Joo̱b 19:14 - Xo̱jo̱n eén Néná

¹⁴ Xota̱ xingi̱ án je katsꞌénkjinna yojoo̱, xota̱ xi bena je katsꞌénchíyána.

Joo̱b 19:14 ပူးပေါင်းရင်းမြစ်များ

Jenesii̱s 40:23

Ta̱nga kui nda̱ ngito̱ko̱o̱ já xí tjón kotꞌa bino̱ xi ꞌbi nda̱ ree̱ ngiti̱ jaꞌátsjienjiín Kosiee̱, ta̱sá katsꞌénchíyà kjin.

Joo̱b 19:15

Xota̱ xi ki̱a̱ kisꞌińdo ndiꞌana ko̱jo chji̱ni̱e̱ꞌbona, ngotꞌe̱ ꞌne̱ kotsijenna xikoó tsi ngo xota̱ xi nde bejínna.

Joo̱b 19:19

ngayeje amingo̱na tsꞌenchꞌóna, kó xota̱ xi ꞌniú tjó kamána, je kondra̱na síndona ngotꞌe̱.

Joo̱b 42:11

Kó ngayeje ntsꞌie ko̱jo ndichja, ko̱jo ngayeje xota̱ xi kamábe ngasꞌe̱, kijíkatsijee̱n, kó ngo sꞌué xí ꞌniú katsꞌén. Katsjangaꞌniuú ko̱jo katsꞌéndajoo̱n kjo̱a̱a̱ ngayeje kjo̱a̱ni̱ma̱ xi Néná katsꞌénkjaꞌatio, kó nga ngo nga ngo kui jaá ngo to̱ntiboa ko̱jo ngo sti̱ngaro xi to̱nsinié katsjaá Joo̱b.

Xo̱jo̱n Salmoo̱ 31:12

Jè kiniꞌánchíyána xikoó ngo xota̱ xi je kꞌien, xi ngiti̱ jmíjín xi foaꞌátsjien ngasee̱, ¡xikó maá tsi ngo boso̱ xi je kamáxi̱ je kamá an!

Xo̱jo̱n Salmoo̱ 38:11

Amingo̱na ko̱jo xota̱ xi nda yaꞌana, jè katsꞌénkjinna yojoo̱ ta̱ngatꞌanii̱ nínga onna, ko̱jo xota̱ xingi̱ án ti̱ je katsꞌénkjinna yojoo̱ nga.

Énkjínkón 18:24

Tjín amingo̱ xi jmí tsi amingo̱, kó ti̱ tjín amingo̱ xi ta̱bo̱a̱jiín tsi ngo ntsꞌié má.

Kjo̱a̱chaꞌaá 1:2

Achichí ndasen kjandá nga jñoó, kó ndándyíko̱n ngaskande tꞌanijon tsꞌénkꞌándyi̱. Nde ngojín xi̱ńꞌniú xí kamámejeén ngasꞌe̱ xi mejeén tsꞌéndájoón ngotꞌe̱. Ngayeje xota̱ amingoo̱ je ngiti̱ ꞌniátakónjín, kó je kondra̱ síndonii̱.

Matioo̱ 10:21

Kó ngo ntsꞌie, ti̱ kuii̱ sa̱ꞌínkꞌasꞌien xi ingo ntsꞌiee̱ nga si̱ꞌankꞌien, kó na̱ꞌmii̱ sa̱ꞌínkꞌasꞌien ndií, kó ti̱ kui ndií kondra̱ ko̱e̱je̱e̱ xi xchaá, kó sa̱ꞌínkꞌién xkjín.

Juaa̱ 13:18

Jmí tsi kjo̱a̱a̱ ngayejejnú ni xi tꞌíxián an, jè be an ꞌyání xi je jaꞌajin an, ta̱nga tsi̱ꞌe̱ nga kjo̱tjosón ni xi kjitꞌa xo̱jo̱n eén Néná, nínga bi̱ tsoó: “Xi kꞌi̱e̱ tsꞌénkjiniejo̱na pan, kondra̱na je tikón.”