Joo̱b 10:21 - Xo̱jo̱n eén Néná

²¹ Ngindiee̱ nga koaꞌañáa̱ nga kjuín án nínga ngiti̱ kjoéꞌe̱ꞌoyájín an, ki̱a̱ ngi̱ndie nínga jñoó, ko̱jo nínga tikón kjo̱a̱bo̱yaa̱,

Joo̱b 10:21 ပူးပေါင်းရင်းမြစ်များ

Joo̱b 10:22

ki̱a̱ na̱xi̱ńdá nínga ꞌniú jñoó, nínga ta̱xkiya síndo ngayeje nii̱, ko̱jo nínga ndiꞌií xikó tsi jñó!”»

Joo̱b 16:22

Ta̱nga jè makjachó ni̱xtjin nga kotíjña̱ an ngi̱ya nga̱tsjo̱ó, kó ngiti̱ kji̱ndi̱báꞌoyájín an.

Joo̱b 17:13

Tsi kjo̱a̱bo̱yaa̱ xi kjo̱a̱chiyána, kó jñoó je jaꞌatjiyajoo̱n nínga kjiꞌijña an,

Joo̱b 3:13

Ngatꞌa̱ tsi kꞌien an kjiꞌa, ngotꞌe̱ ꞌne̱ xióra̱ kjiꞌifé an, kó xióra̱ tjítsꞌenkjaꞌyà an tsobo̱a̱,

Joo̱b 3:5

¡Ngo tji̱nkꞌi̱e̱én xí ꞌniú jñó ngatsꞌénjñó, ko̱jo tsi ngo ṉdi̱ jñó ngasꞌijñajin, chꞌo ngatsꞌénkꞌié, xikoó tsi ngo ni̱xtjin xi ꞌniú ndajín!

Joo̱b 34:22

Ngaskande nga ni̱xtji̱e̱n xi ꞌniú jñoó májín ꞌbíndoꞌmá xota̱ xi tsꞌén ni xi ndajiín.

Joo̱b 38:17

A jè akakoo̱ nga̱ntjo̱a̱a̱ kjo̱a̱bo̱yaa̱, a je kamáyè ji ki̱a̱ nínga botixómá kjo̱a̱bo̱yaa̱.

Xo̱jo̱n Salmoo̱ 23:4

Ndatsi ki̱a̱ tsoꞌbá an nangi són nínga tjín kjo̱a̱bo̱yaa̱, jmí ni xi ndajín stsakjonjín an, ngatꞌa̱ jí boá xi ki̱a̱ tindyintꞌení, Ńꞌniúu̱ ko̱jo yánísiée̱ boá tsjána kjo̱a̱ꞌniátakón.

Xo̱jo̱n Salmoo̱ 39:13

Xín ti̱ꞌinkjeꞌéní kjo̱a̱niꞌánxcháa̱n, tsi̱ꞌe̱ nga sa̱kóngaꞌniúna, ngindiee̱ nga kjuín án, kó ngiti̱ kotíjña̱jín an».

Xo̱jo̱n Salmoo̱ 49:20

Kui nda̱ xi yandikoón, kó makjínjín kui nii̱, ti̱ bo̱a̱ ti̱ kjiꞌinii̱ xikoó cho̱ xi fesoón.

Xo̱jo̱n Salmoo̱ 88:13

Ta̱nga an ji Ne, jí boá xi tsꞌénmíꞌaá nga ko̱si̱ke̱jení, kuíni nga xki̱ ta̱jñó, xki̱ ta̱jñó ngindyikin ji kjo̱chó kjo̱a̱ndokjo̱a̱na.

Xo̱jo̱n Salmoo̱ 88:6

Ki̱a̱ ikꞌíjñíní ki̱a̱ ti̱xa̱ xi ꞌniú na̱nga̱a̱, kui ngi̱ndie na̱nga̱ xi ta̱nisién ꞌniú jñoó.

Eklesiastee̱ 11:8

Ta̱nga ndatsi achichí kjín nó maá nga ꞌbíjñá xota̱ nga̱sondiee̱, kó nga tsjatsꞌèn kisꞌijña ngayeje kui ni̱xtjii̱n, ngatjaꞌátsjiee̱n nga ti̱ achichí ka̱ma ni̱xtjin nga sꞌi̱jñoó. Kó ngayeje ni xi sꞌe̱ ndibaá, ta̱kjo̱a̱ndaní bo̱a̱ nga.

Eklesiastee̱ 9:10

Kó ngayeje ni xi ka̱ma si̱ꞌin ji, ndatsꞌèn ti̱ꞌin ji, ngatꞌa̱ ki̱a̱ nga̱tsjo̱ó, ki̱a̱ nínga kjóchí ji, ngiti̱ jmí xájín ki̱a̱a̱, ti̱nde ngiti̱ jmíjín ni xi ma niꞌán ngase, ti̱nde ngiti̱ jmíjín kjo̱a̱kjíntakón, ko̱jo kjo̱a̱kjínkón.