Jonaa̱ 1:3 - Xo̱jo̱n eén Néná

³ Ta̱nga Jonaa̱, ngindiee̱ nga ki̱a̱ ko̱e̱je̱ na̱xi̱ńdáꞌniú Nínibe̱, ta̱sá na̱xi̱ńdá Tarsii̱ kamámejeén kijí, ngo ngi̱ndie nínga ꞌniú kjin ngase, nínga kamákjiín kui, nga Néná sa̱kójiín. Kó jachó tꞌa ndáchíkoón ki̱a̱ na̱xi̱ńdáꞌniú xi ꞌmí Jope̱, kó ki̱a̱ kasakoo̱ ngo tjotso je xi je makjí má. Íchjí tsi̱ꞌe̱ nga ko̱e̱je̱ya kui tjotsoo̱, sꞌe̱ tsꞌasꞌien, kó achichí tsjátjiín, ngatꞌa̱ katsꞌénkjó nga achichí kjinnii̱ Néná nínga je tsꞌénmonga.

Jonaa̱ 1:3 ပူးပေါင်းရင်းမြစ်များ

Jenesii̱s 3:8

Kó ngije jaꞌa tjo̱ xi foaꞌa nga ma ngixoón, kui nda̱a̱ ko̱jo chjo̱ón tsintꞌié nda̱a̱ Néná nga ki̱a̱ kistsoꞌbá ngi̱ndie nínga tjitjíe̱ nii̱, kó ngi̱jii̱n yaá kisꞌińdoꞌmá nga joó.

Jenesii̱s 4:16

Kó jatjo Kaii̱n ngindyi̱ko̱n Néná, kó ki̱a̱ kijíkꞌíjñá nangii̱ xota̱ xi tjimásoón, ki̱a̱ xtji̱e̱e̱n nínga fotjo tsꞌueé ki̱a̱ ngi̱ndie xi ꞌmí Endee̱n.

Joo̱b 1:12

Kósꞌe̱ Néná, bi̱ katsoó Xindajiín: —Ndakjíꞌí tsobo̱a̱, ja̱ ta̱ ni xi mejeénri ti̱ꞌíi̱n ngayeje ni xi tjiín Joo̱b, ta̱nga ngata̱ jmí ni niꞌínje̱jín ji kui ki. Ngije bo̱a̱ kiꞌmií Xindajiín, jatjoxieni ngindyi̱ko̱n Néná.

Joo̱b 2:7

Kósꞌe̱ Xindajiín tsangaboaꞌá ngindyi̱ko̱n Néná, kó katsꞌénꞌoón Joo̱b nga íkitsie maá ṉdoꞌon ngayeje yojoo̱, ndeskande ngi̱ya se, ngaskande nga̱tsjà to̱ko̱.

Xo̱jo̱n Salmoo̱ 107:23

Xota̱ xi xcháná tsꞌatsie tjotso yiꞌi, kó atíñá ko̱jo tsꞌatsie ni kje̱ꞌe na̱xi̱ńdá, kó bo̱a̱ tsꞌén kisꞌińdo.

Jonaa̱ 1:10

Kui jaá achichí katsakjónní, kó bi̱ katsoó Jonaa̱: —Míkjo̱a̱a̱ nga bo̱a̱ kjiꞌi ni xi kiniꞌín ji. Kó mí xí si̱ꞌanjo̱jne̱ ji. ¡Ngatꞌa̱ ndáfoaa̱ tsꞌéndibániéjne̱, kó ta̱sá ma saꞌniú sáꞌniú kjimá ngase tjo̱o̱ ndáchíkoón!

Jonaa̱ 4:2

Kó achichí xtií nga bi̱ katsoó Néná: —¡Ja̱ bo̱a̱ jè bo̱a̱ kixian an Ne, ja̱bo̱a̱ jè bo̱a̱ kixian an! Bo̱a̱ má kiniꞌín ji ni xi katsꞌenkjó án nga si̱ꞌin ji nga kisꞌijña an nangina. Kuíni nga kamámejénna nga kjinnii̱ nínga tindyin ji tsanga an. »Jè be an nga achichí nda ji xota̱ Ne, nga ma ni̱ma̱a̱ ngayeje xotaa̱, ko̱jo nga achichí niꞌin kjiꞌi nga si̱ꞌinxchín jí. Achichí tsie kjo̱a̱tjó tjiín, nga kjiꞌanga sa̱ꞌinjée̱ xotaa̱ se ji, jaskan bosíkje nginí ji ni xi kandokjo̱e̱, kó bo̱a̱jín niꞌínje̱ ji ngijee̱.

Rkaa̱ 9:62

Ta̱nga Kjisoo̱, bi̱ katsoó: –Nde ngojín xota̱ xi je íjñasoón tsja ki̱cha̱ xi bokján nangii̱ kó skotsijen nginí nga̱xto̱n, xi nda ka̱maa̱ nga kꞌo̱sꞌien nínga botixómá Néná.

Ni xi kamá 15:38

ta̱nga Pabloo̱ kasasienjiín nga kjo̱jo, ngatꞌa̱ Markoo̱ nangi Panfilia̱ índomasien, kó ngiti̱ kamámejénjiín nga katsꞌén xá xí kiꞌmií.

Ni xi kamá 26:19

Kó bo̱a̱ kjiꞌi kui nii̱, nda̱ re Angripa̱, kó bo̱a̱ tsꞌén katsꞌenkjatjosón an ni xi akóna Néná xi kjindibáni ndiꞌakꞌajmi jàn,

Ni xi kamá 9:36

Kui ni̱xtjin jàn na̱xi̱ńdá Jope̱ kisꞌijña ngo na̱ xi xota̱ tsi̱ꞌe̱ Kjisoo̱ xi ꞌmí Tabita̱ (na̱ Ndorka̱, tsó kui eén nga én ngriengo̱). Kó kui xota̱chjo̱on ngatsjéni̱xtjin katsꞌén ni xi nda, kó asíko̱jo xota̱ ni̱ma̱ xi jmí to̱njiín.

Ni xi kamá 9:38

Kó na̱xi̱ńdáꞌniú Jope̱ tiña manii̱ na̱xi̱ńdáꞌniú Linda̱ nínga tikón Peé, kó kui xota̱ xi sꞌijii̱n nga tsintꞌié nga ki̱a̱ tikón, katsangiya jó já xí bi̱ katsoó Peé: –Ti̱ꞌin ngo kjo̱a̱nda tsá tꞌenje̱jne̱ na̱xi̱ńdáꞌniú Jope̱.

Ni xi kamá 9:42

Kui kjo̱a̱ndikón xí kamá kꞌi̱e̱e̱ tsintꞌié ngayeje xota̱ na̱xi̱ńdá xí síndo Jope̱, kó achichí xota̱ xi kisꞌijii̱n Ndi̱a̱ná.

Ni xi kamá 9:43

Kó Peé kjín ni̱xtjin kisꞌijña kui na̱xi̱ńdaá, ki̱a̱ ndiꞌaa̱ nda̱ xi ꞌmí Ximoo̱, nda̱ xi tsꞌéntie tji̱xi̱ín cho̱o̱.

1 Xota̱ Korinto̱ 9:16

Tsi tsꞌénꞌbini̱jmì án éntjatsi̱e̱e̱ Kristoo̱, jmí tsi kui ni nga je kꞌo̱xié an yojona, ta̱ kjo̱a̱a̱ nga tikónna ngo kjo̱a̱ꞌniú nga bo̱a̱ sa̱ꞌin an, ¡xi̱xꞌi̱a̱n xò án tsi xiyàjín an éntjatsi̱e̱e̱ Kristoo̱!

2 Xota̱ Tesalónika̱ 1:9

Kui xotaa̱, Néná sa̱ꞌínkjié ngatsjéni̱xtjin, kó kjin kꞌuíndonii̱ nínga tikón Ndi̱a̱ná, ko̱jo kjo̱a̱jee̱, ko̱jo ngaꞌniuú.