Jenesii̱s 8:20 - Xo̱jo̱n eén Néná

²⁰ Jaskan Noee̱ katsꞌénda ngo ṉchandikón nínga katsꞌéndikón Néná, kó iskjíbé jó cho̱ ko̱jo cho̱ xi tjiín tsja̱nga̱ xi tsꞌénjóꞌo Néná nga niꞌánkꞌasꞌiee̱n kjo̱a̱tjó, kó ítí kui cho̱o̱ nganda tsi̱ꞌe̱ Néná.

Jenesii̱s 8:20 ပူးပေါင်းရင်းမြစ်များ

Jenesii̱s 13:18

Kósꞌe̱ Abra̱n jaꞌáxín ndiꞌa xi tji̱xi̱ín cho̱ kiniꞌándanii̱, sꞌe̱ kijíkꞌíjñá nangi Ebroo̱n, tꞌa nínga tjín yámamree̱, kó ki̱a̱ katsꞌénda ngo ṉchandikón nínga katsꞌéntsjaà Néná.

Jenesii̱s 13:4

Kó ki̱a̱ Abra̱n katsꞌéndaa̱ Néná ngo ṉchandikón, nínga katsꞌéntsjaà Néná.

Jenesii̱s 22:9

Kó nga jachó ngi̱ndie xi katsoó Néná, Abraa̱n ki̱a̱ katsꞌénda ngo ṉchandikón, kó ki̱a̱ índonda chikiín tsi̱ꞌe̱ nga ku̱i̱ꞌítí, kó ítaꞌniú tsja Isaa̱, sꞌe̱ yíjñasón nga̱soón chikín xí síndo nga̱soón ṉchandikoón.

Jenesii̱s 26:25

Kósꞌe̱ Isaa̱ ki̱a̱ katsꞌénda ngo ṉchandikón nínga katsꞌéntsjaà Néná, kó ki̱a̱ katsꞌénda ndiꞌa xi tji̱xi̱ín cho̱ kamáni, sꞌe̱ já mosoo̱ katsꞌénda ingo ndáńchꞌi̱.

Jenesii̱s 35:1

Kó Néná bi̱ katsoó Jakoo̱b: «Kjiꞌanga ikiyindikíi̱n ntsꞌie ji Esauu̱, an jatjokjaà ki̱a̱ Betee̱l, kó kuíni nga ngotꞌe̱ ꞌne̱ ki̱a̱ ti̱ndyin ji Betee̱l, kó ki̱a̱ ti̱ꞌindení ngo ṉchandikón».

Jenesii̱s 35:7

Ki̱a̱ boá nínga Jakoo̱b jatjokjaà Néná kjiꞌanga tsangandikoón Esau̱ ntsꞌi̱e̱. Kuíni nga Jakoo̱b ngo ṉchandikón katsꞌénda ki̱a̱a̱, kó kui ngi̱ndiee̱ «Néná xí tsi̱ꞌe̱ Betee̱l» ítꞌajaꞌén.

Jenesii̱s 4:4

Kó Abee̱ ti̱ kijíjoo̱ Néná ngo kjo̱a̱tjó nga, kó jaꞌájin ndí xí tjoón cho̱tsa̱nga̱ xi kamáxchaá xi ꞌniú yiꞌi ngasee̱. Kó Néná achichí tsjá kamaá kjo̱a̱tjó xi katsꞌénkꞌasꞌien Abee̱,

Jenesii̱s 7:2

Ngayeje cho̱ xi kjíbé án nga niꞌánkꞌasꞌienna ngo kjo̱a̱tjó yito xi chjo̱on yito xi xi̱ꞌin chjábé jí tsi̱ꞌe̱ nga kꞌuíndora nga̱sondie, ta̱nga cho̱ xi kjíbéjín an nga niꞌánkꞌasꞌienna ngo kjo̱a̱tjó, ngo chjo̱on ngo xi̱ꞌin tsí chjábé jí.

Jenesii̱s 8:19

Jataxie ngayeje cho̱o̱ nga, ko̱jo cho̱ xi tjiín tsja̱nga̱, ko̱jo cho̱ xi ꞌbifé yojoo̱ nga.

Joo̱b 1:5

Ngije kamá nga ngo nga ngo kui sꞌué xí katsꞌén, Joo̱b katsangiyakjaꞌá ndií, kó tsíꞌaá Néná tsi̱ꞌe̱ nga sa̱ꞌínjetakoón ta̱jmì jéní xi katsꞌén kui jaá. Joo̱b achichí ta̱jñó fostjíe̱n nga tsꞌenkꞌásꞌieén Néná ngo kjo̱a̱tjó nga ítií cho̱ kjo̱a̱a̱ nga ngo nga ngo ndií. Joo̱b katsꞌén kui nii̱ ngatꞌa̱ katsꞌénkjó nga tsi ta̱ katsꞌénjé jaá nga chꞌo katsoó Néná, ko̱jo tsi chꞌo tsꞌén íjin ngi̱jin ini̱ma̱a̱. Kamángá maá Joo̱b nga kui nii̱ katsꞌén ndyiojón ndyiojón.

Éksondo̱ 10:25

Kó Moisee̱ bi̱ katsoó: —Jmí. Chjiéngá ko̱jo cho̱yojojne̱ ko̱jo cho̱tsa̱nga̱jne̱ kongínjo̱jne̱. Yàjínjne̱ kókjiꞌi kjo̱a̱tjó xi si̱ꞌankꞌasꞌienjne̱, ngatꞌa̱ ngaskande nga kjóchójne̱ ka̱tso̱yàjne̱ Néná. Kó jún boá xi ko̱e̱ꞌéjne̱ ji̱n kjín ngase cho̱ xi si̱ꞌankꞌasꞌienjne̱ Nejne̱.

Éksondo̱ 29:18

Kó ki̱a̱ nga̱són ṉchaa̱n tꞌítí ji ngayeje kui nii̱, kuí boá kui nii̱ kjo̱a̱tjó xi sije̱n ka̱mana an, tsi̱ꞌe̱ nga sa̱ꞌinjetakón an jeé xotaa̱.

Éksondo̱ 29:25

Sꞌe̱ jaskan kui jaá ngatsꞌénkꞌásꞌieén ji paa̱n ko̱jo yojoo̱, kó nganda tsa̱ꞌa̱n tꞌítí ji ki̱a̱ ṉchandikoón, xikoó ngo kjo̱a̱tjó xi sije̱n mana.

Xota̱ Roma̱ 12:1

Kó kuíni ntsꞌie, ꞌniú míꞌájnúꞌun ta̱ngatꞌanii̱ kjo̱a̱ni̱ma̱takoón Néná, tsi̱ꞌe̱ nga kui si̱ꞌankꞌasꞌienjnúu̱ yojojnú xikoó ngo kjo̱a̱tjó xi tikón, ko̱jo xi tsjie, ko̱jo xi tsja ka̱maa̱ Néná. Kuí bí kjo̱a̱niꞌántsjà xi ja̱koxi̱ xi chjiéngá ko̱e̱ꞌé.

Xota̱ Ebreo̱ 13:10

Ngindyi̱ko̱n Néná tikónná ngo ṉchan nínga niꞌánkꞌasꞌien kjo̱a̱tjó, kó ya nga chináꞌmi xi tsꞌén xaá ndiꞌańjñoo̱, jmíjiín kjo̱a̱nda nga ka̱ma skji̱ni̱e̱ kjo̱a̱tjó xi niꞌánkꞌasꞌien ṉchanná.

1 Xo̱jo̱o̱n Peé 2:5

ko̱jo jún kjimajnú xikoó ndi̱jo̱ xi síndo tikón, kó Néná boá xi iskjininkꞌajnú xikoó ngo na̱ngo̱xi̱ xi jmí tsi kui nga̱sondiee̱ chji̱a̱ni, bo̱a̱ tsꞌén nga jún boá xi kiniꞌánjnú xikoó chináꞌmi tsjiee̱ Néná, xi tsꞌenkꞌásꞌieén kjo̱a̱tjó xi tsja maa̱ Néná ngatꞌaa̱ Jesukristoo̱.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.