Joo̱b 42:8 - Xo̱jo̱n eén Néná

⁸ Kuíni ngotꞌe̱ ꞌne̱ tangínjo̱jnú Joo̱b, kó tꞌítíjnú yito cho̱yojo toro̱, ko̱jo yito cho̱tsa̱nga̱ xi jaꞌatji ndi̱ja̱a̱, tsi̱ꞌe̱ nga sa̱ꞌinjetakónjnúꞌun. ꞌNiú ku̱i̱ꞌana Joo̱b nga ku̱i̱chji̱a̱tjéjnú, kó ta̱ngatꞌanii̱ kui nga jmí kjo̱a̱soboá sa̱ꞌínkjaꞌájínjnú, ta̱ngatꞌanii̱ nga kixi̱jín kandokjo̱a̱jnú kjo̱a̱a̱ an, xikó tsꞌén kixi̱ tsíchji̱a̱ Joo̱b».

Joo̱b 42:8 ပူးပေါင်းရင်းမြစ်များ

Jenesii̱s 20:17

Kósꞌe̱ Abraa̱n tsíchji̱a̱a̱ Néná, kósꞌe̱ Néná katsꞌéndaya Abimelee̱k, kó chjo̱ón ko̱jo ínchjín mosoo̱ kamá kisꞌie nginií ndí.

Jenesii̱s 20:7

Ta̱nga ngotꞌe̱ ꞌne̱, te̱ꞌéꞌoyé nginíi̱ chjo̱ón kui ndaa̱, ngatꞌa̱ nda̱ chji̱ni̱e̱ꞌénna boá, kó kuí boá xi ku̱i̱ꞌatjeé jí tsi̱ꞌe̱ nga ku̱i̱ndyinra ji nga̱sondie. Kó tsi bo̱a̱jín si̱ꞌin, ja̱koxi̱ nga ko̱yè jí, ko̱jo ngayeje xota̱ tse̱.

Joo̱b 1:5

Ngije kamá nga ngo nga ngo kui sꞌué xí katsꞌén, Joo̱b katsangiyakjaꞌá ndií, kó tsíꞌaá Néná tsi̱ꞌe̱ nga sa̱ꞌínjetakoón ta̱jmì jéní xi katsꞌén kui jaá. Joo̱b achichí ta̱jñó fostjíe̱n nga tsꞌenkꞌásꞌieén Néná ngo kjo̱a̱tjó nga ítií cho̱ kjo̱a̱a̱ nga ngo nga ngo ndií. Joo̱b katsꞌén kui nii̱ ngatꞌa̱ katsꞌénkjó nga tsi ta̱ katsꞌénjé jaá nga chꞌo katsoó Néná, ko̱jo tsi chꞌo tsꞌén íjin ngi̱jin ini̱ma̱a̱. Kamángá maá Joo̱b nga kui nii̱ katsꞌén ndyiojón ndyiojón.

Joo̱b 1:8

—Kótsꞌèn niꞌínkjé jí kjo̱a̱a̱ Joo̱b, nda̱ xi tsꞌénxátꞌana xi achichí ꞌniáko̱n an. Jmíjín ingo nda̱ ngayeje kui nga̱sondiee̱ xi bo̱a̱ tsꞌén ndaxota̱ ko̱jo xi kixi̱ xikoó Joo̱b. Ngatsjéni̱xtjin nga ntꞌiéꞌénna, kó chiíjín tsꞌén ni xi ndajín.

Joo̱b 22:30

Néná tsꞌéndé xota̱ xi jmí jéjiín, kó tsi jmí jéjiín jí, ti̱ kꞌo̱xiéꞌaá nga».

Joo̱b 35:8

¡Xota̱ xi xikoó jí boá, xi ndajín tsꞌeén ni xi ndajín xi tsꞌén. Kó kje̱ꞌe xota̱ xi xikoó jí boá, xi nda tsꞌeén kjo̱a̱kixi̱ xi niꞌín ji!

Joo̱b 42:9

Kósꞌe̱ Elifaa̱, nda̱ xi chji̱a̱ni nangi Temaa̱n, ko̱jo Bilndaa̱nd, nda̱ xi chji̱a̱ni nangi Súaa̱j, ko̱jo Sofaa̱r, nda̱ xi chji̱a̱ni nangi Naamaa̱t kijí, kó katsꞌénkjatjosón ni katsoó Néná, kó Néná katsꞌénseén Joo̱b nga ꞌniú tsíchji̱a̱a̱.

Xo̱jo̱n Salmoo̱ 103:10

Jmí tsi bo̱a̱ tsꞌén atíjéná xikó tsꞌén tsoboaá jé xí kiniꞌán, ko̱jo ni xi ndajín xi kiniꞌán.

Éksondo̱ 18:12

Kósꞌe̱ Jetroo̱ tji̱e̱nmá katsꞌénkꞌasꞌiee̱n Néná ngo kjo̱a̱tjó xi ndií cho̱tsa̱nga̱, kó ti̱ katsꞌénkꞌasꞌien ngasee̱ kje̱ꞌe kjo̱a̱tjó. Jaskan ngije kamá kui nii̱ Aaroo̱n ko̱jo ngito̱ko̱o̱ xota̱ na̱xi̱ńdá Israee̱l jachókjiniejo̱ ṉño̱ chiꞌyaá Moisee̱ kje̱n ṉchandikoón Néná.

Xki̱ 23:1

Kósꞌe̱ Balaa̱n bi̱ katsoó Balaa̱k: «Ti̱ꞌinde ji kꞌi̱e̱e̱ yito ṉchandikón tsi̱ꞌe̱ nga sa̱ꞌinkꞌasꞌièe̱n ngo kjo̱a̱tjó Néná xi yito cho̱yojo toro̱ ko̱jo yito cho̱tsa̱nga̱ xi jaꞌatji ndi̱ja̱a̱».

Xki̱ 23:14

Kó Balaa̱k kijíjo̱ Balaa̱n ki̱a̱ kꞌijñá xí ꞌmí Sofii̱n, ki̱a̱ nínga ꞌniú nkꞌaá na̱xi̱ Pisgaa̱. Ki̱a̱ katsꞌénda yito ṉchandikón, kó nga ngo nga ngo kui ṉchandikoón katsꞌénkꞌiensón ngo cho̱yojo toro̱ ko̱jo ngo cho̱tsa̱nga̱ xi jaꞌatji ndi̱ja̱a̱.

Xki̱ 23:29

Kó Balaa̱n bi̱ katsoó Balaa̱k: —Ti̱ꞌinde ji yito ṉchandikón tsi̱ꞌe̱ nga si̱ꞌankꞌasꞌiee̱n Néná yito cho̱yojo toro̱ ko̱jo yito cho̱tsa̱nga̱ xi jaꞌatji ndi̱ja̱a̱.

Matioo̱ 3:17

Kó kandaꞌyá ngo nda̱ ndiꞌakꞌajmi jàn xi bi̱ katsó: –Kuí xi̱ꞌbi̱ xi ndí tjóna, ꞌniú tsjátjínna kjo̱a̱a̱ kui.

Xota̱ Éfeso̱ 1:6

Kuíni nga, nganiꞌántsjaá Néná kjo̱a̱a̱ kui kjo̱a̱nda je xi akó xi ta̱ katsjáná, xi kasakojinná ngi̱jii̱n kui ndí xí tjoó kui.

2 Timoo̱ 4:14

Achichí kjo̱a̱xti katsjána Rijaá, nda̱ chji̱ni̱e̱ki̱cha̱a̱. Ndi̱a̱ná ku̱i̱ꞌíchjií kjo̱a̱a̱ ni xi katsꞌén.

Xota̱ Ebreo̱ 10:4

Ngatꞌa̱ jiín cho̱yojo xi̱ꞌii̱n, ko̱jo jiín tindso̱ xi̱ꞌii̱n májiín foaꞌáxín jeé.

Xota̱ Ebreo̱ 7:25

Kó kuíni nga Kristoo̱ maa̱ ꞌboxiéꞌá ngatsjéni̱xtjin ngayeje xota̱ xi ngatꞌaa̱ kui nga tsꞌéntíñaa̱ yojoo̱ Néná, ngatꞌa̱ ngatsjéni̱xtjin tikón, tsi̱ꞌe̱ nga ku̱i̱ꞌatjé nga ku̱i̱chji̱a̱a̱ Néná kjo̱a̱a̱ kui xotaa̱.

Xo̱jo̱o̱n Sandiyaá 5:14

A tjín xi oo̱n. Ngatíchji̱a̱a̱ xota̱ xi xchaá na̱ngo̱xi̱i̱ tsi̱ꞌe̱ nga ka̱mandaya nga ku̱i̱chji̱a̱tjé, kó nga tsanginjon isti̱ nga sa̱ꞌínkaxoma jaꞌeén Ndi̱a̱ná.

Xo̱jo̱o̱n Sandiyaá 5:16

Kuíni nga ja̱kꞌi̱e̱ ja̱ngaján tꞌíyájnúu̱ xingi̱jnú jé xí kiniꞌánjnú, kó ja̱kꞌi̱e̱ ja̱ngaján ndókjo̱a̱tjéjnú xingi̱jnú, tsi̱ꞌe̱ nga ka̱mandayajnú. Kjiꞌanga ngo xota̱ xi kixi̱ ku̱i̱chji̱a̱a̱ Néná tjínrií ngaꞌniú ni xi ku̱i̱chji̱a̱.

1 Xo̱jo̱o̱n Juaa̱ 5:16

Tsi tjín xi be nga ngo ntsꞌi̱e̱ tjítsꞌén ngo jé xi tsꞌenkꞌiénjínná ngindyi̱ko̱n Néná, chjiéngá ku̱i̱chji̱a̱a̱ Néná nga ku̱i̱chji̱a̱tjé, kó bo̱a̱ tsꞌén nga Néná tsja̱á kjo̱a̱mindyion kui ntsꞌiee̱. Kjo̱a̱a̱ ngo jé xi tsꞌenkꞌiénjínná ngindyi̱ko̱n Néná xí tꞌíxián an. Ti̱ tjín jé xi tsꞌenkꞌiénná ngindyi̱ko̱n Néná, kó kjo̱a̱a̱ kui jeé xiánjín an nga ko̱ndókjo̱a̱jnúu̱ Néná nga chji̱a̱ꞌatjejnú xota̱ xi sa̱ꞌín kui jeé.

1 Xo̱jo̱o̱n Juaa̱ 5:6

Ndáfoa ko̱jo jín akakoni Jesukristoo̱, kó jmí tsi ta̱ ndáfoa tsi, ndáfoa ko̱jo jín boá. Kó A̱si̱énni̱xtjii̱n Néná boá xi chistiko̱, ngatꞌa̱ ja̱koxi̱ boá kui A̱si̱énni̱xtjii̱n.

Ni xi akakoo̱ 3:9

Án boá xi sa̱ꞌin an, nga kui xota̱ xi chji̱a̱ni ndiꞌa nínga ndokjo̱a̱ eén xindajín Satanaa̱, kui xi xota̱ jundío̱ tsoó yojoo̱, kó kuijín bo̱a̱, nga ko̱e̱je̱kasiéntꞌaatikoó ji ngindie ndsa̱ki, tsi̱ꞌe̱ nga sku̱i̱e̱ nga tjóna ji.