Joo̱b 28:28 - Xo̱jo̱n eén Néná

²⁸ Kósꞌe̱ bi̱ katsoó ngayeje xota̱ nga̱sondiee̱: “tsi xcha̱ndikónjnú Ndi̱a̱a̱, kó tsi ku̱i̱ta̱xínboaꞌájnúu̱ ni xi ndajiín ja̱ jè kasakojnú kjo̱a̱kjínkoón”».

Joo̱b 28:28 ပူးပေါင်းရင်းမြစ်များ

Joo̱b 1:1

Ki̱a̱ nangi Uu̱ kisꞌijña ngo nda̱ xi kiꞌmí Joo̱b xi achichí ndaxota̱ ko̱jo kixi̱ kamá. Ngatsjéni̱xtjin nga kamábendikón Néná, kó chiíjín katsꞌén ni xi ndajín.

Joo̱b 28:12

»Ñá tikón kjo̱a̱kjínkoón. Ñání tikón ngi̱ndiee̱ kjo̱a̱kjíntakoón.

Joo̱b 28:20

»Ja̱ ti̱ ingo ndi̱yà kosíyángiñá án: ñá kji̱ndi̱báni kjo̱a̱kjínkoón, kó ñání tikón ngi̱ndiee̱ kjo̱a̱kjíntakoón.

Joo̱b 28:27

askotsijen ndá ndaá kjo̱a̱kjínkoón, nga ki̱a̱ tikón, kó kamámejeén askotꞌayákón, kó kamábe kókjiꞌi chjií.

Xo̱jo̱n Salmoo̱ 111:10

Ngayeje xota̱ xi mejeén nga xota̱ xi kjínkón ka̱ma, tjón mára ngatamabendikón Néná. Kui xota̱ xi bo̱a̱ tsꞌeén, bokó nga xota̱ xi kjínkón boá. ¡Néná, ngatsjéni̱xtjin tsoboaá nga si̱ꞌantsjaa̱!

Xo̱jo̱n Salmoo̱ 34:14

Ti̱xínboeꞌée̱ ni xi ndajiín, kó ni xi ndaa̱ ti̱ꞌin, ti̱ndyi̱sé ji kjo̱a̱xioó, kó kui tꞌentji̱ngi ji.

Xo̱jo̱n Salmoo̱ 94:10

Kui xi tsꞌénchjíni̱e̱ xota̱ na̱xi̱ńdaá, a ko̱tíjéjín. ¡Kui xi bokoyaá kjo̱a̱kjíntakón xota̱ nga̱sondiee̱, a bejín!

Énkjínkón 1:7

Ngayeje xota̱ xi mejeén nga xota̱ xi kjínkón ka̱ma, tjón mára ngatamabendikón Néná. Ngatꞌa̱ xota̱ xi kitikjo̱a̱a̱, mejénjiín nga si̱ꞌanchji̱ni̱e̱, ti̱nde mejénjiín nga xota̱ xi kjínkón ka̱ma.

Énkjínkón 13:14

Ni xi bokoyá xota̱ xi kjínkoón, xikónií tsi ki̱a̱ tjitjó kjo̱a̱mindyioo̱n, kó kui nii̱ xi kꞌo̱xiéꞌaá ngi̱ya tsja kjo̱a̱bo̱yaa̱.

Énkjínkón 14:16

Xota̱ xi kjínkoón tsakjón má ni xi ndajiín, kó ꞌbijñámasien, ta̱nga xota̱ xi kitikjo̱a̱a̱ nkꞌa ꞌboxié yojoo̱, kó jmí ni ndasénjiín.

Énkjínkón 16:17

Xota̱ xi kixi̱i̱, ꞌbijñámasien ni xi ndajiín, kó xi koo̱n ni xi tsꞌén, kjo̱a̱mindyioo̱n boá xi tsꞌénkoón.

Énkjínkón 16:6

Kjo̱a̱ni̱ma̱takón ko̱jo kjo̱a̱kixi̱ boá xi niꞌánjetakónni ngo jé, kó kjiꞌanga yandikón Néná, kuí nii̱ xi tsꞌén nga niꞌánkjìi̱n yojoná ni xi ndajiín.

Énkjínkón 3:7

Ngata̱ nkꞌakonjín ꞌnaxié ji yojòo̱ kjo̱a̱a̱ nga kjínkón ji, che̱ndikín jí Néná, kó tji̱taxíntꞌée̱ ni xi ndajiín,

Énkjínkón 8:13

Xota̱ xi bendikón Néná, chꞌórií ni xi ndajín. An chꞌóna kjo̱a̱nkꞌakoo̱n ko̱jo nga je ꞌnaxié yojoná, ko̱jo ndi̱yà xí ndajiín, ko̱jo én xí chꞌo aa̱.

Énkjínkón 9:10

»Ngayeje xota̱ xi mejeén nga xota̱ xi kjínkón ka̱ma, tjón mára ngatamabendikón Néná. Kjiꞌanga yà kuí Néná xí tsjiee̱, kuí nii̱ xi bokó nga tjínná kjo̱a̱kjíntakón.

Eklesiastee̱ 12:13

Ngayeje kui eén bi̱ tsꞌén fetꞌani: Che̱ndikín jí Néná, kó ti̱ꞌinkjatjosén ji kjo̱a̱botíxomaa̱. Kuí boá kui nii̱ xi chjiéngá sa̱ꞌín ngayeje xota̱ nga̱sondiee̱.

Ndeuteronomio̱ 29:29

»Tjín ni xi tjiꞌmaá Néná, kó ta̱kuítsí xi be mí nii̱ bo̱a̱, ta̱nga ñá katsjáná ngayeje kui kjo̱a̱botíxomaa̱, tsi̱ꞌe̱ nga ñá ko̱jo xota̱ tji̱e̱ xi jaskan kꞌuiéná sa̱ꞌínkjatjosón ngatsjéni̱xtjin».

2 Timoo̱ 2:19

Ta̱nga ta̱kó ꞌniú tikón eén Néná, kó tikón xikoó ngo xó xí ꞌbítjatsꞌennii̱ ngo ndiꞌa, nínga bi̱ tsꞌén kjitꞌa: “Ndi̱a̱ná be kuí xota̱ xi je tsi̱ꞌe̱”, ko̱jo: “Ngayeje xota̱ xi míꞌátjéni nga tsꞌénkáxoma jaꞌeén Néná, ngatꞌíndomasien ngayeje ni xi ndajiín.”

1 Xo̱jo̱o̱n Peé 3:11

Ngatangaa̱ ni xi ndajiín, kó ni xi ndaa̱ xi nga tsꞌén, ngatangase kjo̱a̱xioó, kó kui nii̱ xi ngatjítji̱ngi.