Jenesii̱s 9:3 - Xo̱jo̱n eén Néná

³ An tjítsꞌenkꞌasꞌiénjnúꞌun ngayeje cho̱ ko̱jo ngayeje xka̱ xi ma chinie tsi̱ꞌe̱ nga xi̱ni̱e̱jnú.

Jenesii̱s 9:3 ပူးပေါင်းရင်းမြစ်များ

Jenesii̱s 9:2

Ngi̱ya ndsa̱jnú tjítsꞌenkꞌasꞌien an tsi̱ꞌe̱ nga ko̱ti̱xomájnúu̱ ngayeje cho̱ xi tjín tꞌanangii̱, ko̱jo ngayeje ni̱sie xi tjín nkꞌa jàn, ko̱jo ngayeje cho̱ xi ꞌbifé yojoo̱, ko̱jo ngayeje cho̱ xi tjín ngi̱jin ndáchíkoón. Ngindyikónjnú kjo̱tsièndíkón má ngayeje kui cho̱o̱.

Lebitiko̱ 22:8

»Já chináꞌmii̱ ka̱májín skji̱ni̱e̱ yojoo̱ cho̱ xi jesón soboá, ko̱jo tsi tꞌiuaá yojoo̱ cho̱ xi cho̱ tamá katsꞌénkꞌién, tsi bo̱a̱ sa̱ꞌín, ngiti̱ tsjiejín ka̱ma. Án boá xi Nee̱ xota̱ Israee̱l.

Xota̱ Roma̱ 14:14

Be án kó ꞌniátakón an Ndi̱a̱ná Kjisoo̱ nga nde ngojín nichiniee̱ xi ndándí ngindyi̱ko̱n Néná, ta̱nga tsi ngo xota̱ xi sa̱ꞌínkjó nga ngo nichiniee̱ xi ndándí, ja̱ ndándí ka̱maa̱ kui.

Xota̱ Roma̱ 14:17

Ngatꞌa̱ nínga botixómá Néná jmí tsi nichiniee̱ ko̱jo tsi ni ꞌyoó xi ꞌniú chjínií, kjo̱a̱kixi̱i̱, ko̱jo kjo̱a̱xioó, ko̱jo kjo̱a̱tsjaa̱ A̱si̱énni̱xtjii̱n Néná xí chjínií.

Xota̱ Roma̱ 14:20

Ngata̱ niꞌínkjatsénjín ji nii̱ Néná ta̱ngatꞌanii̱ nichiniee̱. Nga ja̱koxi̱ ngayeje nii̱ xi tsjie, ta̱nga kui ni xi ndajínkjiꞌi kjiꞌá boá nga ta̱ngatꞌanii̱ nichinie sa̱ꞌínkꞌáka jé kje̱ꞌe xota̱.

Xota̱ Roma̱ 14:3

Kui xota̱ xi ngayeje nii̱ xi kjinie, chjiénjín nga chꞌo ka̱maa̱ xota̱ xi ta̱ káꞌá tsí nii̱ xi kjinie, kó kui xota̱ xi ta̱ chiboa tsí má ni xi kjinie, chjiénjín nga skotsíjee̱n tsi nda ko̱jo tsi ndajín ndyi̱tsꞌèn xota̱ xi ngayeje nii̱ xi ma kjinie, ngatꞌa̱ Néná ngayeje xotaa̱ nga katsꞌénjo̱ꞌo.

1 Xota̱ Korinto̱ 10:23

“Ma niꞌán ngayeje nii̱” tsó xotaa̱, ta̱nga jmí tsi ngayeje nii̱ xi nda sa̱ꞌínná. “Ma niꞌán ngayeje nii̱” tsó xotaa̱, ta̱nga jmí tsi ngayeje nii̱ xi tsja̱ngaꞌniúná.

1 Xota̱ Korinto̱ 10:31

Kó kuíni, tsi xi̱ni̱e̱jnú, ko̱jo tsi sꞌi̱o̱jnú, ko̱jo tsi kje̱ꞌe ni si̱ꞌánjnú, ngayeje ni xi si̱ꞌánjnú nga ta̱kó kjo̱a̱jee̱ Néná.

Xota̱ Kolosa̱ 2:16

Kó kuíni nga, ngata̱ niꞌánsénjínjnúu̱ xota̱ xikó ka̱tso̱ kjo̱a̱a̱ ni xi chiniejnú, ko̱jo ni xi ꞌyójnú, ko̱jo tsi kjo̱a̱a̱ ni̱xtjii̱n sꞌué, ko̱jo tsi kjo̱a̱a̱ sꞌué xí má nga chjindié saá, ko̱jo tsi kjo̱a̱a̱ ni̱xtjin ndikón.