Jenesii̱s 4:8 - Xo̱jo̱n eén Néná

⁸ Ngo ndi̱yà Kaii̱n tjiantsobé ngi̱jin kꞌijñá jàn katsoó Abe̱ ntsꞌi̱e̱, kó ngije jachó ngi̱jin kꞌijñá jàn, Kaii̱n kijítsꞌuieé Abee̱, kó katsꞌénkꞌién.

Jenesii̱s 4:8 ပူးပေါင်းရင်းမြစ်များ

Jenesii̱s 4:25

Kó ti̱ kisꞌiejo̱ nginí chjo̱ón Andaa̱n, kó kisꞌiee̱ ingo ndí xíꞌín, kó See̱t ítꞌajaꞌén, kó na̱ Ebaa̱ bi̱ katsó: «Néná katsjána ingo ndí xí tikón ngajoo̱ Abee̱, kui xi katsꞌénkꞌién Kaii̱n.»

Joo̱b 11:15

ja̱ kjiꞌá boá nga ka̱ma chjanínkꞌé ji kje̱n nga jmíjéjiín, kó ka̱ma ꞌniú ku̱i̱ndyin ji nga jmí ni ko̱nda̱kinjín ji.

Xo̱jo̱n Salmoo̱ 139:19

Ji Ne, ¡achichí mejénna nga kui xota̱ xi tsꞌenkꞌién ini̱ma̱a̱ xín si̱ꞌinkjeꞌéní katsaki! ¡Achichí mejénna nga si̱ꞌinkꞌin ji katsaki!

Xo̱jo̱n Salmoo̱ 36:3

Én xí chji̱a̱, ni xi ndajín ko̱jo kjo̱a̱ndiso boá, jè ngiti̱ bo̱a̱jín tsꞌén xikoó ngo xota̱ xi nda tsꞌénkjó, ko̱jo xi ni xi ndaa̱ tsꞌén.

Xo̱jo̱n Salmoo̱ 55:21

Én xí katsꞌénkjién inda ngase kamá ta̱bo̱a̱jiín mantekiyaa̱, ta̱nga ngi̱jin ini̱ma̱a̱ kjo̱a̱xchán boá xi kisꞌiee̱, én xí tsíchji̱a̱ inda ngase kamá ta̱bo̱a̱jiín istii̱, ta̱nga kui boá xi ki̱cha̱ xi yojó ngajó ngaboaá kamá.

Xki̱ 35:20

»Kui xi kjo̱a̱a̱ nga chꞌoo̱, kꞌo̱jmitójó kósꞌe̱ sa̱ꞌínkꞌién ngo xota̱. »Kui xi sa̱ꞌínkꞌién ngo xota̱ nga kꞌo̱ya ngo ni nga tjitsꞌénxchán.

Matioo̱ 23:35

kó bo̱a̱ tsꞌén nga jún sꞌi̱niéjnú nga ka̱majéjnú kjo̱a̱a̱ ngayeje jiín xota̱ xi kixi̱ xi kiniꞌánkꞌién kꞌi̱e̱ tꞌanangii̱, xi yaꞌanii̱ ndeskande nga kiniꞌánkꞌién Abe̱ nda̱ xi kixi̱i̱, ngaskande nga kiniꞌánkꞌién Sakariyaa̱, xi ndií Berekiyaa̱ kamá, kui nda̱ xi kiniꞌánkꞌiénjnú jún ngi̱ndyió na̱ngo̱xi̱i̱ ko̱jo ṉchandikoón Néná.

Rkaa̱ 11:51

ndeskande jiín nga kiniꞌánkꞌién Abee̱, ngaskande jiín nga kiniꞌánkꞌién Sakariyaa̱, kui nda̱ xi kiniꞌánkꞌién ngi̱ndyioó tꞌa ṉchandikoón ko̱jo na̱ngo̱xi̱i̱ Néná. Kuíni nga xiyàjnúꞌun nga Néná ku̱i̱ꞌaa̱ xki̱ xota̱ xi síndo ngotꞌe̱ kjo̱a̱a̱ nga kiniꞌánkꞌién kui já chji̱ni̱e̱ꞌe̱én Néná.

Rkaa̱ 22:48

Kósꞌe̱ Kjisoo̱, bi̱ katsoó: –Junda̱, a ngo ndsó niꞌínkꞌasꞌinni ji ndií nda̱ xi̱ꞌii̱n.

Xota̱ Ebreo̱ 11:4

Ta̱ngatꞌanii̱ kjo̱a̱sꞌijii̱n nga Abee̱ katsꞌénkꞌasꞌiee̱n Néná ngo kjo̱a̱tjó xi chjí ngasenii̱, ta̱bo̱a̱jiín xi katsꞌénkꞌasꞌien Kaii̱n, kó kuíni nga Néná, xota̱ xi kixi̱ katsoó, kó katsꞌénjo̱ꞌo kjo̱a̱tjoó, kó kuíni nga ndatsi je kꞌien Abee̱, ta̱kó tsꞌénbokóná ngo chi̱bo̱a̱, xikótsꞌèn kisꞌijii̱n kui.

Xota̱ Ebreo̱ 12:24

Tsangínchon tiñajnúu̱ Kjisoo̱, kui xi ngatꞌaa̱ kui nga Néná índa ngo kjo̱a̱ꞌbínda tja̱tsi̱e̱ kjo̱a̱a̱ kui jín xí iskjitjón nga kꞌien, kui xi chjí ngasenii̱ ngatꞌa̱ bokóná ni xi nda ngase, ta̱bo̱a̱jiín jiín Abee̱.

Xo̱jo̱o̱n Jundaa̱ 1:11

¡Ni̱ma̱ xò kuí jaá! Ngatꞌa̱ ndajín ndyi̱tsꞌèn xikó katsꞌén Kaii̱n, kó ta̱ngatꞌanii̱ nga tsie to̱n mejeén nga ndyi̱tsꞌèn ni xi ndajínkjiꞌi xikó katsꞌén Balaa̱n. Xikoó Koree̱ nga ko̱yà ngatꞌa̱ bendikónjín xi botixómaá.