni xi kamájiín katsꞌén kjo̱a̱kitii̱ Moisee̱, ngatꞌa̱ kjo̱a̱kitii̱ jmí ngaꞌniú kisꞌiejiín nga tsꞌaxiéꞌá xota̱ nga̱sondiee̱ ngatꞌa̱ inda kamá xotaa̱. Ta̱nga Néná katsangiya ndií nga xikoó ñá kamá, kó nga ta̱ngatꞌanii̱ jéná nga kꞌien, kó kui íchjí tsi̱ꞌe̱ nga Néná sa̱ꞌínkjié jeé xota̱ nga̱sondiee̱.

Xota̱ Roma̱ 9:5

Xota̱ Israee̱l kuí xí xota̱ tji̱e̱ xchaá xota̱ xi jaꞌájin Néná, kó ngi̱jii̱n kui xotaa̱ jatjo kui xi katsó Néná nga kjindibáni Kristoo̱ nga jín nga yojo ka̱ma xikoó ñá, kuí boá xi Néná xí botixómaá ngayeje ni xi tjiín. Ngatamachikonñé kui ta̱ kjiꞌání. Bo̱a̱ kjiꞌi.

1 Xota̱ Korinto̱ 15:47

Kui nda̱ xi tjoón ńdie kamándani, kó xota̱ xi chji̱a̱ni kui tꞌanangii̱ kamá, kó nda̱ xi ma joó, kui xi Ndi̱a̱ná, ndiꞌakꞌajmii̱ kjindibáni.

2 Xota̱ Korinto̱ 12:9

ta̱nga ta̱sá bi̱ katsóna: “Kjo̱a̱ndana boá xi machjieén, ngatꞌa̱ ngaꞌniúna ma tsijen kjin kjin ngi̱jii̱n xota̱ xi jmíjiín ngaꞌniú.” Kó kuíni nga je kꞌoxié an yojona, ngatꞌa̱ ngiti̱ jmíjínna ngaꞌniú, tsi̱ꞌe̱ nga bo̱a̱ tsꞌén xcha̱ ngaꞌniuú Kristoo̱ ngi̱jii̱n ni xi tsꞌen an.

Xota̱ Ngalasia̱ 4:4

Ta̱nga nga jatjosón kui ni̱xtjii̱n, Néná katsangiya ndií, xi ngo xota̱chjo̱on katsennii̱, kó kui ndií kjo̱a̱kitii̱ tikónjin ndeskande koó nga katsen,

Xota̱ Éfeso̱ 3:8

An xí achichí chichí ngase an ngi̱jii̱n xota̱ tsjiee̱ Néná, ta̱nga an katseꞌéna kui kjo̱a̱ndaa̱ nga kꞌuini̱jmìi̱ xota̱ xi jundío̱jiín, éntjatsi̱e̱e̱ kjo̱a̱cho̱n tsiee̱ Kristoo̱ xi jmíjín xi makjín yejee̱.

Xota̱ Kolosa̱ 1:19

Ngatꞌa̱ tsja kamaá Na̱ꞌmii̱, nga íjñajii̱n Jesukristoo̱ xi kókón kuí.

Xota̱ Kolosa̱ 2:3

Kuíni nga kjiꞌanga xcha̱ Kristoo̱ sa̱kóná ngayeje kjo̱a̱kjínkón, ko̱jo kjo̱a̱kjíntakón xi ꞌniú chjínií.

Xota̱ Kolosa̱ 2:9

Néná tikónjin ndo̱jò ndójo̱ ngi̱jin yojoo̱ Kristoo̱.

1 Timoo̱ 3:16

Kó tikón tsijen tsijen nga ta̱nisién je ni xi sꞌijinná, ni xi kisꞌijña ꞌma ngasꞌe̱, kó Néná je tsꞌénbokóná ngotꞌe̱, kuí ni xi̱ꞌbi̱: Néná akó yojoo̱ nga xota̱ kamá, A̱si̱énni̱xtjii̱n akó nga kui xi kixi̱, ndítsjiee̱ kamábe. Ikꞌíni̱jmi̱ì xota̱ na̱xi̱ńdá xí tjiín, kiniꞌánsꞌijin kui nga̱sondiee̱, kó kisꞌiee̱ kjo̱a̱je nga kijí ndiꞌakꞌajmii̱.

Xota̱ Ebreo̱ 1:3

Kuí ndií xi tsꞌentsíjen kjo̱a̱jee̱ Néná, kó kuí boá xi bokó xikótsꞌèn tjíjii̱n Néná, kó kuí boá xi tsꞌénkꞌíndo ngayeje ni xi tjiín, ta̱ngatꞌanii̱ ngaꞌniuú én xí chji̱a̱. Ngije katsꞌéntsjiejónná jé xí tjínná ngindyi̱ko̱n Néná, ki̱a̱ kisꞌijña ndiꞌakꞌajmii̱ nga fojnií Néná xi tsꞌénbotixómaá.

Xota̱ Ebreo̱ 1:5

Néná bi̱ katsoó ndií: Jí xí ndína ji, án xí Na̱ꞌmíi̱ an, ngotꞌe̱. Kó kui nii̱ jmí tsi ngo ndítsjie xi bo̱a̱ katsoó. Kó Néná ti̱ bi̱ ti̱ katsó kjo̱a̱a̱ ndií nga: Án xí Na̱ꞌmii̱ kui ka̱ma an, kó kuí xí ndína ka̱ma kui.

Xota̱ Ebreo̱ 10:5

Kuíni nga Kristoo̱ nga jeꞌe kui nga̱sondiee̱, bi̱ katsó: Kamámejénjiín ji kjo̱a̱tjó ko̱jo chji̱e̱, ta̱sá ngo yojo ikꞌíjñinde xi katseꞌéní.

Xota̱ Ebreo̱ 2:11

Ngatꞌa̱ kuí boá xi tsꞌéntsjie xotaa̱ ngindyi̱ko̱n Néná, kó kui xota̱ xi niꞌántsjiee̱, ta̱ ngo tsí má xi na̱ꞌmii̱, kó kuíni nga soboájín maá kui nga ntsꞌie tsójnú,

Xota̱ Ebreo̱ 5:5

Ti̱ bo̱a̱ ti̱ tsꞌén jmí tsi Kristoo̱ xi katsjá soboaá kjo̱a̱je yojoo̱ nga chináꞌmi xi ꞌniú nkꞌa xaá kamá, Néná boá xi katsjaá kui kjo̱a̱ndaa̱ nga bi̱ katsoó: Jí xí ndína ji, án xí Na̱ꞌmíi̱ an, ngotꞌe̱.

1 Xo̱jo̱o̱n Juaa̱ 4:14

Kó ji̱n jè kamáyà ji̱n, kó chistiko̱ ji̱n nga Néná xí Na̱ꞌmii̱ xí katsangiya ndií, tsi̱ꞌe̱ nga kꞌo̱xiéꞌá xota̱ xi tjín kuí nga̱sondiee̱.

1 Xo̱jo̱o̱n Juaa̱ 4:9

Kuí nii̱ xi akó nga Néná tjoó ñá, nga katsangiya ndí ngototoo̱ kui nga̱sondiee̱, tsi̱ꞌe̱ nga ngatꞌaa̱ kui ndií nga kꞌuiéná kjo̱a̱mindyion.

2 Xo̱jo̱o̱n Juaa̱ 1:7

Achichí má xota̱ ndiso xi je jatjokjà kuí nga̱sondiee̱ xi tsꞌenjóꞌojín nga Jesukristoo̱ jeꞌe nga jín nga yojo. Kuí boá kui xotaa̱ xi ndyi̱ꞌboṉcha̱, ko̱jo kuí boá xi kondraa̱ Kristoo̱.

Ni xi akakoo̱ 19:13

kó ngo ńjño tsꞌényajá xi jín katsꞌeni, kó jaꞌeén kuí xí ꞌmí: EÉN NÉNÁ.

Ni xi akakoo̱ 21:3

Kó tsintꞌie an ngo nda̱ xi ꞌniú askjandáyà xi kjindibáni nínga tikón xi botixómaá, xi bi̱ katsó: Kꞌi̱e̱ tikón kui ngi̱ndie ndikón nínga Néná tikónjo̱ xotaa̱, kó kuí ki̱a̱ kꞌuijñájo̱, kó kuí boá xi xota̱ na̱xi̱ńdaá ka̱ma, kó ti̱kuíní Néná xi kꞌuijñájo̱ nga xikoó nga kui xi Nee̱ ka̱ma.