Joo̱b 27:5 - Xo̱jo̱n eén Néná

⁵ Tji̱e̱nga tikón an nga̱sondie, ꞌniú kuichjiá an nga jmí jéjínna, kó jmíni̱xtjin tsjandièjnúꞌun nga jún xi kꞌuiéjnú ngakixi̱.

Joo̱b 27:5 ပူးပေါင်းရင်းမြစ်များ

Joo̱b 13:15

Néná boá xi kjimaꞌniáko̱n an, ndatsi kui xi mejeén sa̱ꞌínkꞌiénna, ta̱nga kꞌoxiéꞌá án yojona ngindyi̱ko̱n kui.

Joo̱b 17:9

Xota̱ xi kixi̱i̱, fíra ndi̱yà xí tjimá, kó xota̱ xi jmíjéjiín ndyiojón ndyiojón kꞌuié ngasee̱ ngaꞌniú!

Joo̱b 2:3

Kósꞌe̱ Néná, bi̱ tsꞌén asíyaá: —Kótsꞌèn niꞌínkjé jí kjo̱a̱a̱ Joo̱b, moso̱ xi tsꞌénxátꞌana xi achichí ꞌniáko̱n an. Jmíjín ingo nda̱ ngayeje kui nga̱sondiee̱ xi bo̱a̱ tsꞌén ndaxota̱ ko̱jo xi kixi̱ xikoó Joo̱b. Ngatsjéni̱xtjin nga ntꞌiéꞌénna, kó chiíjín tsꞌén ni xi ndajín, ndatsi je bo̱a̱ kasení nga ndajín sa̱ꞌinjo̱ an, kó ndatsi jmí kjo̱a̱jínna nga bo̱a̱ sa̱ꞌinjo̱ an.

Joo̱b 2:9

Kó chjo̱ón Joo̱b, bi̱ kijítsoó: —Míkjo̱a̱a̱ nga to̱kó tiboke ji nga nda ji xota̱. ¡Ta̱sá chꞌo tꞌíi̱n Néná, sꞌe̱ ngataye ji ngijee̱!

Joo̱b 29:14

Ngatsjéni̱xtjin nga kixi̱tsꞌèn katsꞌensée̱n xota̱ xi ngasee̱, nga bo̱a̱ katsꞌen an, xikónií tsi kui nii̱ xi ńjño xi tsajá an kamá.

Joo̱b 31:6

¡ja̱ Néná ngatꞌachi̱bo̱a̱jona nisochi̱bo̱a̱a̱ kjo̱a̱kixi̱i̱, kó sku̱i̱e̱ nga jmí jéjínna!

Joo̱b 31:7

Tsi kje̱ꞌe ndi̱yà iskjíbé án, kó tsi ini̱ma̱na kijítji̱ngi ni xi kamábe ndyikón án, ko̱jo tsi ngi̱ya ndsa̱ án síndo ni chejé,

Joo̱b 32:1

Kjiꞌanga kamákjiín nga ján kui jaá nga Joo̱b nda tsꞌaxié yojoo̱, ngiti̱ jmí ni katsójiín.

Joo̱b 32:2

Ta̱nga ngo nda̱ xi ꞌmí Eliuu̱ achichí ꞌniú katsꞌénxchánjo̱ Joo̱b, ngatꞌa̱ nda ngase tsꞌaxié yojoo̱ ta̱bo̱a̱jiín Néná. Eliuu̱ ndií Barakee̱l boá, ndíndee̱ Buu̱, xota̱ ngo ndiꞌaa̱ Raa̱n.

Joo̱b 32:3

Kó ti̱ katsꞌénxchánjo̱ ngaján já amingoo̱ Joo̱b, ngatꞌa̱ ja̱bo̱a̱ je ítꞌajé, kó kji̱e̱ bokójín nga Joo̱b xi konnii̱.

Joo̱b 33:9

“¡Tsjie án, jmí jéjínna! ¡Jmí jéjínna, kó jmíjínna ni xi ndajín!

Joo̱b 42:7

Ngije kamaá Néná nga tsíchji̱a̱jo Joo̱b, Néná tsíchji̱a̱jo Elifaa̱, nda̱ xi chji̱a̱ni nangi Temaa̱n, kó bi̱ katsoó: »Achichí tjítsꞌenxchán án kjo̱a̱a̱ ji, ko̱jo kjo̱a̱a̱ nga jó amingo̱ tse̱. Ni xi kiꞌmíjnú kjo̱a̱a̱ an bo̱a̱jín kjiꞌi, ta̱nga ja̱koxi̱ boá ni xi katsó Joo̱b.

Joo̱b 6:29

Kixi̱ ti̱ꞌanjo̱jnúꞌun, kó ngiti̱ ta̱xkiya fongitaꞌínjínjnúꞌun ngo jé, ta̱sá tꞌíyájnú nga jmíjéjínna.

Énkjínkón 17:15

Jó má ni xi achichí chꞌoó Néná: nga si̱ꞌanjetakoón ngo xota̱ xi tjiín jé, ko̱jo nga kꞌuítꞌajé ngo xota̱ xi kixi̱i̱.

2 Xota̱ Korinto̱ 1:12

Tsjá májne̱ nga nda tikón kjo̱a̱kjíntakónjne̱, kó yàjne̱ nga tsjie, ko̱jo nga kixi̱ kisꞌiṉtso̱majne̱ ngi̱jinjnú, ko̱jo ngi̱jii̱n ngayeje xotaa̱, kjiꞌanga bo̱a̱ kiniꞌánjne̱, kjo̱a̱ndaa̱ Néná boá xi tsangíntjingijne̱, jmí tsi xikótsꞌèn tjíjinkon xotaa̱ kui nga̱sondiee̱.

Xota̱ Ngalasia̱ 2:11

Ta̱nga nga jeꞌe Peé kꞌi̱e̱ na̱xi̱ńdáꞌniú Antiokiya̱, katsꞌénxchánjo̱ tíkje̱n an, ngatꞌa̱ nga tsꞌénmonganié éntjatsi̱e̱e̱ Jesukristoo̱.

Ndeuteronomio̱ 25:1

»Ngayeje xi kꞌuieé ngo kjo̱a̱xti ngi̱jinjnú, chjiéngá ngindyi̱ko̱n jáxaá kongínjo̱, tsi̱ꞌe̱ nga kui jáxaá xi bo̱a̱ ka̱tso̱ ꞌyání xi tjiín jé, kó ꞌyání xi jmíjéjiín.