Joo̱b 33:26 - Xo̱jo̱n eén Néná

²⁶ Kósꞌe̱ ni̱ma̱ ka̱tso̱ nga ku̱i̱chji̱a̱a̱ Néná, kó Néná tsja̱á kjo̱a̱ndaa̱, kó tíkje̱n tíkje̱n sku̱i̱e̱, kó tsjá ka̱maa̱, kó Néná kixi̱ tsꞌén sa̱ꞌínseén.

Joo̱b 33:26 ပူးပေါင်းရင်းမြစ်များ

Joo̱b 19:27

Ja̱koxi̱ boá nga án má xi skuie an, ndyikón án má xi sku̱i̱e̱, kó jmí tsi ndyi̱ko̱n kje̱ꞌe xota̱, ¡achichí ni xi kjimana nga kjo̱chó kui ni̱xtjii̱n!

Joo̱b 33:25

Kósꞌe̱ yojoo̱ ka̱makjindiyà nginí, kó xikó maá tsi tsi̱ꞌe̱ ngo nda̱chií ka̱ma ngijee̱.

Joo̱b 34:11

Ngatꞌa̱ kuí boá xi ku̱i̱ꞌíchjií xota̱ nga̱sondiee̱ ta̱ xikó kjiꞌi ni xi katsꞌén, kó tsja̱á xikó kjiꞌi ni xi tsoboaá.

Joo̱b 34:28

achichí nga ndajín katsꞌénjo̱ xota̱ ni̱ma̱a̱, nga ngaskande Néná tsintꞌieé nga ndyi̱kjandayà nga ko̱siko̱jo.

Xo̱jo̱n Salmoo̱ 16:11

Jí boá xi ko̱kéní ndi̱ya̱à kjo̱a̱mindyioo̱n. ¡Kjiꞌanga an tindyinjinní achichí tsjá ꞌbéna! ¡Kjiꞌanga ki̱a̱ tikóntꞌáa̱ nga kixi̱i̱, ngatsjéni̱xtjin nga tjínna kjo̱a̱tsja!

Xo̱jo̱n Salmoo̱ 18:20

Néná katsjána ngo ni nda xi tsoboána kjo̱a̱a̱ nga kixi̱ an, kó achichí nda katsꞌénjo̱na ngatꞌa̱ tsjie ndsa̱ án.

Xo̱jo̱n Salmoo̱ 28:6

¡Ngatamachikonñé Néná, ngatꞌa̱ tsintꞌié nga ni̱ma̱ kixian an nga tsíchji̱a̱a̱!

Xo̱jo̱n Salmoo̱ 30:5

Ngatꞌa̱ ta̱ ngotjón tsí bo̱a̱ nga tsꞌénxchán, ta̱nga ngatsjéni̱xtjin nga nda xota̱ ma. Xchaꞌára̱ nga ni̱xtji̱e̱e̱n, ta̱nga nga kamángindyiojoón jè tsjá kꞌuiéna.

Xo̱jo̱n Salmoo̱ 50:14

¡Ta̱sá ndibájo̱jnúꞌun kjo̱a̱tjó xi niꞌánkꞌasꞌien nga niꞌántsjaá Néná, kó ti̱ꞌankjatjosónjnúꞌun ni xi kandokjo̱a̱tjónjnú nga si̱ꞌankjatjosónjnú!

Xo̱jo̱n Salmoo̱ 50:15

¡Kó ndókjo̱a̱jnúꞌun ni̱xtjin nga nda̱ ka̱majnú! An kꞌoxiéꞌájnúꞌun, kó jún si̱ꞌandikónjnúꞌun ngijee̱».

Xo̱jo̱n Salmoo̱ 62:12

Jí boá xi tjiín kjo̱a̱ni̱ma̱takón ji Ne, ngatꞌa̱ jí boá xi boeꞌée̱ chjí xí tsoboaá nga ngo nga ngo xotaa̱, kjo̱a̱a̱ ni xi katsꞌén.

Xo̱jo̱n Salmoo̱ 67:1

Néná ngatamani̱ma̱a̱ ji̱n, kó ngatsꞌénchíkonñéjne̱. Ndiꞌí xí tjiín kje̱n ngatsꞌéntsíjen ꞌna̱ ꞌna̱jne̱.

Xo̱jo̱n Salmoo̱ 91:15

Kjiꞌanga ku̱i̱chji̱a̱na, an sa̱ꞌinsée̱n, kó ki̱a̱ kotíjña̱jo an kjiꞌanga nda̱ ka̱maa̱, kó án boá xi sa̱ꞌindé án, kó tsjáa̱ kjo̱a̱je kui.

Énkjínkón 24:12

Ngatꞌa̱ tsi bi̱ sé jí: Yajín ji̱n kui nii̱. Kó a ka̱makjínjínrií kui Néná xí kotꞌa ini̱ma̱a̱. Kui xi kotsijee̱n ko̱jo xi bee ji. Ti̱ ka̱márií sku̱i̱e̱ kui nii̱ nga, ¡kó kuí boá xi tsja̱á ni xi tsoboaá xotaa̱ kjo̱a̱a̱ ni xi katsꞌén nga ngo nga ngo!

Ni xi kamá 2:28

Jí xí akakení ndi̱ya̱à kjo̱a̱mindyioo̱n, kó achichí kjo̱a̱tsja tiboeꞌéní nga kje̱n ji tikòn an.

Ni xi kamá 9:11

Kó Ndi̱a̱a̱, bi̱ katsoó: –Ti̱sítji̱n ji, kó tꞌen ji kui ndi̱yàtié xi ꞌmí Ndi̱yà Kixi̱i̱, kó ki̱a̱ ndiꞌaa̱ Jundaa̱ tasíyé ji nda̱ xi ꞌmí Sauloo̱ xi kjindibáni na̱xi̱ńdáꞌniú Tarso̱, ngatꞌa̱ kui nda̱a̱ Néná tsꞌénchji̱a̱a̱ ki̱a̱a̱,

Xota̱ Ebreo̱ 11:26

Katsꞌénkjó kuí nga chjí ngasenii̱ kui kjo̱a̱ni̱ma̱ xi kjo̱a̱ꞌatio kui, kui xi ti̱ kjo̱a̱ꞌatio nda̱ xi katsó Néná nga sa̱ngíyá, ta̱bo̱a̱jiín nga kꞌuieé kjo̱a̱cho̱o̱n nangi Ejipto̱, ngatꞌa̱ Moisee̱ tsꞌénkoyaa̱ ni xi Néná tsja̱á.

Xo̱jo̱o̱n Jundaa̱ 1:24

Néná tjiín ngaꞌniú nga skónjnú tsi̱ꞌe̱ nga kꞌo̱kajínjnú, ko̱jo tsi̱ꞌe̱ nga ndándíjín ka̱majnú nga kongínjnú ngindyi̱ko̱n kui, kó nga ꞌniú tsja kꞌuiéjnú nga kjóchójnú nínga tikón kjo̱a̱jee̱,