Joo̱b 31:17 - Xo̱jo̱n eén Néná

¹⁷ jmíni̱xtjin iskjíni̱e̱ so̱bo̱a̱ an nichinie, ngatsjéni̱xtjin nga iskjíni̱e̱jo an xota̱ xi xꞌi̱a̱a̱n.

Joo̱b 31:17 ပူးပေါင်းရင်းမြစ်များ

Na̱ Estee̱r (Ebreo̱) 2:7

Marndokeoo̱ katsꞌénxchá na̱ Adasaa̱, kui xi na̱ Estee̱r ꞌmí, tsa̱kji̱ín tsinii̱, na̱ xi kisꞌijñaxꞌi̱a̱n, kó achichí tsjá kisꞌie yojoo̱ ko̱jo tsja kisꞌie kje̱n kui naa̱. Kjiꞌanga jesón xi xchaá, Marndokeoo̱ askoo̱n kui tsa̱kji̱ín xikoó tsi ndií.

Joo̱b 22:7

Katseꞌéjìi̱n ndáfoa xota̱ xi kamáxíndaá, ti̱nde katseꞌéjìi̱n nichinie xota̱ xi kamábojoó.

Joo̱b 31:18

Ndeskande koó nga kjindí án, xikoó ngo na̱ꞌmi kamá an, nga ngatsjéni̱xtjin asiko̱jo an xota̱ xi xꞌi̱a̱a̱n, ko̱jo ínchjín kꞌán xi je jesón xi̱ꞌii̱n,

Joo̱b 31:21

Jmíni̱xtjin nga ndajín katsꞌenjo̱ an xota̱ xi xꞌi̱a̱a̱n nga katsꞌenkjién án xá xí tjínna, tsi̱ꞌe̱ nga an ko̱e̱je̱jindojona ne xi tsꞌendájin kjo̱a̱xtii̱.

Rkaa̱ 11:41

Ta̱nga te̱ꞌéjnú chji̱e̱ ni xi tjíjii̱n ini̱ma̱jnú, kósꞌe̱ bo̱a̱ tsí tsꞌén nga tsjie ka̱ma ngayeje nii̱ ngindyi̱ko̱n Néná.

Juaa̱ 13:29

Ngatꞌa̱ tjín xí katsꞌénkjó nga kjo̱a̱a̱ nga Jundaa̱ kisꞌijñaa̱ stsatoo̱n, tsi kuíni nga Kjisoo̱, bi̱ katsoó: Tsꞌi̱tsie ni xi chjiénná tsi̱ꞌe̱ sꞌueé, axa̱ tsi̱ꞌe̱ nga tsja̱a chií to̱n xota̱ ni̱ma̱a̱.

Ni xi kamá 4:32

Kó xota̱ kjín xi kisꞌijii̱n eén Néná, ta̱ ngo ini̱ma̱ ko̱jo ngo kjo̱a̱kjíntakón tsí kamá, kó nde ngojín xi tsi̱ꞌe̱ soboá kamaá ni xi kisꞌiee̱, ngatꞌa̱ ta̱ tsi̱ꞌe̱ yeje kamá ni xi kisꞌiee̱ nga ngo nga ngo.

Xota̱ Roma̱ 12:13

Tasíko̱jojnú ngayeje xota̱ tsjiee̱ Néná kjo̱a̱a̱ ni xi chjieén, kó tjó ti̱ꞌánjnú ngayeje xota̱ xi kjo̱chó ndiꞌajnú.

Ndeuteronomio̱ 15:11

Kui nga̱sondiee̱ ngatsjéni̱xtjin kꞌuié xota̱ ni̱ma̱ xi jmí to̱njiín. Kuíni nga tsꞌénbotixomájnúꞌun nga ko̱e̱ꞌéjnúu̱ ni xi chjieén xota̱ xi ni̱ma̱, ko̱jo xota̱ xi ngo ni chjieén xi chji̱a̱ni kui na̱xi̱ńdaá.

Xo̱jo̱o̱n Sandiyaá 1:27

Kjo̱a̱yandikoón Néná xi tsjie ko̱jo xi jmíjiín ni xi ndándí ngindyi̱ko̱n Néná xí Na̱ꞌmii̱, kuí boá xi̱ꞌbi̱: Nga ko̱si̱ko̱jó kjiꞌanga kjo̱a̱ꞌatio kjo̱a̱ni̱ma̱ xota̱ xi xꞌi̱a̱a̱n, ko̱jo ínchjín kꞌán xi je kꞌien xi̱ꞌii̱n, ko̱jo nga ki̱a̱jín nijan si̱ꞌandándí yojoná kjo̱a̱a̱ ni xi ndajín xi tjiín kui nga̱sondiee̱.

1 Xo̱jo̱o̱n Juaa̱ 3:17

Ta̱ꞌya xota̱ní xi tsꞌatio nga tjiín ni xi machjieén, kó tsi be nga ngo xota̱ tsꞌénfoaꞌatio ngo kjo̱a̱ni̱ma̱ nga chjieén ngo ni, kó tsi ka̱mani̱ma̱jiín nga tsja̱á, a tikónjinrií kjo̱a̱tjoó Néná kuí xotaa̱.