Jenesii̱s 50:24 - Xo̱jo̱n eén Néná

^24-25 Jaskan ngije jaꞌa ni̱xtjin, Kosiee̱ bi̱ katsoó já ntsꞌi̱e̱: «Jè ta̱ chiboa tsí ni̱xtjin chajaa̱ nga ko̱yà an. Ta̱nga nga sꞌijinjnú nga Néná boá xi kji̱ndi̱bákasikójojnú, kó kuí boá xi ko̱e̱je̱jo nginíjnú nínga tikón kui tꞌanangi xi katsóyàtjón nga tsja̱á Abraa̱n, Isaa̱ ko̱jo Jakoo̱b. Kó jún chjiéngá ngiboanéná tꞌínjnú nga kjiꞌanga kjo̱chó ni̱xtjin kongínjo̱jnú ńdana kꞌi̱e̱e̱ ngije ko̱yà an».

Jenesii̱s 50:24 ပူးပေါင်းရင်းမြစ်များ

Jenesii̱s 12:7

Kó Néná jatjokjaà Abra̱n ki̱a̱a̱, kó bi̱ katsoó: «Xota̱ tji̱e̱ tse̱ boá xi tsjàa̱ ngayeje kui tꞌanangii̱». Kó Abra̱n ki̱a̱ katsꞌéndaa̱ ngo ṉchandikón Néná, ngatꞌa̱ ki̱a̱ jatjokjaà.

Jenesii̱s 13:15

Ngatꞌa̱ ngayeje kui tꞌanangi nínga tsꞌén be ndyikin ji, kuí boá xi ngatsjéni̱xtjin tsjaa ji ko̱jo ngayeje xota̱ tji̱e̱ tse̱.

Jenesii̱s 13:17

Ti̱sítji̱n ji, kó tꞌentsitsíjin ji nga tiyaá ko̱jo nga ndojoó tꞌanangii̱, ngatꞌa̱ jè ji tjítsꞌenkꞌasꞌieen».

Jenesii̱s 15:18

Kui ni̱xtjin jàn Néná índajo̱ ngo ni Abra̱n, kó bi̱ katsoó: «Xota̱ tji̱e̱ tse̱ xí tsjàa̱ kui tꞌanangii̱, xi ꞌbítsi̱yani ndeskande ndejèꞌ xi tikón Ejipto̱ ngaskande ndejèꞌ je xi ꞌmí Éufratee̱,

Jenesii̱s 15:8

Kó Abra̱n bi̱ katsoó Néná: —¡Ne ko̱jo re tsa̱ꞌa̱n! Kó kótsꞌèn skuie an nga ja̱koxi̱ nga an si̱ꞌinkꞌasꞌínní kuí tꞌanangii̱.

Jenesii̱s 21:1

Kó Néná katsꞌénkjatjosón ni xi katsoó na̱ Saraa̱ nga sa̱ꞌín. Kó kui ni̱xtjin xi katsó, tsaꞌa na̱ Saraa̱ ngo ndí xí tsi̱ꞌe̱ Abraa̱n, ndatsi Abraa̱n jè ꞌniú xchá.

Jenesii̱s 28:13

Kó kamábe nga nínga tikón ndyi̱ko̱n kui yákíjo̱o̱n, ki̱a̱ tikón Néná, kó Néná bi̱ katsó: «Án boá xí Nee̱ Abraa̱n, ko̱jo xi Nee̱ Isaa̱, kó tsꞌénxiyaa nga kui tꞌanangi nínga titsjajni ji, ji ko̱jo xota̱ tji̱e̱ tse̱ boá xí tsjàa̱.

Jenesii̱s 3:19

»Tsie kjo̱a̱ni̱ma̱ ku̱i̱tja̱tí nga si̱ꞌinxé jí tsi̱ꞌe̱ nga sa̱ko̱ó ni xi xi̱ni̱ ji. Bo̱a̱ ka̱ma ngaskande ni̱xtjin nga ko̱yè jí, kó ka̱ma nginí ji chojo, ngatꞌa̱ chojoo̱ boá xi katjóbé nga kamánda ji. Ngatꞌa̱ ta̱ chojo tsí jí, ¡kó chojo ka̱ma nginí ji!»

Jenesii̱s 35:12

Tꞌanangi xi katsjáa̱ Abraa̱n ko̱jo Isaa̱ kuí boá xi ti̱ tsjaa ji ngotꞌe̱, kó jaskan tsjàa̱ xota̱ tji̱e̱ tse̱».

Jenesii̱s 47:29

Ngije makjachó ni̱xtjin nga ko̱yà, tsíchji̱a̱a̱ Kosiee̱ kui xi ndií, kó bi̱ katsoó: —Ngo kjo̱a̱nda kuíꞌaá xi̱ꞌin, kó ngiboanéná tꞌín ji nga si̱ꞌinkjatjosén ji. Tsi ja̱koxi̱ nga tjoó an, ngiboanéná tꞌín ji nga ngije ko̱yà an, nga kꞌi̱e̱jín kjónijínní nangi Ejipto̱.

Jenesii̱s 48:21

Jaskan Jakoo̱b, bi̱ katsoó Kosiee̱: —Jè ta̱ chiboa tsí ni̱xtjin chajana nga ko̱yà án, ta̱nga Néná kꞌuijñájo̱jnú, kó kuí boá xi kjo̱jo nginií nangii̱ na̱ꞌmindyiboáa.

Jenesii̱s 50:5

nga na̱ꞌmina ngije mejeén ma kꞌien, nga ngiboanéná tꞌín ji katsóna, nga ki̱a̱ konijín an kui nga̱tsjo̱ó xí je íjñanda kui, kui xi tikón nangi Kanaa̱n. Kó kuíni nga ꞌniú míꞌáa̱ nda̱ ree̱ nga tsja̱ndièna nga kjuínkánijín an na̱ꞌmina, kó ngije kamá, kji̱ndi̱bá ngiñá an kꞌi̱e̱e̱.

Joo̱b 30:23

kó jè be án nga kjiꞌa kjo̱chó ni̱xtjin ki̱a̱ kꞌuínje̱ní kjo̱a̱bo̱yaa̱, nínga tikón ngi̱ndie nínga ku̱i̱ndyionjne̱ ngatsjéni̱xtjin.

Éksondo̱ 12:51

kó kuí má ni̱xtjii̱n nga Néná tsꞌaxié xota̱ Israee̱l ki̱a̱ nangi Ejiptoo̱.

Éksondo̱ 13:19

kó Moisee̱ atíxomaa̱ kui xotaa̱ tsi̱ꞌe̱ nga kijíjo̱ ńdaa̱ Kosiee̱, ngatꞌa̱ ngindiee̱ nga ko̱yà Kosiee̱, bi̱ katsoó já ntsꞌi̱e̱: «Beriíko̱n an nga ja̱koxi̱ boá nga Néná kji̱ndi̱bákasikójojnú, kó kjiꞌanga bo̱a̱ ka̱ma, tangínjo̱jnú ńdana».

Éksondo̱ 33:1

Néná bi̱ katsoó Moisee̱: «Tja̱tje ji kui ngi̱ndiee̱, kó tꞌenje̱ ji xota̱ na̱xi̱ńdá xí kaꞌnaxié ji nangi Ejipto̱, ki̱a̱ tꞌanangi xi ji tsjaa kixiáa̱n Abraa̱n, ko̱jo Isaa̱, ko̱jo Jakoo̱b. Án boá xi ja̱koxi̱ boá nga tsjàa̱ xota̱ tji̱e̱ tse̱ kixiáa̱n. ¡Achichí nda kui tꞌanangii̱, nínga tjín tsie ni xi ma chinie! An sangiya an ndítsjiena tsi̱ꞌe̱ nga ko̱e̱je̱tjoón, kó kꞌoxié an kui ngi̱ndiee̱ ngayeje xota̱ na̱xi̱ńdá xi ntꞌiéꞌénjínna. »Bo̱a̱ tꞌíi̱n xota̱ Israee̱l nga kjuínjo̱jín an, ngatꞌa̱ jè achichí kitikjo̱a̱ kamá, kó tsi sa̱ꞌínjé nginí, tsi ndajín ni̱xtjin, sa̱ꞌinkjié an ngi̱ya ndi̱ya̱à. Tji̱e̱n ngatjaꞌáxínra ngayeje ni tsjakon xi tsꞌénkjién nga bónda yojoo̱. Ngi̱chí sájín, án xí be an kóra̱ sa̱ꞌìi̱n kui nii̱». Ngije bo̱a̱ katsoó Moisee̱, xota̱ Israee̱l achichí ndasen kisꞌińdo, ngatꞌa̱ Néná ꞌniú katsꞌénxchánjo̱. Kó ti̱ kjiꞌa ingojín xi katsꞌénkjién ngase ni xi tsꞌénkjién nga bónda yojoo̱.

Éksondo̱ 4:31

Kó xota̱ Israee̱l katsꞌénsꞌijii̱n Moisee̱, kó nga tsintꞌié nga Néná ko̱síko̱jo kui xotaa̱, asiéntikoó ngaskande nga kisitꞌaa̱ xtjien tꞌanangii̱, kó katsꞌéntsjaà Néná.

Eklesiastee̱ 12:5

Kjiꞌanga kjo̱chó ni̱xtjin nga ko̱ndaki̱n nínga nkꞌaa̱, ko̱jo ko̱ndaki̱n jí ndi̱yà nínga tiꞌmi, kó kjiꞌá boá nga kjo̱tjoo̱ naxó yá almendraa̱, kó chjo̱bo̱a̱a̱ sa̱ꞌínniꞌiin, kó ngiti̱ bojójín ka̱maa̱, ngatꞌa̱ xotaa̱ je ko̱e̱je̱ ngi̱ndie nínga tikón kjo̱a̱mindyion ngatsjéni̱xtjin, kó ngi̱ya ndi̱yàtieé kꞌuimá xi skja̱ndátjé kjo̱a̱a̱ nga je jesón.

Eklesiastee̱ 12:7

Ngindiee̱ nga chojo ka̱má nginí ji, xikoó ngasꞌe̱, kó a̱si̱énni̱xtjìi̱n Néná skjíbé nginí, ngatꞌa̱ kuí boá xi katsjá.

Xki̱ 32:11

“Ja̱ kó nga kamámejénjiín tsintꞌiéꞌénna, ja̱koxi̱ ni xi xian an, nga ngojín kui xota̱ xi jatjoni nangi Ejipto̱ xi je tsꞌatio kan noó, xi kꞌo̱sꞌien kui tꞌanangi xi tsjajnúꞌun kixiáa̱n xota̱ xi xchájnú, kui xi Abraa̱n, ko̱jo Isaa̱, ko̱jo Jakoo̱b.

Xota̱ Roma̱ 5:12

Kó kuíni nga, xikoó nga jeé jeꞌe kui nga̱sondiee̱ kjo̱a̱a̱ ni xi katsꞌén Andaa̱n, kó nga jeé jeꞌejo̱ kjo̱a̱bo̱yaa̱, kuíni nga kjo̱a̱bo̱yaa̱ kasakoo̱ ngayeje xotaa̱, ngatꞌa̱ ngayejee̱ nga katsꞌénjé.

Ndeuteronomio̱ 1:8

Tangínjnú kó ti̱ꞌantsa̱júnjnú kui ngi̱ndiee̱ nga ku̱i̱xkánjnú, ngatꞌa̱ án boá xi tsjajnúꞌun kixiáa̱n Abraa̱n, ko̱jo Isaa̱, ko̱jo Jakoo̱b. Kó ti̱ bo̱a̱ kixiáa̱n nga ko̱jo jún tsjajnúꞌun, ngatꞌa̱ jún boá xi xota̱ tji̱e̱e̱ kui xotaa̱”». Moisee̱ bi̱ katsó ngasee̱ kui xotaa̱:

Ndeuteronomio̱ 6:10

»Néná katsóyàtjoón Abraa̱n, ko̱jo Isaa̱, ko̱jo Jakoo̱b, nga jún tsja̱ajnú kui tꞌanangii̱, ngatꞌa̱ jún boá xi xota̱ tji̱e̱e̱ kui xotaa̱. Kó kuíni nga jún boá xi ku̱i̱ndyionjnú na̱xi̱ńdáꞌniú xí yiꞌi, ko̱jo xi achichí tsjákón xi júnjín kiniꞌándajnú,

Xota̱ Ebreo̱ 11:22

Ta̱ngatꞌanii̱ kjo̱a̱sꞌijii̱n Kosiee̱, kuíni nga ngije ma kꞌien má, bo̱a̱ katsó nga xota̱ Israee̱l sájín kjo̱tjoni nangi Ejipto̱, kó atíxomaa̱ kjo̱a̱a̱ kó sa̱ꞌiín kui xotaa̱ ńdaa̱.

Xota̱ Ebreo̱ 9:27

Xikó tsꞌén tikón nga ngayeje xotaa̱ nga ta̱ ngo tsí ndi̱yà ko̱yà, sꞌe̱ jaskan Néná ka̱tso̱yà tsi nda ko̱jo tsi ndajín katsꞌén.