Jonaa̱ 1:4 - Xo̱jo̱n eén Néná

⁴ Ngije tjimájin ngi̱jin ndáchíkoón, Néná katsꞌénkjaꞌa ngo tjo̱ xi ta̱sasá kamáꞌniú, kó kui tjotso jee̱, jè má mejeén ma kakjan.

Jonaa̱ 1:4 ပူးပေါင်းရင်းမြစ်များ

Xo̱jo̱n Salmoo̱ 135:6

Néná tsꞌén ni xi mejeén sa̱ꞌín, ki̱a̱ nkꞌajmii̱ ko̱jo kꞌi̱e̱ nga̱sondiee̱, ko̱jo ngi̱jin nínga ꞌniú na̱nga̱a̱ ndáchíkoón.

Xo̱jo̱n Salmoo̱ 135:7

Néná ndibájo̱ná ṉdi̱i̱, ndeskande nínga ꞌniú kjinnii̱ tꞌanangii̱. Néná tsangiya nga foaꞌatꞌee̱, kui xi tsáyà nga je ko̱a̱ꞌa stseé. Néná ꞌboxiéni tjo̱o̱ ki̱a̱ ngi̱ndie nínga tikóntjoó.

Xo̱jo̱n Salmoo̱ 148:8

ko̱jo ndiꞌií, ko̱jo ndókoaá, ko̱jo nchꞌaàn, ko̱jo ṉdi̱xa̱a̱, ngatsꞌèntsjaà tjo̱ꞌniuú nga kui xi ntꞌiéꞌeén kjo̱a̱ xi tsjá.

Éksondo̱ 10:13

Kó Moisee̱ katsꞌénkjatjosón ni xi kiꞌmií. Kó ti̱ kjiꞌa Néná katsꞌénkjaꞌa ngo tjo̱ xi kjindibáni xtji̱e̱e̱n nínga fotjo tsꞌueé, kó nga ngo ni̱xtjii̱n ko̱jo nga ngo ni̱xtji̱e̱e̱n nga jaꞌa kui tjo̱o̱. Nga kisisie̱èn nga kamángindyiojón kui tjo̱o̱ kjindibájo̱ chjo̱bo̱a̱a̱. Kó kisꞌie chjo̱bo̱a̱ ngayeje nangi Ejipto̱. ¡Kji̱e̱ ngo ndi̱yà ya ngo ni xi xikoó xi̱ꞌbi̱ xi kamá!

Éksondo̱ 14:21

Kó Moisee̱ yején tsja xtji̱e̱e̱n ndáchíkoón, kó Néná katsꞌénkjaꞌa ngo tjo̱ xi ꞌniú nga ngo kui ni̱xtji̱e̱e̱n. Kó kui tjo̱o̱ jó tjín akjángá ndáchíkoón, kó ngamasiee̱n ngo ndi̱yà xí kixí kitsjien.

Éksondo̱ 15:10

Ta̱nga ji ꞌniú akjatsie ji, kó kiniꞌínkjíngándé jí ki̱a̱ ndáchíkoón. ¡Ngi̱jii̱n kui ndáfoa xi tjiín ngaꞌniuú ki̱a̱ kijíngandá xikoó chiꞌisá!

Xki̱ 11:31

Kó Néná katsꞌén nga ngi̱jii̱n ndáchíkoón yítsié ngo tjo̱ xi achichí ꞌniú. Kó kui tjo̱o̱ achichí ni̱sie tosafoá jeꞌejo̱, kó ki̱a̱ jachókatitsójó ki̱a̱ nínga síndo ndiꞌaa̱ xota̱ Israee̱l. Achichí kjín kamá kui ni̱siee̱ nga tsi nga ngo ni̱xtjii̱n kongín ndsa̱ko, sa̱kóná nga síndotikó ngaskande mejeén ngo metro̱ nga̱són tꞌanangii̱.