Jenesii̱s 46:34 - Xo̱jo̱n eén Néná

³⁴ bo̱a̱ tꞌínjnúu̱ nga ndeskande koó ngasꞌe̱ nga cho̱ niꞌánxchájnú xikó katsꞌén xota̱ xi xchájnú, tsi̱ꞌe̱ nga ki̱a̱ ku̱i̱ndyionjnú nangi Ngosee̱n. Kjo̱a̱a̱ nga xota̱ Ejiptoo̱ tsjajiín nga tiña ꞌbíndo nínga síndo xota̱ xi koo̱n cho̱tsa̱nga̱a̱.

Jenesii̱s 46:34 ပူးပေါင်းရင်းမြစ်များ

Jenesii̱s 13:7

Kui ni̱xtjin jàn ti̱ ki̱a̱ kisꞌińdo xota̱ Kanaa̱n ko̱jo xota̱ Feree̱ nga. Ngo ndi̱yà já xí koón cho̱tsa̱nga̱a̱ Abra̱n ko̱jo tsi̱ꞌe̱ Loo̱t ísejo̱ xkjín,

Jenesii̱s 13:8

kósꞌe̱ Abra̱n, bi̱ katsoó Loo̱t: «Mejénjínna nga kjo̱a̱xti kꞌuiéná nga jó ñá ko̱jo nga kjo̱a̱xti kꞌuieé já xí koón cho̱tsa̱nga̱ná ngatꞌa̱ xingi̱ ñá má.

Jenesii̱s 26:20

Ta̱nga já moso̱ xi koo̱n cho̱tsa̱nga̱ xi chji̱a̱ni nangi Ngeraa̱r, ko̱jo já moso̱ xi koo̱n cho̱tsa̱nga̱a̱ Isaa̱ askjantjéni kui ndáńchꞌií nga tsa̱ji̱n boá ndáfoa xi tjitjoó katsó. Kuíni nga Isaa̱ «Xi ikixkántjéni» ítꞌajaꞌén kuí ndáńchꞌií.

Jenesii̱s 30:35

kó ti̱ kui ni̱xtjin Labaa̱n índotꞌaxín tindso̱ xi̱ꞌin xi indoó ko̱jo tindso̱ ínchjín xi indoó, ko̱jo ngayeje cho̱ xi chií tiboa jin, ko̱jo ngayeje cho̱tsa̱nga̱ xi jmaá, kó jaá katsꞌénkꞌasꞌiee̱n tsi̱ꞌe̱ nga kui skoón.

Jenesii̱s 34:5

Jakoo̱b tsintꞌié nga chꞌo kiniꞌánjo̱ kjo̱a̱ꞌniú tsa̱kji̱ín, kó jmí ni katsójín ngaskande nga jachó jaá, ngatꞌa̱ cho̱ xi tjiín kijíkatsijee̱n ngi̱jin kꞌijñá jàn kuí jaá.

Jenesii̱s 37:12

Já ntsꞌi̱e̱ Kosiee̱ kijítsꞌénkjién cho̱tsa̱nga̱a̱ na̱ꞌmii̱ ki̱a̱ nangi Sikee̱n.

Jenesii̱s 43:32

Kósꞌe̱ xín tji̱e̱n ikꞌíjñá ti̱bo̱a̱ nichiniee̱ Kosiee̱, ngatꞌa̱ já Ejiptoo̱ májín kjiniejo̱ ṉño̱ xota̱ ebreoo̱, ngatꞌa̱ ni chꞌokjiꞌi boá nga bo̱a̱ sa̱ꞌín.

Jenesii̱s 45:10

Bo̱a̱ tꞌínjnúu̱ nga ki̱a̱ kꞌuijñá nangi Ngosee̱n, kó ki̱a̱ nijan kꞌuíndo ndií, ndíndee̱, ko̱jo ngayeje cho̱o̱ ko̱jo ni xi tjiín. Kó ki̱a̱ kꞌuijñátꞌa tiñana.

Jenesii̱s 45:18

kó ngatjandibájo̱ na̱ꞌmíi̱ ko̱jo xota̱ ndiꞌaa̱. Án boá xi tsjàa̱ tꞌanangi xi nda ngasee̱ nangi Ejipto̱, kó kꞌi̱e̱ skji̱ni̱e̱ ngayeje ni nda xi maxchá kuí na̱xi̱ńdaá.

Jenesii̱s 46:32

Kó bo̱a̱ xiáa̱n nga jún cho̱tsa̱nga̱ ꞌbítji̱e̱jnú, kó nga kjindibájo̱ yejejnú cho̱tsa̱nga̱jnú ko̱jo cho̱yojojnú ko̱jo ngayeje ni xi tjínjnú.

Jenesii̱s 47:11

Kó Kosiee̱ katsꞌénkjatjosón ni xi katsó nda̱ ree̱, kó ki̱a̱ katsꞌénkꞌíndo na̱ꞌmii̱ ko̱jo já ntsꞌi̱e̱ tꞌanangi xi nda ngasee̱ nangi Ejipto̱. Ki̱a̱ kisꞌińdo kui xotaa̱ nangi Ngosee̱n, kui xi jaskan nangi Ramsee̱ kiꞌmí ngijee̱.

Jenesii̱s 47:3

Kó nda̱ ree̱, bi̱ katsoó nga asíyaá já ntsꞌi̱e̱ Kosiee̱: —Kó jún, mí xá xí niꞌánjnú. Kó kui jaá bi̱ katsó: —Cho̱tsa̱nga̱ chònjne̱ nda̱ re, kuí xaá xí katsꞌén xota̱ xi xchájne̱ nga.

Jenesii̱s 47:4

Kꞌi̱e̱ jéꞌe̱kindyion ngotjónjne̱ kui ngi̱ndiee̱, ngatꞌa̱ jè ngiti̱ jmí ni chiniejín nangi Kanaa̱n, kó ti̱ jè ngiti̱ jmí ndi̱xcho̱jiín cho̱ xi tjínjne̱ nga. ꞌNiú chjiáꞌájne̱ ji nga ko̱e̱ꞌéndièjne̱ nga ki̱a̱ ku̱i̱ndyionjne̱ nangi Ngosee̱n.

Jenesii̱s 47:6

ka̱machje̱ꞌéjin ji tꞌanangi xi mejeén tsi̱ꞌe̱ nga kꞌi̱e̱ kꞌuíndo kui na̱xi̱ńdaá. Te̱ꞌée̱ tꞌanangi xi nda ngasee̱, ki̱a̱ ngatꞌíndo nangi Ngosee̱n. Kó tsi tjín kuí jaá xi ꞌniú maá xá xí tsꞌén, te̱ꞌéxée̱ kó kuí nga koo̱n cho̱ xi tsa̱ꞌa̱n.

Éksondo̱ 8:22

Ta̱nga jmí chisien sangiyajín an nangi Ngosee̱n, nínga síndo xota̱ na̱xi̱ńdána, kui chisiee̱n xota̱ Ejiptoo̱ boá xi sa̱ꞌínxtií, ta̱nga jmí ni sa̱ꞌínjo̱jín xota̱ Israee̱l. Ti̱ ndyiojónní nga sa̱ꞌin an kui nii̱. Kó bo̱a̱ tsꞌén nga nda̱ ree̱ nangi Ejipto̱ sku̱i̱e̱ nga Nee̱ xota̱ Israee̱l ki̱a̱ tikón nangii̱».

Éksondo̱ 8:26

Kó Moisee̱ bi̱ katsoó: —Ndajínkjiꞌi nga bo̱a̱ si̱ꞌanjne̱. Xota̱ Ejiptoo̱ tsjajín ka̱maa̱ nga sku̱i̱e̱ nga Nejne̱ ndyi̱niꞌántsjájne̱ ko̱jo nga ndyi̱niꞌánkꞌasꞌienjne̱ kjo̱a̱tjó nga ndyi̱niꞌánkjiénjne̱ cho̱ xi ndikón maá kui. Tsi sku̱i̱e̱jne̱ kui xotaa̱, beriíko̱n an nga ndi̱jo̱ sa̱ꞌínkꞌiénijne̱.