Joo̱b 34:19 - Xo̱jo̱n eén Néná

¹⁹ Néná katsꞌéndaná ngayeje ñá, tsi xota̱ ni̱ma̱ ko̱jo tsi xota̱ xi cho̱n, jmíjín xi tjó ngasee̱ kui.

Joo̱b 34:19 ပူးပေါင်းရင်းမြစ်များ

Joo̱b 10:3

A ndakjíꞌí nga tiniꞌínꞌínní, ko̱jo nga tiniꞌínchꞌí ji ni xi ndse̱ ji katsꞌénda, ko̱jo nga tsja maa̱ ni xi tsꞌén xota̱ xi ꞌniú ndajiín.

Joo̱b 12:19

kuí boá xi foaꞌáxiín xaá chináꞌmii̱, kó tsꞌenkjié kjo̱a̱ xota̱ xi tjiín ngaꞌniuú,

Joo̱b 12:21

»Néná tsꞌénkjáꞌa kjo̱a̱soboá xota̱ xi tjiín ngaꞌniú ko̱jo xi yandikoón,

Joo̱b 13:10

Ta̱sara̱ Néná sa̱ꞌínxchánjo̱jnú, ngatꞌa̱ tjín xota̱ xi ndyi̱mongínjnúu̱ kjo̱a̱ndaa̱.

Joo̱b 13:8

A niꞌánkjójnú nga ngo kjo̱a̱nda ndyi̱niꞌánjnúu̱ nga jún xi xota̱ xi fíjindojo̱ Néná kjimajnú.

Joo̱b 31:15

¡Kui Néná xí katsꞌéndana ngi̱ya ndo̱bo̱a̱ndií na̱ana, ti̱ kuí boá xi katsꞌénda kui nga, kuí boá xi katsjájne̱ kjo̱a̱mindyion, kó ndse̱je̱n katsꞌénjne̱!

Joo̱b 32:21

Nde ngojín jún xi nijan ka̱ma an, ti̱nde jmíjín xi kjo̱a̱ndaa̱ kotíjña̱ an,

Joo̱b 34:18

A ka̱má xota̱ xi ꞌniú ndajín kꞌuiín ree̱, kó a ka̱má xota̱ xi kixi̱jín kꞌuiín xota̱ xi yandikoón.

Joo̱b 36:19

ngatꞌa̱ kjo̱a̱cho̱o̱n ko̱jo ngaꞌniúu̱ nde jmí ni ka̱machjíjiín.

Énkjínkón 14:31

Kui xi ꞌniútsꞌeén xota̱ ni̱ma̱a̱, Néná boá xi tsꞌénkjánjo̱, ta̱nga kui xi ni̱ma̱ maa̱ xota̱ ni̱ma̱a̱, tsꞌénbendikón Néná.

Énkjínkón 22:2

Xota̱ xi cho̱o̱n ko̱jo xota̱ xi ni̱ma̱a̱, ngo ndséje̱n boá, ngatꞌa̱ Néná boá xi katsꞌénda ngajoó.

Eklesiastee̱ 5:8

Ngata̱ fíndikónjiín nga xchi̱e̱ ji na̱xi̱ńdá nínga tjíꞌbiniéꞌniuú xá xota̱ ni̱ma̱a̱, ko̱jo nínga tjíbosíkjoyá kjo̱a̱kitii̱ tsi̱ꞌe̱ nga jmí tsi kixi̱ tjíniꞌánseén. Kuí nii̱ xi ma kjiꞌanga ngo nda̱ xi nkꞌa xaá, ingo xi nkꞌa ngase xaá boꞌmá ni xi tsꞌén, kósꞌe̱ ingo xi ꞌniú nkꞌa ngase xaá boꞌmá ni xi tsꞌén ngajoó.

Lebitiko̱ 19:15

»Tsi ngo ni kꞌuíndajnú nínga kjimandajin ngo ni, kixi̱ ti̱ꞌánjnú kui nii̱. Ngata̱ kjo̱a̱ndaa̱jín ngo xota̱ mongínjnú, tsi cho̱n ko̱jo tsi ni̱ma̱.

Ni xi kamá 10:34

Kó Peé bi̱ katsó nga tsíchji̱a̱: –Ngotꞌe̱ ꞌne̱ makjínna nga ja̱koxi̱ boá nga Néná skjánjín tsꞌénjo̱ xotaa̱,

Xota̱ Roma̱ 2:11

Néná skjánjín tsꞌénjo̱ xotaa̱.

1 Xota̱ Korinto̱ 1:28

Néná jaꞌájin ni xi ta̱ kon ta̱ maa̱ nga̱sondiee̱, ko̱jo ni xi jmí ni chjíjiín, ko̱jo ni xi kji̱e̱ jmíjín, tsi̱ꞌe̱ nga sa̱ꞌínchaja ni xi kuii̱,

Xota̱ Ngalasia̱ 2:6

Ta̱nga kui já xí ya nga ngito̱ko̱o̱ na̱ngo̱xi̱i̱, nde chií ni xi tja̱tsi̱e̱ yísónjiín éntjatsi̱e̱ xi ini̱jmi án. Tsi ngito̱ko̱ ko̱jo tsi jmí, jmí ndasénjínna, ngatꞌa̱ ta̱ ngo ndse̱je̱n ñá ngindyi̱ko̱n Néná.

Xota̱ Éfeso̱ 6:9

Kó jún xi ndi̱a̱jnú, jè yàjnú nga ta̱ ngo tsí má Ndi̱a̱ xi tikón ndiꞌakꞌajmii̱ xi botixómájnú jún, ko̱jo moso̱ xi kastiñaá, kó Ndi̱a̱ná skjánjín tsꞌénjo̱ xota̱a̱, kuíni nga bo̱a̱ ti̱ ti̱ꞌanjo̱jnú moso̱jnú kó ngata̱ mindyiandikónjínjnúu̱.

Ndeuteronomio̱ 10:17

Kuí boá xi ngo Néná xí botixómaá ngayeje ne xi ngasee̱, ngayeje já re, ko̱jo ngayeje na̱xi̱ńdá. Ngaꞌniú xí tjiín kuí boá xi tsꞌénkjátsiéní ngayeje nga̱sondiee̱. Kjiꞌanga ngo ni xi mejeén sa̱ꞌín, kixi̱ tsꞌén kuí nii̱, kó jmíjín xi ka̱maa̱ ngo ni tsja̱á tsi̱ꞌe̱ nga sa̱ꞌínkjatjosónjín ngo ni.

Xota̱ Kolosa̱ 3:25

Ta̱nga kui xota̱ xi ni xi kixi̱jín sa̱ꞌiín, sa̱ko̱ó ni xi tsoboaá kjo̱a̱a̱ kui ni xi katsꞌén, ngatꞌa̱ Néná skjánjín tsꞌénjo̱ xotaa̱.

Xota̱ Ebreo̱ 12:28

Kó kuíni nga, ngije Néná katsjáná ngo ngi̱ndie xi botíxoma xi májiín matíyaá, ko̱e̱ꞌée̱ ndokꞌóchjì kjo̱a̱a̱ kui nii̱, kó bo̱a̱ tsꞌén si̱ꞌansée̱n nga tsjangatamaa̱ kui nga ꞌniú ndikóntsꞌèn si̱ꞌantsjàa̱,

Xo̱jo̱o̱n Sandiyaá 2:5

Jún ndí ntsꞌie xi tjóna, ndaꞌyájnú kui nii̱: A mí tsi Néná je jaꞌájin xota̱ ni̱ma̱a̱ kui nga̱sondiee̱, tsi̱ꞌe̱ nga ka̱macho̱nni ngi̱jii̱n kjo̱a̱sꞌijii̱n Néná, kó nga Néná jè katsóyàtjón nga kuí boá xi ko̱tíxomaa̱, xota̱ xi tsꞌéntjó Néná.

1 Xo̱jo̱o̱n Peé 1:17

Kó nga “Na̱ꞌmi” ndyi̱ꞌmìjnúu̱ kui Néná xi ta̱ són tsꞌénjo̱ xotaa̱ nga tsáyà tsi nda ko̱jo tsi ndajín ni xi katsꞌén, chjiéngá xcha̱ndikónjnú ngatsjéni̱xtjin nga ku̱i̱ṉtsomajnú kui nga̱sondiee̱.