Joo̱b 36:3 - Xo̱jo̱n eén Néná

³ Kixi̱ tsꞌensénná Néná, kó kuí boá xí katsjána ngayeje kjo̱a̱kjínkón xi tjínna, kó kuí nii̱ xi kokoo ngotꞌe̱.

Joo̱b 36:3 ပူးပေါင်းရင်းမြစ်များ

Joo̱b 32:2

Ta̱nga ngo nda̱ xi ꞌmí Eliuu̱ achichí ꞌniú katsꞌénxchánjo̱ Joo̱b, ngatꞌa̱ nda ngase tsꞌaxié yojoo̱ ta̱bo̱a̱jiín Néná. Eliuu̱ ndií Barakee̱l boá, ndíndee̱ Buu̱, xota̱ ngo ndiꞌaa̱ Raa̱n.

Joo̱b 32:8

Nga ja̱koxi̱ xota̱ nga̱sondiee̱ tikónjii̱n ngo a̱siénni̱xtjin, ngo tjo̱ xi katsjaá Néná xí tsi̱ꞌe̱ ngayeje ngaꞌniuú, kó kuí boá kui a̱si̱énni̱xtjii̱n xi tsjaá kjo̱a̱kjíntakón.

Joo̱b 34:5

»Jè bi̱ katsó Joo̱b: “Jmí jéjínna, ta̱nga Néná mejénjiín nga kixi̱ tsꞌén sa̱ꞌínsénna,

Joo̱b 36:2

«Chiyérachiíní, mejénna xiyaá nga to̱kó tikón ngasena ni xi kuichjiá an kjo̱a̱a̱ kjo̱a̱nda tsi̱ꞌe̱ Néná.

Joo̱b 37:23

Nde ka̱makjínjínná kjo̱a̱je xi tjiín Néná xí tsi̱ꞌe̱ ngayeje ngaꞌniuú, achichí ngaꞌniú tjiín, ko̱jo achichí je kjo̱a̱kixi̱i̱.

Joo̱b 4:17

“A kixi̱ ngase xotaa̱ ta̱bo̱a̱jiín Néná. A tsjie ngase xotaa̱ ta̱bo̱a̱jiín kui Ne xi katsꞌénda.

Joo̱b 8:3

Néná xí tsi̱ꞌe̱ ngayeje ngaꞌniuú, sa̱ꞌínkꞌájinjiín kjo̱a̱ndaa̱ ko̱jo kjo̱a̱kixi̱i̱.

Xo̱jo̱n Salmoo̱ 11:7

Ngatꞌa̱ Néná kixi̱ boá, kó tjórií kjo̱a̱kixi̱i̱, ¡kuíni nga xota̱ xi kixi̱i̱ boá xi ka̱ma sku̱i̱e̱ kje̱n!

Xo̱jo̱n Salmoo̱ 145:17

Ji Ne, ngatsjéni̱xtjin nga niꞌínkjatjosén ni xi ꞌmíyetjén ji, kó ngayeje nii̱ xi tjótsꞌèn niꞌínde ji.

Matioo̱ 12:42

Kó na̱ re xi atíxomaa̱ nangi Sabaa̱ kjo̱stjíe̱n kondraa̱ kui xota̱ xi̱ꞌbi̱ kó ti̱ ko̱tíjeé, ngatꞌa̱ ngaskande nínga fetꞌaa̱ tꞌanangii̱ kjindibáni nga tsintꞌieé kjo̱a̱kjínkoón Salomoo̱, kó ngotꞌe̱ ꞌne̱ kꞌi̱e̱ tikónjo̱jnú ngo nda̱ xi nkꞌa ngase xaá ta̱bo̱a̱jiín Salomoo̱.

Xota̱ Roma̱ 9:14

Ja̱, kó mí ni xi ka̱ma kꞌuín kjo̱a̱a̱ kui nii̱. A nga Néná kixi̱jín. ¡Jmí ni̱xtjin!

Ndeuteronomio̱ 32:4

Kuí boá xi tsꞌénkónná kjo̱a̱a̱ ni xi ndajiín. Kuí boá xi ngo Néná xi kixi̱ ko̱jo xi maꞌniátakón, ngatsjéni̱xtjin nga kixi̱ tsꞌensénná.

Xo̱jo̱o̱n Sandiyaá 1:17

Ngayeje ni xi ꞌniú nda xi boeꞌéná, kuí nii̱ xi ꞌniú nda, kó ndiꞌakꞌajmi jàn ndibánií, ki̱a̱ nínga tikón Néná xí Na̱ꞌmii̱ kui xi katsꞌénda ngayeje ndiꞌí xí tjiín, kui xi bosíkjoyajín yojoo̱, ti̱nde tsꞌéntíyàjín xikoó ngo tji̱nkꞌi̱én.

Xo̱jo̱o̱n Sandiyaá 1:5

Kó tsi tjín jún xi chajaa̱ kjo̱a̱kjínkón, ngatíꞌaá Néná, kó Néná tsja̱á, ngatꞌa̱ Néná tsjaá ngayeje xotaa̱ tsie ni xi machjieén, kó jmíjín xi tsꞌenchꞌó nga tsjaá.

Xo̱jo̱o̱n Sandiyaá 3:17

Ta̱nga kui xota̱ xi Néná tsjaá kjo̱a̱kjínkoón, kuí boá xi tsjietsꞌén síndo ngindyi̱ko̱n Néná, kó tjiín kjo̱a̱xió, kó ndaxota̱ ma, kó ntꞌiéꞌén, kó tsie kjo̱a̱ni̱ma̱takón tjiín, kó nda ni xi tsꞌén, kó ta̱ són tsꞌénjo̱ ngayeje xotaa̱, kó jmíjiín kjo̱a̱jókje̱n.

Ni xi akakoo̱ 15:3

Kó kisie soó Moisee̱, mosoo̱ Néná, ko̱jo soó cho̱tsa̱nga̱a̱. Bi̱ tsó kui soó: Achichí je ko̱jo fíndikónná ngayeje ni xi kiniꞌínde, jí boá xí Ndi̱a̱ná, kui xi Néná xí tjiín ngaꞌniuú, kixi̱ ko̱jo ja̱koxi̱ boá ndi̱yàa̱, jí boá xí Ree̱ ngayeje xota̱ na̱xi̱ńdá tsjiee̱.