Joo̱b 35:9 - Xo̱jo̱n eén Néná

⁹ »Achichí ni xi ndajín xi tjín kuí nga̱sondiee̱, nga xotaa̱ míꞌá nga ko̱siko̱jo, tsi̱ꞌe̱ nga kjo̱tjongii̱ yojoo̱ ngi̱ya tsja xota̱ xi tjiín ngaꞌniuú.

Joo̱b 35:9 ပူးပေါင်းရင်းမြစ်များ

Joo̱b 12:19

kuí boá xi foaꞌáxiín xaá chináꞌmii̱, kó tsꞌenkjié kjo̱a̱ xota̱ xi tjiín ngaꞌniuú,

Joo̱b 20:19

ngatꞌa̱ kjo̱a̱ni̱ma̱ katsꞌénkjaꞌatio ko̱jo íjñámasien xota̱ ni̱ma̱a̱, kó iskjíbé ndiꞌa xi jmíni̱xtjin kui katsꞌénda.

Joo̱b 24:12

Achichí kjo̱a̱ni̱ma̱ ndyi̱foaꞌatio, kó nga je mejeén kjifesón, kjandayà ndeskande ki̱a̱ na̱xi̱ńdáꞌniuú, nga míꞌaá Néná nga ko̱síko̱jo, ¡ta̱nga Néná nde tsꞌensénjiín nga chji̱a̱a̱!

Joo̱b 34:28

achichí nga ndajín katsꞌénjo̱ xota̱ ni̱ma̱a̱, nga ngaskande Néná tsintꞌieé nga ndyi̱kjandayà nga ko̱siko̱jo.

Joo̱b 35:8

¡Xota̱ xi xikoó jí boá, xi ndajín tsꞌeén ni xi ndajín xi tsꞌén. Kó kje̱ꞌe xota̱ xi xikoó jí boá, xi nda tsꞌeén kjo̱a̱kixi̱ xi niꞌín ji!

Joo̱b 40:9

A tjiínri ngaꞌniú xikoó an. A ka̱má kjo̱ni̱e̱ nda̱a̱ xikótsꞌèn fonie cho̱ꞌo̱o̱n xikoó tsa̱ꞌa̱n.

Xo̱jo̱n Salmoo̱ 10:15

Chjátꞌé jí tjiaa̱ ko̱jo ṉꞌni̱u̱ xota̱ xi ndajiín, ti̱ꞌinkjie ji ni xi ndajín xi ndyi̱tsꞌèn, ngaskande nga kju̱i̱e̱ yeje kui nii̱.

Xo̱jo̱n Salmoo̱ 12:5

Ta̱nga ta̱ngatꞌanii̱ nga ndajín kjimataꞌin xota̱ ni̱ma̱a̱, ko̱jo ta̱ngatꞌanii̱ nga ni̱ma̱ ndyi̱tsó xota̱ xi ni̱ma̱kjo̱a̱a̱, kuíni nga bi̱ kase ji: «Ngotꞌe̱ ꞌne̱ kjo̱stjíe̱n mára an, tsi̱ꞌe̱ nga skóo̱n xota̱ xi tjímojnóchaá».

Xo̱jo̱n Salmoo̱ 43:2

Ngatꞌa̱ jí boá xi Ne xi tsjangaꞌniúna. Ánní nga kiniꞌínchꞌíní. Míkjo̱a̱a̱ nga ndasen tikón an, kjo̱a̱a̱ nga kondra̱na ndajín tjítsꞌénjo̱na.

Éksondo̱ 2:23

Ngije jaꞌa kjín nó, kꞌien nda̱ re xi chji̱a̱ni nangi Ejipto̱, kó xota̱ Israee̱l achichí ni̱ma̱ katsó kjo̱a̱a̱ nga moso̱ kamá ki̱a̱a̱, ngatꞌa̱ tsie kjo̱a̱ni̱ma̱ jaꞌa.

Éksondo̱ 22:23

Ngatꞌa̱ tsi ndajín si̱ꞌanjo̱jnú, kó tsi an ku̱i̱chji̱a̱na nga kosiko̱jo an, kuintꞌièñáa̱,

Éksondo̱ 3:7

Ta̱nga Néná, bi̱ katsó ngasee̱: —Jè kamábe an kjo̱a̱ni̱ma̱ xi ndyi̱foaꞌatio xota̱ na̱xi̱ńdána, ngatꞌa̱ xota̱ Ejiptoo̱, moso̱ je katsꞌén. Jè tsintꞌièe̱ nga ndyi̱kjandayà nga ndyi̱míꞌá nga kosiko̱jo an, kó ti̱ jè kamábe an nga já ngito̱ko̱o̱ ꞌniú ndajín ndyi̱tsꞌènjo̱, kuíni nga jè jéꞌe̱kòo̱n tsi̱ꞌe̱ nga kꞌoxiéꞌá an ngi̱ya tsja xota̱ Ejiptoo̱, kósꞌe̱ kjuínjo̱ an ngo ngi̱ndie xi nda ko̱jo xi tiyá, ¡ngo ngi̱ndie nínga ꞌniú tjín nichinie! Kó nangi Kanaa̱n boá kui ngi̱ndiee̱, nínga síndo xota̱ na̱xi̱ńdá xi nde kji̱e̱ bejínna.

Eklesiastee̱ 4:1

Kósꞌe̱ ti̱ askotsijen ngiñá an, kó kui nii̱ xi kamábe an: Achichí má xota̱ xi tjíꞌbiniéꞌniuú xá, kuí nga̱sondiee̱, kó kui xota̱ xi bo̱a̱ ndyi̱tsꞌe̱én, kuí boá xi botixómaá, ndyi̱kjandà xotaa̱, kó nde jmíjín xi tsꞌéndájoón.