Jenesii̱s 43:14 - Xo̱jo̱n eén Néná

¹⁴ Tangínjnú tsobo̱a̱ kó kui Néná xí tjiín ngaꞌniuú ngatsjaá kjo̱a̱ni̱ma̱takón kui nda̱a̱, kó ngatꞌijñándé Benjaa̱ ntsꞌiejnú xi ingoo̱ tsi̱ꞌe̱ nga nijan kji̱ndi̱bájo̱ nginíjnú. Kó an, ja̱ tsi ngiti̱ jmí ndí kꞌuiéjínna, ja̱ nga bo̱a̱ ngatama.

Jenesii̱s 43:14 ပူးပေါင်းရင်းမြစ်များ

Jenesii̱s 17:1

Kjiꞌanga kamá ichítié ko̱jo yichán nijan noó Abra̱n, Néná jatjokjaà, kó bi̱ katsoó: «Án boá kui Ne xi tsi̱ꞌe̱ ngayeje ngaꞌniuú, ndaꞌyéꞌínní ngatsjéni̱xtjin kó kixi̱ ti̱ńtje̱ ji.

Jenesii̱s 22:14

Kuíni nga Abraa̱n «Néná tsjá ngayeje nii̱» ítꞌajaꞌén kuí ngi̱ndiee̱, kó ngaskande ngotꞌe̱ ndaꞌyá nga bi̱ ꞌmí «Ngi̱jin na̱xi̱i̱, Néná tsjá ni xi machjiénná».

Jenesii̱s 28:3

Mejénna an nga kui Néná xí tjiín ngaꞌniuú ngatsꞌénchíkonñeé, kó ngatsjaá nga kꞌuieé kjín ndí. Kó ti̱ mejénna nga ngo na̱xi̱ńdá xí ꞌniú je ngatama xota̱ tji̱e̱ tse̱.

Jenesii̱s 35:11

Kó ti̱ ki̱a̱ Néná bi̱ katsó ngasee̱: «Án boá kui Ne xi tjiín ngayeje ngaꞌniuú, kó mejénna nga kjín xota̱ tji̱e̱ kꞌuieé ji, ki̱a̱ kjo̱tjojinni kjín na̱xi̱ńdá, kó ti̱ ki̱a̱ kjo̱tjojinni kjín já re.

Jenesii̱s 39:21

Néná to̱kó asíko̱jo ngase, kó akoó kókjiꞌi tjoó, ngatꞌa̱ Néná xí katsꞌén nga nda̱ ngito̱ko̱ xi tsꞌénkonda ndo̱bo̱a̱ya̱à nda katsꞌénjo̱ Kosiee̱.

Jenesii̱s 42:24

Kósꞌe̱ Kosiee̱ kijíboaꞌá chií kó achichí askjandá, sꞌe̱ jaskan jachókón nginií kó tsíchji̱a̱jo, sꞌe̱ katsjákjo̱a̱ nga ikꞌítꞌaꞌniú Simeoo̱n ngindyi̱ko̱n ngayeje kui jaá.

Jenesii̱s 42:36

Kósꞌe̱ Jakoo̱b na̱ꞌmii̱ kui jaá bi̱ katsoó: —¡Jún ndyi̱chjeꞌéxín yejejnúꞌun ndína! Kosiee̱ ko̱jo Simeoo̱n jè ngiti̱ kꞌi̱e̱jín tikónjo̱ná, ¡kó ngotꞌe̱ ꞌne̱ mejénjnú kongínjo̱jnú Benjaa̱ nga! ¡Ti̱chánní sa̱ꞌínkꞌiénna kui nii̱!

Jenesii̱s 44:12

Kósꞌe̱ nda̱ xi tikóntjoón ndiꞌaa̱ Kosiee̱ tsangase kui chi̱tse̱én, tjón má tsi̱ꞌe̱ nda xi xchá ngasee̱ askotꞌa, sꞌe̱ jetꞌani xi tsi̱ꞌe̱ nda̱ xi kjindií, ¡kó ki̱a̱ kasako kui chi̱tsen to̱ntiboaa̱ ngi̱ya koxta̱ xi tsi̱ꞌe̱ Benjaa̱!

Na̱ Estee̱r (Ebreo̱) 4:16

«Tꞌen ji kó tꞌítikí jí ngayeje xota̱ jundío̱ xi síndo na̱xi̱ńdáꞌniú Susa̱, kó ti̱ꞌankjaꞌájnú kjindiá yojojnú ngatꞌaa̱ an, kó ngata̱ jmí ni chiniejínjnú, ko̱jo ngata̱ jmí ni ꞌyójínjnú ján ni̱xtjii̱n ján ni̱xtji̱e̱n. Kó an ko̱jo ínchjín xo̱ngò moso̱na ti̱ si̱ꞌankjaꞌajne̱ kjindiá yojojne̱ nga, kósꞌe̱ kjiꞌá boá nga kjuínkóo̱n ree̱, ndatsi tsjandièjín kjo̱a̱kitii̱ ni xi sa̱ꞌin an. ¡Kó tsi sa̱ꞌínkꞌiénna ree̱, ja̱ ngatꞌien an!»

Xo̱jo̱n Salmoo̱ 100:5

Ngatꞌa̱ ndaxota̱ Néná, kó ngatsjéni̱xtjin nga tjiín kjo̱a̱ni̱ma̱takón, kjo̱a̱tjoó jmíni̱xtjin sa̱síkjo, kó kjo̱a̱ꞌniátakoón ta̱kjiꞌání nga kꞌuijñá.

Xo̱jo̱n Salmoo̱ 106:46

kó katsꞌén nga kondra̱a̱ ni̱ma̱ kamaá.

Xo̱jo̱n Salmoo̱ 119:41

Ji Ne, takéní kjo̱a̱tjóo̱, kó ꞌna̱xiéꞌéní, xikó má kase nga kiꞌmíyetjén ji.

Xo̱jo̱n Salmoo̱ 85:7

¡Ji Ne, takejne̱ kjo̱a̱ni̱ma̱takóo̱n, kó ꞌnaxiéꞌéjne̱!

Énkjínkón 1:1

Énkjínkón xi katsꞌénda Salomoo̱, nda̱ ree̱ nangi Israee̱l, kui xi ndií Ndabii̱ kamá.

Énkjínkón 16:7

Kjiꞌanga Néná tsjá maá kjo̱a̱a̱ xikótsꞌèn síndo xotaa̱, ngaskande ko̱jo xota̱ xi kondra̱a̱, nijan ꞌbeé kjo̱a̱xió.

Énkjínkón 21:1

Ngi̱ya tsja Néná, ini̱ma̱a̱ ree̱, xikónií ngo ndejèꞌ, xi fí ndi̱yà xí mejeén Néná nga ko̱e̱je̱.

Rkaa̱ 1:50

Néná tsjaá kjo̱a̱ni̱ma̱takón ngayeje tji̱e̱e̱ xota̱ xi sku̱i̱e̱ndikón kuí.

Juaa̱ 19:22

Sꞌe̱ bi̱ katsó Pilatoo̱: –Ni xi je itꞌa an, jé itꞌa an.

Ni xi kamá 21:14

Kó nga kamáꞌindakónjínjne̱, ta̱sá bi̱ kiꞌmíjne̱: –Ngatama ni xi mejeén Ndi̱a̱ná nga ka̱ma.

Ni xi kamá 7:10

kó kui Néná tsꞌaxiéꞌá ngayeje kjo̱a̱ni̱ma̱ xi jaꞌajin, kó katsjaá kjo̱a̱nda, ko̱jo kjo̱a̱kjínkón ngindyi̱ko̱n nda̱ re xi chji̱a̱ni nangi Ejipto̱, kó kui nda̱ ree̱ katsjaá Kosiee̱ nga kui xi kamá xtitjoón nangi Ejipto̱, ko̱jo nga kui xi ko̱tíxoma ngayeje ndiꞌaa̱.

1 Timoo̱ 1:16

Kuíni nga Néná kamáni̱ma̱a̱ an, tsi̱ꞌe̱ nga Jesukristoo̱ akó ngayeje kjo̱a̱ndaa̱ nga katsꞌénkjiénna án. Kó bo̱a̱ tsꞌén nga an xi chi̱bo̱a̱ kamá an tsi̱ꞌe̱ xota̱ xi jaskan sꞌi̱jii̱n kui, tsi̱ꞌe̱ nga sa̱ko̱ó kjo̱a̱mindyion ngatsjéni̱xtjii̱n.

1 Timoo̱ 1:2

Tjítsꞌentindee ji Timo̱, ji xi ndína kjo̱a̱a̱ ngi̱yaa̱ kjo̱a̱sꞌijinná. Néná xí Na̱ꞌminá ko̱jo Ndi̱a̱ná Kristo̱ Kjisoo̱ nga tsjaá kjo̱a̱ndaa̱, ko̱jo kjo̱a̱ni̱ma̱takoón, ko̱jo kjo̱a̱xioó.

Titoo̱ 1:4

Ji tsꞌéntsangiyaa kui xo̱jo̱o̱n Titoo̱, ngatꞌa̱ ja̱koxi̱ boá nga ji xi ndína kjo̱a̱a̱ kjo̱a̱sꞌijinná. Néná xí Na̱ꞌminá, ko̱jo Ndi̱a̱ná Jesukristoo̱ kui xi tsꞌaxiéꞌáná nga tsjaá kjo̱a̱ndaa̱, ko̱jo kjo̱a̱ni̱ma̱takoón, ko̱jo kjo̱a̱xioó.

2 Xo̱jo̱o̱n Juaa̱ 1:3

Jún xi je tindyionjinjnú ni xi ja̱koxi̱i̱, ko̱jo kjo̱a̱tjoó Néná, ngasꞌiejnú kjo̱a̱ndaa̱, ko̱jo kjo̱a̱ni̱ma̱takoón, ko̱jo kjo̱a̱xioó Néná xí Na̱ꞌmii̱, ko̱jo xi tsi̱ꞌe̱ Ndi̱a̱ná Jesukristoo̱, kui xi ndií Na̱ꞌmii̱.