Joo̱b 31:14 - Xo̱jo̱n eén Néná

¹⁴ Mí xí sa̱ꞌin an kjiꞌanga Néná ku̱i̱ꞌana xki̱, kó nga ko̱síyána ngo ni, kó xiáa̱n.

Joo̱b 31:14 ပူးပေါင်းရင်းမြစ်များ

Joo̱b 10:2

Kuíni nga je bi̱ kixiáa̱n Néná: “Ji Ne, ngata̱ niꞌínjéjínní, ¡kó tꞌíyéní míkjo̱a̱a̱ nga an tibixkénje̱ní!

Joo̱b 31:13

»Kjiꞌanga já moso̱na ko̱jo chji̱ni̱e̱ꞌbona tjín ni xi tsjajín kamaá, kó tsíchji̱a̱jona, kixi̱ katsꞌéndajin an kjo̱a̱xtii̱.

Joo̱b 31:15

¡Kui Néná xí katsꞌéndana ngi̱ya ndo̱bo̱a̱ndií na̱ana, ti̱ kuí boá xi katsꞌénda kui nga, kuí boá xi katsjájne̱ kjo̱a̱mindyion, kó ndse̱je̱n katsꞌénjne̱!

Joo̱b 9:32

»Ngatꞌa̱ Néná jmí tsi xota̱ nga̱sondie xikoó án, tsi̱ꞌe̱ nga an kuichjiáꞌa an, ko̱jo nga nijan kongínjne̱ ngindyi̱ko̱n xota̱ xi botíjeé.

Xo̱jo̱n Salmoo̱ 143:2

Ngata̱ niꞌínje̱jínní xki̱ ngindyikin ji, ngatꞌa̱ kui nga̱sondiee̱ jmíjín xi ndaxota̱ kꞌo̱xié yojoo̱.

Xo̱jo̱n Salmoo̱ 44:21

kó Néná, a mí tsí je kamákjiín kui nii̱ tsobo̱a̱, ngatꞌa̱ kui jè be ni xi tjiꞌmaá ini̱ma̱a̱.

Xo̱jo̱n Salmoo̱ 7:6

Ji Ne, ti̱sítji̱n ji, kó tiniꞌínxchín jí nga ku̱i̱xkén ji kjo̱a̱a̱ kjo̱a̱tamaá kondra̱na, kó kjo̱a̱ndana tꞌen ji nga ka̱ma kui kjo̱a̱niꞌánjé xí kanangiye ji,

Xo̱jo̱n Salmoo̱ 76:9

Kjiꞌanga Ji kixi̱ tsꞌén kiniꞌínsée̱n xotaa̱, tsi̱ꞌe̱ nga kaꞌnaxiéꞌé ji ngayeje xota̱ xi ntꞌiéꞌén xí tjín tꞌanangii̱.

Xo̱jo̱n Salmoo̱ 9:12

Ngatꞌa̱ kui xi tsꞌéngojo nga niꞌánkjiesón xota̱ xi jmí jéjiín, jè jaꞌátsjiee̱n kui, kó kji̱e̱ chíyájiín nga ni̱ma̱ ndyi̱tsó xota̱ xi ndyi̱foaꞌatio kjo̱a̱ni̱ma̱a̱.

Xo̱jo̱n Salmoo̱ 9:19

¡Ye ꞌne̱ Ne, ti̱sítji̱n ji! ¡Nga boeꞌéndièjín ji nga nkꞌa ka̱maa̱ yojoo̱ xota̱ nga̱sondiee̱! ¡Kó ngindyikin ji nganiꞌánjeé na̱xi̱ńdaá!

Lebitiko̱ 25:43

»Nda ti̱ꞌanjo̱jnú ngayeje xota̱ Israee̱l. Cha̱ndikónjnúꞌun.

Markoo̱ 7:2

Kó kui jaá tsíchji̱a̱taꞌin xota̱ tsi̱ꞌe̱ Kjisoo̱ nga kamábe nga tjín káꞌá xi aniéjónjín tsja nga iskjinie nichinie.

Xota̱ Roma̱ 3:19

Ta̱nga jè ya ñá ngayeje ni xi tsó kjo̱a̱kitii̱, nga tsi̱ꞌe̱ xota̱ xi Néná katsjaá kui kjo̱a̱kitii̱ boá, tsi̱ꞌe̱ nga ngayeje tsꞌoa xotaa̱ si̱chjá, kó ngayeje xotaa̱ kui nga̱sondiee̱ sa̱ꞌínkie yojoo̱ nga katsꞌénjé, kó kꞌuíndo ngi̱yaa̱ kjo̱a̱botíjeé Néná.

Xo̱jo̱o̱n Sandiyaá 2:13

Ngatꞌa̱ ni̱xtjin nga Néná sa̱ꞌíndajin kjo̱a̱a̱, ni̱ma̱jín ka̱maa̱ xota̱ xi ni̱ma̱jín kamaá kje̱ꞌe xota̱. Ta̱nga kui xota̱ xi ni̱ma̱ kamaá kje̱ꞌe xota̱, sa̱kójiín kjo̱a̱botíjeé Néná kui ni̱xtjii̱n.