Jenesii̱s 42:38 - Xo̱jo̱n eén Néná

³⁸ Kósꞌe̱ Jakoo̱b bi̱ katsó: —Kongínjo̱jínjnú ndína, ngatꞌa̱ jè kꞌien Kosiee̱, kó ta̱ Benjaa̱ xí tikón ngasena, tsi tjín ni xi ka̱maa̱ ngi̱ya ndi̱yà xí kongínjnú, achichí ndasen kotíjña̱ an ngaskande nga ko̱yà an.

Jenesii̱s 42:38 ပူးပေါင်းရင်းမြစ်များ

Jenesii̱s 37:33

Kó na̱ꞌmii̱ Kosiee̱ nga kamábe nga tsi̱ꞌe̱ Kosiee̱ boá kui ńjñoo̱, bi̱ katsó nga on kamaá nga askjandáyà: —¡Jo̱o̱n, kuí tsi̱ꞌe̱ ndína kui ńjño xi fotꞌa nga̱xtoo̱n! ¡Ngora̱ cho̱ tamá katsꞌénxi̱, kó iskjiniera̱ ndína!

Jenesii̱s 37:34

Kósꞌe̱ Jakoo̱b iskjíndiyá ńjñoo̱ nga ndasen kamaá, tsajá ńjño xa̱ꞌya̱, kó achichí kjín ni̱xtjin nga askjandátjé kui ndií.

Jenesii̱s 37:35

Kó ngayeje ndií xi xi̱ꞌin ko̱jo xi ínchjín jachókoón nga jachótsꞌéndájoón, ta̱nga kamámejénjiín nga kiniꞌándajoo̱n. Ta̱sá ta̱soboá askjandá, nga bo̱a̱ katsó nga kamámejeén ko̱yà nga, tsi̱ꞌe̱ nga ki̱a̱ kꞌuijñátꞌaa̱ Kosiee̱.

Jenesii̱s 42:13

Kó bi̱ katsó ngase kui jaá: —Ji̱n, tiejó ntsꞌie majne̱, kó ta̱ ngo na̱ꞌmi májne̱ ngayejejne̱, kó kui nda̱ xi ꞌniú kjindií, na̱ꞌmijne̱ tikónjo̱ ngotꞌe̱ ki̱a̱ nangi Kanaa̱n, kó ngo ntsꞌiejne̱ xi je kꞌien.

Jenesii̱s 42:37

Ta̱nga Rubee̱n bi̱ katsoó na̱ꞌmii̱: —Na̱ꞌmi, te̱ꞌéndiè ji nga Benjaa̱ ngi̱ya ndsa̱ an kꞌuijñá, kó kjoéꞌe̱jo ngiñaá, ta̱nga tsi ngiti̱ kjoéꞌe̱jojaán, ¡ka̱ma si̱ꞌinkꞌin ji nga jó ndína!

Jenesii̱s 44:20

Kó ji̱n bo̱a̱ kiꞌmíjne̱ ji nga na̱ꞌmijne̱ jè xchá, kó nga jó ndí kisꞌiee̱ kui ko̱jo chjo̱ón xi ꞌmí na̱ Rakee̱l, kó nga ngo kui ndií xi je kꞌien, sꞌe̱ ngo xi kjindií xi ta̱kó tikón, kui xi katsen nga je ꞌniú xchá na̱ꞌmijne̱, kuíni nga na̱ꞌmijne̱ achichí tjoó.

Jenesii̱s 44:22

Kó ji̱n bo̱a̱ kiꞌmíjne̱ ji nga kui nda̱a̱ ka̱májín ku̱i̱ꞌíjñámasien na̱ꞌmijne̱ ngatꞌa̱ tsi bo̱a̱ ka̱ma, ko̱yà na̱ꞌmijne̱.

Joo̱b 41:32

ndi̱yà xí ꞌna̱ má mején nínga foaꞌa nga fí, xikó maá ngo ndiꞌí tiboa ki̱a̱ nga̱són ndáfoaa̱.

Xo̱jo̱n Salmoo̱ 71:18

Ji Ne, ndatsi je xchá án, ko̱jo ndatsi je kichjí tokó án, ngata̱ ꞌbíjñímasínjínní, ngaskande nga xiyàa̱ kui xota̱ tji̱e̱e̱, ko̱jo xiyàa̱ ngaꞌniú xí tjiín kui xota̱ xi kji̱e̱ tsenjiín.

Xo̱jo̱n Salmoo̱ 90:10

Ichítié ko̱jo kan tsí nó mindyionjne̱ nga̱sondie, kó xota̱ xi ngi̱chí tjingáꞌniuú ngaskande ichítié ko̱jo kantié nó fóchó, ta̱nga ngayeje kjo̱a̱nkꞌakoo̱n, ta̱ ni xi jmí ni chjíjiín tsí bo̱a̱, ngatꞌa̱ tsá foaꞌa, xikoó tsi mongíntji̱e̱njne̱.

Eklesiastee̱ 1:14

Askotsijèe̱n ngayeje xá xí niꞌán kui nga̱sondiee̱, kósꞌe̱ kamákjínna nga ngayeje kui nii̱ ta̱kjo̱a̱ndaní bo̱a̱, kó ta̱ tsꞌénboa tsíná.

Eklesiastee̱ 2:26

Ngatꞌa̱ Néná, kui xota̱ xi nda ꞌbókaa̱, tsjaá kjo̱a̱kjínkón, ko̱jo kjo̱a̱kjíntakón, ko̱jo kjo̱a̱tsja, ta̱nga xota̱ xi tsꞌénjeé, Néná tsjaá xá, tsi̱ꞌe̱ nga kui kjo̱a̱ꞌáꞌyá, ko̱jo kjo̱a̱ꞌátikó ni xi jaskan Néná sa̱ꞌínkꞌasꞌiee̱n kui xota̱ xi nda ꞌbókaa̱ kui. Kó ngayeje kui nii̱, ti̱ ta̱kjo̱a̱ndaní bo̱a̱, kó ta̱ tsꞌénboa tsíná.