Joo̱b 16:11 - Xo̱jo̱n eén Néná

¹¹ Néná jè katsꞌénkꞌasꞌienna ngi̱ya tsja xota̱ xi ꞌniú ndajiín.

Joo̱b 16:11 ပူးပေါင်းရင်းမြစ်များ

Joo̱b 10:3

A ndakjíꞌí nga tiniꞌínꞌínní, ko̱jo nga tiniꞌínchꞌí ji ni xi ndse̱ ji katsꞌénda, ko̱jo nga tsja maa̱ ni xi tsꞌén xota̱ xi ꞌniú ndajiín.

Joo̱b 16:10

Kondra̱na tsíchji̱a̱taꞌinna, ko̱jo tsajnókiena, kó tsatꞌa tꞌanijón án, sꞌe̱ ngo tjín katsꞌén yojoo̱ nga yeꞌéna.

Joo̱b 16:12

Achichí nda tikón an katsaki, ta̱nga Néná katsꞌénkjiékjo̱a̱na, xikoó tsi kjásén án iskjíbé, sꞌe̱ katsꞌénxi̱na, kó ta̱soboá án askjanjo̱na.

Joo̱b 19:22

Míkjo̱a̱a̱ nga ndyi̱miyotji̱ngijnúꞌun xikó tjítsꞌénjo̱na Néná. A kji̱e̱ tsiejínjnú nga ndyi̱niꞌánkjiétikónjnúꞌun.

Joo̱b 19:6

Ja̱ mejénna nga xcha̱jnú nga Néná boá xi tsꞌatájóna, kó kuí boá xi íjñána ngo chja̱ya̱.

Joo̱b 2:7

Kósꞌe̱ Xindajiín tsangaboaꞌá ngindyi̱ko̱n Néná, kó katsꞌénꞌoón Joo̱b nga íkitsie maá ṉdoꞌon ngayeje yojoo̱, ndeskande ngi̱ya se, ngaskande nga̱tsjà to̱ko̱.

Joo̱b 27:2

«Be án nga tikón Néná, kó jè jaꞌáxín kjo̱a̱ndana, kui Néná xi tsi̱ꞌe̱ ngayeje ngaꞌniuú, je katsꞌénxtína nga mejénjiín nga kixi̱ tsꞌén sa̱ꞌínsénna,

Joo̱b 40:8

»A niꞌínchjíjínríi̱ kjo̱a̱kixi̱ xi tsꞌen an, a si̱ꞌinjéní tsi̱ꞌe̱ nga ko̱ké ji nga ji xi tjiín ngakixi̱.

Joo̱b 9:24

Tsi ngo xota̱ xi ꞌniú ndajín kjíbé kjo̱a̱ꞌniú ngo xoꞌba, Néná boá xi bójñoó ndyi̱ko̱n xota̱ xi botíjeé. Kó tsi Nénájín xi bo̱a̱ tsꞌeén, ja̱ ꞌyání tsobo̱a̱.

Xo̱jo̱n Salmoo̱ 27:12

Ngata̱ boeꞌéndièjín ji nga kondra̱na ta̱ ni xi mejénrií sa̱ꞌínjo̱na. Ngatꞌa̱ chistiko̱ ndiso ko̱jo xota̱ xi tsꞌén ni xi ndajiín je jatjokjà kondra̱ tsa̱ꞌa̱n.

Xo̱jo̱n Salmoo̱ 31:8

Ki̱a̱jín kiniꞌínkꞌasꞌínní ngi̱ya tsja kondra̱na, ta̱sá ngo ngi̱ndie xi tiyá ikꞌíjñí ji ndsa̱ko án.

Xo̱jo̱n Salmoo̱ 7:14

Tsitsíjenjnúu̱ nga xota̱ xi ꞌniú ndajiín, xikoó tsi ndí kiniꞌánkaꞌa, sꞌe̱ kui ni xi ndajiín, kuí boá xi ndí kamá ngi̱ya nga̱ntso̱a̱, kó kjo̱a̱ndisoo̱ boá xi tsijeén.

Juaa̱ 19:16

Sꞌe̱ Pilatoo̱ katsꞌénkꞌasꞌiee̱n kui jaá Kjisoo̱, tsi̱ꞌe̱ nga ko̱ótꞌa kro. Kó kui jájuún Pilatoo̱ iskjíbé Kjisoo̱, kó kijíjo̱.

Xota̱ Roma̱ 11:32

Bi̱ kjiꞌi kui nii̱: Nde ngojín xota̱ tjín xi tsꞌénkjátjosoón Néná, kó Néná íjñá ngayeje xotaa̱ nga tsintꞌiéꞌénjín, tsi̱ꞌe̱ nga ka̱mani̱ma̱a̱ ngayeje xotaa̱.

2 Xota̱ Korinto̱ 12:7

Kó tsi̱ꞌe̱ nga jejín kꞌo̱xié an yojona kjo̱a̱a̱ kui ni xi ꞌniú chjínií xi je akóna Néná, Néná je katsjána ngo kjo̱a̱ni̱ma̱ xi tsꞌénfoaꞌatio an, xikó maá tsi ngo ndaꞌyá sisꞌieén yojona. Ngo mosoo̱ xindajín Satanaa̱ tjítsꞌénkjaꞌationa kjo̱a̱ni̱ma̱, tsi̱ꞌe̱ nga jejín kꞌo̱xié an yojona,