Jonaa̱ 2:9 - Xo̱jo̱n eén Néná

⁹ »Ta̱nga an boá xi sa̱ꞌintsjaá kó an boá xi tsja kꞌuiéna nga si̱eé ji. Sa̱ꞌinkjatjosón an ni xi kixiaan nga sa̱ꞌin an. ¡Ngatꞌa̱ ta̱ jí tsí xi maa ꞌnaxiéꞌé ji xotaa̱!»

Jonaa̱ 2:9 ပူးပေါင်းရင်းမြစ်များ

Jenesii̱s 35:3

ngatꞌa̱ chjiéngá Betee̱l kongín, tsi̱ꞌe̱ nga ngindyi̱ko̱n Néná konginkíndyiá. Ki̱a̱ boá nínga sa̱ꞌindàa̱ ngo ṉchandikón Néná, tsi̱ꞌe̱ nga tsjàa̱ ndokꞌóchjì, ngatꞌa̱ kuí boá xi asíko̱jona kjiꞌanga kisꞌiena kjo̱a̱xti. Néná boá xi ngatsjéni̱xtjin tsoꞌbájo̱na ndi̱yà xí tsoꞌbá an».

Joo̱b 22:27

Ka̱ma ko̱ndókjoée̱, kó kuí ku̱i̱ntꞌie̱é, kó ka̱ma si̱ꞌinkjatjosén ji ni xi kiꞌmíyetjée̱n.

Xo̱jo̱n Salmoo̱ 107:22

¡Ko̱kóo̱ Néná nga máná boeꞌée̱ ndokꞌóchjì, kó si̱ꞌankꞌasꞌiée̱n kjo̱a̱tjó! ¡ꞌNiú tsjá ngatamaná nga xchaꞌayà nga kꞌuiyá ngayeje ni xi fíndikónná xi je katsꞌén kuí!

Xo̱jo̱n Salmoo̱ 27:1

Néná boá ndiꞌí xí tsꞌentsíjenna ko̱jo xi ꞌboxiéꞌána. ꞌYá xí stsakjòo̱n. Néná boá xi tsjangaꞌniúna nga tikón an. ꞌYá xí ku̱i̱ndyiándikónna.

Xo̱jo̱n Salmoo̱ 3:8

Néná boá xi ꞌboxiéꞌáná, ¡ti̱ꞌinchikonñí ji xota̱ na̱xi̱ńdáa̱!

Xo̱jo̱n Salmoo̱ 50:14

¡Ta̱sá ndibájo̱jnúꞌun kjo̱a̱tjó xi niꞌánkꞌasꞌien nga niꞌántsjaá Néná, kó ti̱ꞌankjatjosónjnúꞌun ni xi kandokjo̱a̱tjónjnú nga si̱ꞌankjatjosónjnú!

Xo̱jo̱n Salmoo̱ 50:23

Kui xi tsja̱ana ngo kjo̱a̱tjó xi niꞌánkꞌasꞌien nga boeꞌé ndokꞌóchjì, kuí boá xi tsꞌéndíkónna, kó kui xi kixi̱ ku̱i̱ꞌíndonda ndi̱yà xí tsoꞌbá, kuí boá xi kokóo̱ kjo̱a̱ꞌnaxiéꞌána».

Xo̱jo̱n Salmoo̱ 68:20

¡Néná boá kui Néná xi ꞌboxiéꞌáná, kó kuí boá xi ꞌboxiéꞌáná ngi̱ya tsja kjo̱a̱bo̱yaa̱!

Xo̱jo̱n Salmoo̱ 95:2

¡Tjian ngindyi̱ko̱n kui nga ko̱e̱ꞌée̱ ndokꞌóchji̱ì! ¡Ko̱ndáa̱ salmo̱ nga si̱ꞌantsjàa̱!

Juaa̱ 4:22

Jún yàjínjnú ni xi ndyi̱niꞌándikónjnú, ta̱nga ji̱n yàjne̱ ꞌyání xi ndyi̱niꞌántsjájne̱, ngatꞌa̱ kjo̱a̱ꞌnaxiéꞌaá ngi̱jii̱n xota̱ jundíoo̱ kjo̱tjojinni,

Ni xi kamá 4:12

Kó jmíjín ingo ngase xi ka̱maa̱ kꞌo̱xiéꞌá xotaa̱, ngatꞌa̱ Néná katsangiyajín kje̱ꞌe ngase kui nga̱sondiee̱ xi ka̱maa̱ kꞌo̱xiéꞌáná.

Xota̱ Roma̱ 12:1

Kó kuíni ntsꞌie, ꞌniú míꞌájnúꞌun ta̱ngatꞌanii̱ kjo̱a̱ni̱ma̱takoón Néná, tsi̱ꞌe̱ nga kui si̱ꞌankꞌasꞌienjnúu̱ yojojnú xikoó ngo kjo̱a̱tjó xi tikón, ko̱jo xi tsjie, ko̱jo xi tsja ka̱maa̱ Néná. Kuí bí kjo̱a̱niꞌántsjà xi ja̱koxi̱ xi chjiéngá ko̱e̱ꞌé.

Ndeuteronomio̱ 23:18

Néná chꞌórií xota̱ xi bo̱a̱ tsꞌeén, kó jmíni̱xtjin sa̱ꞌínjo̱ꞌo ngo kjo̱a̱tjó xi sa̱ꞌínkꞌasꞌien kui xotaa̱, ndatsi kui kjo̱a̱tjoó, tsi̱ꞌe̱ nga sa̱ꞌínkjatjosón ngo ni xi katsóyàtjón boá.

Xota̱ Ebreo̱ 13:15

Kuíni nga ngatsjéni̱xtjin si̱ꞌantsjàa̱ Jesukristoo̱, ngatꞌa̱ ja̱ Néná boá xi ndyi̱niꞌántsjáa̱ nga bo̱a̱ ndyi̱niꞌán, kuí nii̱ xi kjo̱a̱tjóná, ni xi ku̱i̱chji̱a̱ ndso̱ꞌbá nga ka̱tso̱yà nga Kjisoo̱ xi ndií Néná.

Ni xi akakoo̱ 7:10

Kó ngayejee̱ nga ꞌniú tsíchji̱a̱, nga bi̱ katsó: ¡Néná ko̱jo cho̱tsa̱nga̱a̱ kuí xí botixómá, kó kuí xí ꞌboxiéꞌáná!