Jenesii̱s 49:28 - Xo̱jo̱n eén Néná

²⁸ Bo̱a̱ tsꞌén katsꞌénchikonñé Jakoo̱b nga tiejó ndií. Nga ngo nga ngo kui jaá xi chji̱a̱ni nga tiejó xota̱ tji̱e̱e̱ Israee̱l, katsjaá kui kjo̱a̱niꞌánchikonñé xi tsoboaá.

Jenesii̱s 49:28 ပူးပေါင်းရင်းမြစ်များ

Jenesii̱s 35:22

Tji̱e̱nga kisꞌijña Jakoo̱b kui ngi̱ndiee̱, ndií kui xi ꞌmí Rubee̱n kisꞌiejo̱ na̱ Bilaa̱, kui xi chjo̱on mánii̱ Jakoo̱b, kó tsintꞌié kuí nii̱ Jakoo̱b. Tiejó kamá ndií Jakoo̱b.

Jenesii̱s 49:27

»Kó jí Benja̱, jí boá xi xikoó ngo cho̱lobo̱ xi tamá, kui xi nga ta̱jño̱ó kjinie cho̱ xi katsꞌénkꞌién, kó nga kamángixoón tsꞌénkábí ni xi ꞌbongii̱.»

Jenesii̱s 49:29

Ngije katsꞌénchikonñé ndií Jakoo̱b, bi̱ tsꞌén atíxomaa̱: «Jè ta̱ chiboa tsí chajana nga ko̱yà an, kó mejénna nga ngo kjo̱a̱nda kuíꞌájnúꞌun, ngije ko̱yà án ki̱a̱ tjanijínjnúꞌun nínga kjiyojonijín xota̱ xi xchána. Ki̱a̱ ti̱xa̱na̱xi̱ xi tikón kꞌijñá xi Abraa̱n tsꞌatsiee̱ Efroo̱n nda̱ xi xota̱ itita̱ chji̱a̱ni, tsi̱ꞌe̱ nga ki̱a̱ ko̱ónijín na̱ Sara̱ chjo̱ón. Ki̱a̱ nínga kjiyojonijín Abraa̱n ko̱jo Isaa̱ ko̱jo na̱ Rebekaa̱, kó ti̱ ki̱a̱ yinijín an na̱ Liyaa̱ nga. Kui ti̱xa̱na̱xi̱i̱ ki̱a̱ tikón nangi Kanaa̱n tꞌa kꞌijñá Makpelaa̱, kje̱n kꞌijñá Mamree̱.

Na̱ Estee̱r (Ebreo̱) 8:11

Kui xo̱jo̱o̱n ki̱a̱ kjitꞌa nga ree̱ tsꞌéntsjákjo̱a̱, nga xota̱ jundíoo̱ ka̱ma ku̱i̱ꞌítikó xtín xkjín ngayeje na̱xi̱ńdáꞌniú, tsi̱ꞌe̱ nga kꞌo̱xiéꞌá yojoo̱, ko̱jo nga ka̱ma sa̱ꞌínkjié, ko̱jo sa̱ꞌínkꞌién ngayeje xota̱ xi skjánjo̱ xi chji̱a̱ni ngo na̱xi̱ńdá ko̱jo tsi nangi, kó nga ndasénjín ka̱maa̱ tsi ndí xi̱xi̱ ko̱jo tsi ínchjín, ko̱jo nga ka̱ma sa̱ꞌíntsi̱ꞌe̱ ni xi tjiín.

Na̱ Estee̱r (Ebreo̱) 8:7

Kósꞌe̱ re Asueroo̱, bi̱ katsoó na̱ re Estee̱r ko̱jo Marndokeo̱ xota̱ jundíoo̱: —An jè katsꞌenkꞌasꞌièe̱n na̱ re Estee̱r ndiꞌaa̱ Amaa̱n, kó Amaa̱n jè ikjienboaꞌa, ti̱ kuii̱ yá katsjákjo̱a̱ nga kamánda, ngatꞌa̱ kamámejeén katsꞌénkꞌién xota̱ jundío̱.

Na̱ Estee̱r (Ebreo̱) 8:9

Kósꞌe̱ kandokjo̱a̱a̱ xota̱ chji̱ni̱e̱xo̱jo̱o̱n ree̱, ni̱xtjin kan ján sá xí ma jaán, kui sá xí sibaa̱n kiꞌmí, kó kiniꞌánꞌindó xo̱jo̱n kjo̱a̱a̱ xikó katsó ngayeje ni xi atíxoma Marndokeoo̱, tsi̱ꞌe̱ xota̱ jundíoo̱, ko̱jo ngito̱ko̱o̱ xtín nangi, ko̱jo ngito̱ko̱o̱ nangi, ko̱jo xota̱ xi tjiín xá xki̱ na̱xi̱ńdáꞌniú, ndeskande nangi India̱ ngaskande nangi Etiopiyaa̱, úchán ko̱jo kan yito nangi kamá ngayejee̱. Kó bo̱a̱ tsꞌén kiniꞌánꞌindó xikótsꞌèn niꞌánda xo̱jo̱n ko̱jo xikótsꞌèn chji̱a̱ xotaa̱ nga ngo nga ngo nangii̱, ko̱jo xikótsꞌèn tsꞌénda xo̱jo̱n ko̱jo xikótsꞌèn chji̱a̱ xota̱ jundíoo̱ nga.

Xki̱ 23:24

»Xikónií tsi ngo xtín xandi̱je̱, xi je mejeén sa̱ꞌínkꞌién cho̱ xi skji̱ni̱e̱. Xota̱ na̱xi̱ńdá Israee̱l sa̱ꞌínkjaꞌyájín ngaskande nga sa̱ꞌiín nga skjánjo̱ xota̱ kondraa̱».

Ni xi kamá 26:7

kó nga tiejó tji̱e̱e̱ xota̱ xi chji̱a̱ni Israee̱l ndyi̱koya nga Néná sa̱ꞌínkjatjosón kui nii̱, kó kuíni nga ndyi̱bendikón Néná, kó ndyi̱tsꞌènseén Néná nga ni̱xtjin ko̱jo nga ni̱xtji̱e̱n. Ta̱ngatꞌanii̱ kui kjo̱a̱chiyaá, ji nda̱ re Angripa̱, nga xota̱ jundíoo̱ ndyi̱bongítaꞌinna ngotꞌe̱.

Ndeuteronomio̱ 33:1

Moisee̱ boá xi kamá ngo nda̱ chji̱ni̱e̱ꞌén xí katsꞌénxátꞌaa̱ Néná. Ngindiee̱ nga ko̱yà, katsꞌénchikonñé xota̱ Israee̱l,

Xo̱jo̱o̱n Sandiyaá 1:1

Án boá xi ꞌmína Sandiyá, mosoo̱ Néná xí Na̱ꞌmii̱ ko̱jo Ndi̱a̱ná Jesukristoo̱, tsꞌentindejnúꞌun jún xi tiejó xota̱ tji̱e̱e̱ Israee̱l xi kastsojoboajnú ngayeje són nga̱sondiee̱.

Ni xi akakoo̱ 7:4

Kó tsintꞌie an kótjín kamá xi kiniꞌánkaꞌa kui chi̱bo̱a̱a̱: Úchán ko̱jo yichán nijón mi̱ ma xi chji̱a̱ni tji̱e̱e̱ xota̱ xi chji̱a̱ni Israee̱l.