Joo̱b 36:18 - Xo̱jo̱n eén Néná

¹⁸ ¡Kuíni nga ꞌniú chíi̱n yojòo̱! Ngata̱ kjo̱a̱cho̱o̱njín xi ka̱maꞌniátakón ji, ngase má tsi ndajín tsꞌén kasako kui nii̱,

Joo̱b 36:18 ပူးပေါင်းရင်းမြစ်များ

Joo̱b 33:24

tsi ni̱ma̱ ka̱maa̱, kó bi̱ ka̱tso̱o̱ Néná: ꞌNa̱xiéꞌé ji ngi̱ya tsja kjo̱a̱bo̱yaa̱, ngatꞌa̱ jè kasakoséna kótsꞌèn kjo̱tjoꞌa.

Joo̱b 36:19

ngatꞌa̱ kjo̱a̱cho̱o̱n ko̱jo ngaꞌniúu̱ nde jmí ni ka̱machjíjiín.

Xo̱jo̱n Salmoo̱ 110:5

Néna ki̱a̱ tikón nínga kixi̱i̱, kó ngatsjéni̱xtjin ko̱síko̱joo̱. Kjiꞌanga ko̱kó kjo̱a̱xcha̱án Néná, tsja̱nié já ree̱ ko̱jo xota̱xá xí botixómaá, kó ko̱tíjeé na̱xi̱ńdaá, kó ngayeje nga̱sondiee̱ nga sꞌi̱ńdotikó ini̱ma̱.

Xo̱jo̱n Salmoo̱ 2:12

¡Ti̱ꞌantsjàjnúu̱ Néná, tatíndsoꞌájnú sé ndií, ngatꞌa̱ tsita̱ sa̱ꞌínxchán, kó sa̱ꞌínkꞌiénjnú ngi̱ya ndi̱ya̱à, ngatꞌa̱ ta̱niján má ꞌniú tsꞌénxchán! ¡Achichíra̱tsjaa̱ ngayeje xota̱ xi kui mongase nga kui xi skoón!

Xo̱jo̱n Salmoo̱ 2:5

Jaskan tsꞌénxchán, kó ꞌniú chji̱a̱jo, ꞌniú tsꞌénxchán, kó mindyiandíkoón.

Xo̱jo̱n Salmoo̱ 39:10

Ngiti̱ niꞌínjéjínní ngase, ngatꞌa̱ ndse̱ boá xi tjítsꞌénꞌónna.

Jonaa̱ 4:4

Kósꞌe̱ Néná bi̱ katsoó Jonaa̱: —Míkjo̱a̱a̱ nga bo̱a̱ tsꞌén tiniꞌínxchín kón ji.

Jonaa̱ 4:9

Kósꞌe̱ Néná bi̱ katsó nga asíyaá Jonaa̱: —A kixi̱ kjíꞌí nga tiniꞌínxchín ji kjo̱a̱a̱ nga kixí kui xka̱a̱. Sꞌe̱ bi̱ katsó Jonaa̱: —Jo̱o̱n ꞌniú xti mána. Tsi ngiti̱ jmíjín kui xka̱a̱, ta̱sá ngatꞌien an.

Matioo̱ 3:7

Nga kamábe Juaa̱ nga achichí má xota̱ fariseo̱, ko̱jo xota̱ sanduseo̱ xi jachó nínga tsꞌénbotíndá, bi̱ katsoó: ¡Xota̱ xi ja̱ kon ye̱ kónjnú! ꞌYá xi bo̱a̱ katsójnú nga ka̱ma ku̱i̱yòjnúu̱ kjo̱a̱xcha̱án Néná xí je kjimatiñaa̱.

Xota̱ Roma̱ 1:18

Néná ndeskande ndiꞌakꞌajmi jàn bokóní kjo̱a̱xcha̱án kondra̱ tsi̱ꞌe̱ ngayeje xota̱ xi bendikónjín, ko̱jo xi ni xi kixi̱jín ndyi̱tsꞌèn ngindyi̱ko̱n. Kuí xotaa̱ xi ndyi̱ꞌbíchjaá nga xcha̱ ni xi ja̱koxi̱i̱.

Xota̱ Roma̱ 2:5

Ta̱nga ta̱ngatꞌanii̱ kjo̱a̱kitikjo̱a̱a̱ ko̱jo nga ini̱màa̱ mejénjiín sa̱ꞌínkꞌoyà, kuíni nga tiꞌbítikíi̱ kjo̱a̱xchán yojòo̱, ni̱xtjin nga Néná sa̱ꞌínxchán ko̱jo nga ko̱kó nga kixi̱ tsꞌén ko̱tíjé,

Xota̱ Éfeso̱ 5:6

Ngata̱ ngojín xota̱ xi kꞌo̱ṉcha̱jojnú nga ku̱i̱chji̱a̱jojnú én xí jmí ni chjíjiín, ngatꞌa̱ ta̱ngatꞌanii̱ kui nii̱ nga ndibánié kjo̱a̱xcha̱án Néná kui xota̱ xi ntꞌiéꞌénjiín.

1 Timoo̱ 2:6

Kui xi ti̱ kuii̱ katsꞌénkꞌasꞌien yojoo̱ nga kiniꞌánkꞌién, tsi̱ꞌe̱ nga íchjítjéná ngayeje ñá, kó kuí ngatꞌaa̱ nga Néná, nga jachó ni̱xtjin akó nga mejeén kꞌo̱xiéꞌá ngayeje xotaa̱.

Xota̱ Ebreo̱ 2:3

kótsꞌèn ka̱máná nga ku̱i̱yóo̱ kui kjo̱a̱botíjeé, tsi si̱ꞌansénjáa̱n kui kjo̱a̱ꞌnaxiéꞌá xi bo̱a̱ tsꞌén jee̱. Ngatꞌa̱ ti̱kuíní Ndi̱a̱ Kjisoo̱ xi tjón katsóyà kui én xí ꞌboxiéꞌáná, sꞌe̱ jaskan xota̱ xi tsintꞌieé akóná nga ja̱koxi̱ kui nii̱.