Jonaa̱ 1:5 - Xo̱jo̱n eén Néná

⁵ Nga ngo nga ngo kui já xí tjimájo̱ kui tjotso jee̱ achichí katsakjónní, kó ndyi̱kjandayà má nga tsíchji̱a̱a̱ ne xi tsꞌéndíkón. Ngije ꞌniú ngase nda̱ kamaá ni xi kjimaa̱, tsꞌajmijin ngi̱jin ndáchíkoón ngayeje chꞌià xí ndyi̱yaꞌa tsi̱ꞌe̱ nga ka̱ma xtja̱ tjotso jee̱. Tji̱e̱nga bo̱a̱ kjima, Jonaa̱ ki̱a̱ xió kjiꞌifé nínga mindyia chꞌià xí boaꞌa kui tjotso jee̱.

Jonaa̱ 1:5 ပူးပေါင်းရင်းမြစ်များ

Joo̱b 2:4

Kó Xindajiín, bi̱ katsoó Néná: —¡Tji̱e̱nga jmíjín xi sa̱ꞌínꞌónná nínga ꞌniú ngase on ka̱máná, ngayeje nii̱ xi ndakjiꞌi! Ta̱nga tsi kjo̱a̱a̱ nga kꞌo̱xiéꞌá yojoo̱ xota̱ nga̱sondiee̱, ka̱márií sa̱ꞌín ta̱jmì niní.

Xo̱jo̱n Salmoo̱ 107:25

Néná katsjá ngo kjo̱a̱, kó kjindibá ngo tjo̱ꞌniú xí iskjininkꞌa ngaꞌniuú ndáfoaa̱.

Xo̱jo̱n Salmoo̱ 148:8

ko̱jo ndiꞌií, ko̱jo ndókoaá, ko̱jo nchꞌaàn, ko̱jo ṉdi̱xa̱a̱, ngatsꞌèntsjaà tjo̱ꞌniuú nga kui xi ntꞌiéꞌeén kjo̱a̱ xi tsjá.

Eklesiastee̱ 3:6

Ni̱xtjin nga ka̱ma ku̱i̱ndyi̱sé, ko̱jo ni̱xtjin nga ka̱ma si̱ꞌanchajà, ni̱xtjin nga ka̱ma chja̱ꞌátjó, ko̱jo ni̱xtjin nga ka̱ma ku̱i̱chíjmi.

Jonaa̱ 1:14

Ngije achichí nda̱ kamaá, kui já xí tjimáyà tjotso jee̱, ꞌniú tsíchji̱a̱a̱ nee̱ tsi̱ꞌe̱ nga bi̱ katsoó: «¡ꞌNiú ndyi̱chjiáꞌájne̱ ji ne! ¡Nga ko̱yàjínjne̱ ta̱ngatꞌanii̱ nga ngo nda̱ xi jmíjiín jeé kiniꞌánkꞌiénjne̱! Ta̱nga nga ji̱njín sꞌi̱niéjne̱ kjo̱a̱a̱ tsi ko̱yà, ngatꞌa̱ jí boá xi nejne̱, kó jí xí kamámejeén kiniꞌín ji ngayeje kui nii̱».

Jonaa̱ 1:16

Kó kui jaá nga kamábe ni xi kamaá, kui Néná xí tsi̱ꞌe̱ xota̱ Israee̱l xi Nejne̱ katsoó nga, kó katsꞌénkꞌasꞌiee̱n kjo̱a̱tjó ko̱jo índajo̱ Néná nga kui xi to̱kó sa̱ꞌíndikón.

Jonaa̱ 1:6

Kó nda̱ ngito̱ko̱o̱ kui tjotso jee̱ kijíkóntiñaa̱ Jonaa̱, kó bi̱ katsoó: —¡Mí xí tiniꞌín ji kꞌi̱e̱e̱! ¡Míkjo̱a̱a̱ nga kꞌi̱e̱ titsjafé kon ji! ¡Ti̱sítji̱n ji kó ndokjoée̱ Ne tse̱ tsi̱ꞌe̱ nga ko̱síko̱joná, tsi ta̱ꞌa ni̱ma̱ ka̱maa̱ ñá, kó kꞌo̱xiéꞌáná!

Matioo̱ 25:5

Kó nga achichí tsꞌandíyaá nda̱ xi ku̱i̱xaa̱n, ti̱chaa̱n tsindińjñá, sꞌe̱ kisꞌifé ngayeje ínchjiín.

Matioo̱ 26:43

Kó nga jachó nginí Kjisoo̱ nínga síndo kui jaá, ti̱ kamábe nginí nga kjiyojofé, ngatꞌa̱ ngaskande tjísichjá má ndyi̱ko̱n nga ńjñaá.

Matioo̱ 26:45

Kósꞌe̱ jachókoón xota̱ tsi̱ꞌe̱, kó bi̱ katsoó: –Tsjayojoféjnú ꞌne̱, kó ti̱ꞌankjaꞌyájnú, jè jachó chi̱bo̱a̱ nga ndií nda̱ xi̱ꞌii̱n si̱ꞌankꞌasꞌien ngi̱ya tsja xota̱ jé.

Ni xi kamá 27:38

Kó jaskan ngije iskjinie ngayeje ni xi kamámejeén, tsꞌajmijin to ndso̱ko̱a̱n ṉño̱paa̱n ngi̱jin ndáchíkoón tsi̱ꞌe̱ nga kamáxtja̱ ngase tjotso jee̱.