Joo̱b 34:29 - Xo̱jo̱n eén Néná

²⁹ Ta̱nga tsi Néná xí mejeén nga xió kꞌuijñá, ꞌyá xí ka̱maa̱ sa̱ꞌínchꞌó nga bo̱a̱ sa̱ꞌín. Tsi kui xi mejénjiín nga ko̱kó yojoo̱, ꞌyá xí ka̱maa̱ sku̱i̱e̱ kje̱n. Ta̱nga Néná, kuí boá xi tsꞌénkotsijee̱n ngayeje na̱xi̱ńdá ko̱jo xota̱ xi tjín nga̱sondiee̱,

Joo̱b 34:29 ပူးပေါင်းရင်းမြစ်များ

Joo̱b 12:14

Tsi Néná tsꞌénkixóndó ngo ni, jmíjín xi ka̱maa̱ skjinínkꞌá nginí. Tsi Néná xi ku̱i̱ꞌíjñaꞌniú ngo xota̱, nde ngojín xi ka̱maa̱ ku̱i̱ꞌíjñandé.

Joo̱b 23:13

»Tsi ngo ni xi mejeén sa̱ꞌín Néná, ꞌyá xí ka̱maa̱ nga ku̱i̱ꞌíchjaá tsi̱ꞌe̱ nga ko̱síkjo ni xi sa̱ꞌín, ni xi tsó ini̱ma̱a̱, kuí ni xi tsꞌén.

Joo̱b 34:28

achichí nga ndajín katsꞌénjo̱ xota̱ ni̱ma̱a̱, nga ngaskande Néná tsintꞌieé nga ndyi̱kjandayà nga ko̱siko̱jo.

Joo̱b 34:30

tsi̱ꞌe̱ nga kuijín xota̱ xi ndajiín xi ko̱tíxomaa̱, ti̱nde ku̱i̱ꞌíndisojo̱jín xota̱ na̱xi̱ńdaá.

Xo̱jo̱n Salmoo̱ 13:1

Ngaskande kjiꞌání ji Ne. Ngaskande kjiꞌání nga kꞌuiꞌmíní kje̱n ji. A jè ngatsjéni̱xtjin si̱ꞌinchíyení.

Xo̱jo̱n Salmoo̱ 143:7

Ji Ne, ¡tsá ti̱ꞌinsénní, ngata̱ jè kjiꞌme an! ¡Ngata̱ ꞌbíjñímasínjínní, ngatꞌa̱ xikónií tsi je kꞌien an tsobo̱a̱!

Xo̱jo̱n Salmoo̱ 27:9

Ngata̱ mindyinꞌmíjínní, ti̱nde ngata̱ niꞌínxchínjín ji nga si̱ꞌinchꞌi ji kui mosoo̱ xi̱ꞌbi̱. ¡Jí boá xi tibosíke̱jení, ngata̱ ꞌbíjñísoboéjínní! ¡Ji Ne xi ꞌboxiéꞌána!

Xo̱jo̱n Salmoo̱ 30:7

Ngatꞌa̱ ta̱ngatꞌanii̱ kjo̱a̱ndàa̱ ji Ne, nga ꞌniú ikꞌíjñíní xikoó ngo na̱xi̱ xi ꞌniú tikón. Kjiꞌanga ngiti̱ kiniꞌínsénjínní, achichí katsakjon an.

Xo̱jo̱n Salmoo̱ 94:10

Kui xi tsꞌénchjíni̱e̱ xota̱ na̱xi̱ńdaá, a ko̱tíjéjín. ¡Kui xi bokoyaá kjo̱a̱kjíntakón xota̱ nga̱sondiee̱, a bejín!

Xo̱jo̱n Salmoo̱ 94:13

tsi̱ꞌe̱ nga kꞌuieé kjo̱a̱xió ni̱xtjin xi ndajiín, tji̱e̱nga kjimanda ti̱xa̱nga̱tsjo̱ó xota̱ xi ꞌniú ndajiín.

Éksondo̱ 33:14

Kó Néná bi̱ katsoó Moisee̱: —Án má bo̱a̱ xi kjuínjòo̱, tsi̱ꞌe̱ nga kꞌuieé kjo̱a̱xió ini̱ma̱a̱.

Juaa̱ 14:27

Kjo̱a̱xióna kꞌuijñájnúꞌun, kjo̱a̱xióna tsjajnúꞌun, jmí tsi bo̱a̱ tsꞌén tsja an xikótsꞌèn tsjá xotaa̱ kui nga̱sondiee̱. Ngata̱ nda̱jín maá ini̱ma̱jnú, ti̱nde ngata̱ ndakonjínmájnú.

Xota̱ Filipo̱ 4:7

Kó kjo̱a̱xioó Néná, kui kjo̱a̱xió xi foaꞌatjoón ngayeje kjo̱a̱kjíntakoón, skoón ini̱ma̱jnú ko̱jo kjo̱a̱kjíntakónjnú ngatꞌaa̱ Kristo̱ Kjisoo̱.