Juaa̱ 1:12 - Xo̱jo̱n eén Néná

¹² Ta̱nga ngayeje xota̱ xi katsꞌénjo̱ꞌo, ko̱jo xi kisꞌijii̱n jaꞌeén, kuí xí katsjaá ngi̱ndie nga ndií Néná kamá.

Juaa̱ 1:12 ပူးပေါင်းရင်းမြစ်များ

Matioo̱ 10:40

Xi sa̱ꞌínkjaꞌajnú ngi̱ya ndiꞌaa̱, án boá xi tjítsꞌénkjáꞌana, kó xi tjítsꞌénkjáꞌana an, ti̱ tjítsꞌénkjáꞌá kui Néná xí katsangiyana.

Matioo̱ 12:21

Kó xota̱ xi jundío̱jín skoyaá ni xi nda ngi̱yaa̱ jaꞌeén.

Matioo̱ 18:5

Ta̱ ꞌyání xi skjíbéní ngajona ngo nda̱chí xikoó xi̱ꞌbi̱, ti̱ tsꞌénkjíbéna án nga.

Juaa̱ 1:11

Ngi̱ndie xi tsi̱ꞌe̱ jachó, kó xota̱ xi tsi̱ꞌe̱ katsꞌénjo̱ꞌojín.

Juaa̱ 1:7

kuí nda̱a̱ xi chistiko̱ kamá, tsi̱ꞌe̱ nga ku̱i̱chji̱a̱jo xotaa̱ kjo̱a̱a̱ kui ndiꞌií, tsi̱ꞌe̱ nga ngayeje xi sꞌi̱jii̱n.

Juaa̱ 11:52

kó jmí tsi ta̱ kjo̱a̱a̱ tsií kui na̱xi̱ńdaá, ko̱yà Kjisoo̱ kjo̱a̱a̱ nga ka̱matikó ngayeje ndií Néná xi tjimásoón.

Juaa̱ 2:23

Tji̱e̱nga kisꞌijña Kjisoo̱ na̱xi̱ńdáꞌniú Jerusale̱n ni̱xtjii̱n sꞌué paskuaa̱, achichí má xota̱ xi kisꞌijii̱n jaꞌeén nga kamábe ngayeje kjo̱a̱ndikón xí katsꞌén,

Juaa̱ 20:31

ta̱nga kui ni xi kjitꞌa kꞌi̱e̱e̱, tsi̱ꞌe̱ nga sꞌi̱jinjnú nga Kjisoo̱ xí Kristoo̱, xi ndií Néná, kó si̱ꞌansꞌijinjnú tsi̱ꞌe̱ nga kꞌuiéjnú kjo̱a̱mindyion ngi̱yaa̱ jaꞌeén kui.

Juaa̱ 3:18

Xi sꞌi̱jii̱n kui, ka̱majéjiín, ta̱nga xi sꞌi̱jinjiín kui, jè tji̱e̱e̱n jé, ngatꞌa̱ kisꞌijinjiín jaꞌeén ndí ngototoo̱ Néná.

Ni xi kamá 3:16

Kó ta̱ngatꞌanii̱ nga sꞌijinjne̱ Kjisoo̱, nga kui nda̱ xi̱ꞌbi̱, kui xi ndyi̱yajnú, ko̱jo xi ja̱bo̱a̱ je yàjnú, kasakongaꞌniuú, kó ta̱ngatꞌanií nga sꞌijii̱n Kjisoo̱, kuíni nga kamándaya cha̱n cha̱n kui nda̱a̱ ngindyikónjnú.

Xota̱ Roma̱ 8:14

Ngatꞌa̱ ngayeje xota̱ xi A̱si̱énni̱xtjii̱n Néná bokoó ndi̱yà xí tjimá, kuí boá xi ndií Néná.

Xota̱ Roma̱ 8:16

Ti̱ kuíní A̱si̱énni̱xtjii̱n Néná xi nijan majo̱ a̱si̱énni̱xtjinná kó kuí boá xi tsáyà kixi̱ nga ñá boá xi ndií Néná.

Xota̱ Roma̱ 8:19

Ngatꞌa̱ ngayeje ni xi katsꞌénda Néná, achichí ni xi kjimaa̱ nga ndyi̱koya nga ko̱kó cha̱n cha̱n Néná nga ñá boá xi ndií.

Xota̱ Ngalasia̱ 3:26

Ngotꞌe̱ ꞌne̱ nga ngayejejnú, nga je ndií Néná jún ngatꞌa̱ sꞌijinjnú Kristo̱ Kjisoo̱.

Xota̱ Ngalasia̱ 4:6

Ngatꞌa̱ nga jè ndií Néná kamá ñá, Néná katsangiya ngi̱jin ini̱ma̱ná A̱si̱énni̱xtjii̱n ndií, kuí xí bi̱ tsó nga chji̱a̱: “¡Abba, Na̱ꞌmi!”

Xota̱ Kolosa̱ 2:6

Kó kuíni nga, ngije kiniꞌánjo̱ꞌojnú Jesukristoo̱ kui xi Ndi̱a̱ná, chjiéngá bo̱a̱ tsꞌén kongintjingíjnúu̱ xikoó xota̱ xi kui chji̱a̱ni.

2 Xo̱jo̱o̱n Peé 1:4

Kó ti̱ katsjáná kjo̱a̱nda xi chjínií ko̱jo xi tsjakon xi katsóyàtjón nga tsja̱aná. Ta̱ngatꞌanii̱ kui nii̱ nga jún ka̱ma ku̱i̱ndyionjnú xi kótsꞌèn tikón Néná, nga je ikiyojnúu̱ ni xi ndajín xi chji̱a̱ni kui nga̱sondiee̱, kui ni xi mejeén ini̱ma̱a̱ kui xotaa̱.

1 Xo̱jo̱o̱n Juaa̱ 3:1

Tsitsíjenjnúu̱ kókjiꞌi tsie kjo̱a̱tjó xi tsꞌéntsjáná Néná xí Na̱ꞌmii̱, nga xotaa̱, ndií Néná tsóná ñá, kó ndií Néná boá ñá. Kuíni nga xotaa̱ kui nga̱sondiee̱ bejínná ñá, ngatꞌa̱ kui bejín Néná.

1 Xo̱jo̱o̱n Juaa̱ 3:10

Bi̱ tsꞌén nga ya ꞌyání bo̱a̱ xi ndií Néná, kó ꞌyání bo̱a̱ xi ndií xindajín ndiabloo̱. Ta̱ꞌya xota̱ní xi tsꞌénkjátjosónjín kjo̱a̱kixi̱i̱ Néná ko̱jo xi tjójiín xota̱ xi ngasee̱, jmí tsi Néná chji̱a̱ni.

1 Xo̱jo̱o̱n Juaa̱ 3:2

Jún ndí ntsꞌie xi tjóna, ngotꞌe̱ ꞌne̱, jè ndií Néná ñá, kó ndatsi kji̱e̱ yàjín ñá mí ni xi ka̱ma ñá jaskan, jè ya ñá nga kjiꞌanga kjo̱e̱ꞌe Jesukristoo̱ xikó maá kui, nga bo̱a̱ kon ka̱ma ñá, ngatꞌa̱ xcha̱ cha̱n cha̱n ñá xikó má kjiꞌi kui.

1 Xo̱jo̱o̱n Juaa̱ 3:23

Nga si̱ꞌansꞌijin Jesukristoo̱, kui xi ndií Néná, ko̱jo nga si̱ꞌantjó ja̱kꞌi̱e̱ ja̱ngaján xingi̱ xikótsꞌèn íjñá Néná nga si̱ꞌán, kuí bí kui nii̱ xi kjo̱a̱botíxomaa̱ Néná.