Jenesii̱s 37:24 - Xo̱jo̱n eén Néná

²⁴ sꞌe̱ ki̱a̱ tsꞌajmiyá ngo ti̱xa̱ ndáńchꞌi̱ xi tiya xi jmí ndáfoajiín. Kó Rubee̱n xín kijí.

Jenesii̱s 37:24 ပူးပေါင်းရင်းမြစ်များ

Jenesii̱s 37:23

Kó nga jachó Kosiee̱ nínga síndo já ntsꞌi̱e̱, kuí jaá jaꞌáxiín ńjño xi fotꞌa nga̱xtón xi kjín a̱si̱én xí yajaá kui xi katsꞌénda na̱ꞌmii̱,

Jenesii̱s 37:25

Kósꞌe̱ kui já ntsꞌi̱e̱ Kosiee̱ iskjinie ṉño̱. Kó kjiꞌá má kamábe nga ngo xtín xota̱ xi botiñá ni ndyi̱ndibá, xota̱ tji̱e̱e̱ Ismaee̱l boá xi kjindibáni nangi Ngalaa̱nd, kui jaá tjimájo̱ cho̱toꞌoyitsꞌe̱n xi ndyi̱yaꞌa ndásíje̱n xi nda ko̱jo xka̱ xi sije̱n xi ndyi̱fíjo̱ nangi Ejipto̱.

Jenesii̱s 42:21

ta̱nga ja̱kꞌi̱e̱ ja̱ngaján bi̱ katsoó xkjín: «Nga ja̱koxi̱ nda ndyi̱ꞌbíchjí ñá ngotꞌe̱ ni xi kiniꞌánjo̱ ntsꞌié, a foaꞌátsjienjnú nga achichí ꞌniú tsíꞌáná nga si̱ꞌanjetakóo̱n katsaki, kó bo̱a̱jín kiniꞌán, ndatsi kamáyà ñá nga achichí katsakjónní. Ja̱ ngotꞌe̱ ꞌne̱ kꞌi̱e̱ ndyi̱ꞌbíchjí ni xi kiniꞌán».

Xo̱jo̱n Salmoo̱ 35:7

Ngatꞌa̱ nde jmí kjo̱a̱jiín nga chja̱ya̱ íjñána, ko̱jo nde jmí kjo̱a̱jiín nga ngo ti̱xa̱ katsꞌéndana.

Xo̱jo̱n Salmoo̱ 40:2

Kó tsꞌaxiéna nga tsꞌénkayà an ki̱a̱ ti̱xa̱ nínga nda̱ máná, ki̱a̱ ngi̱jin ndásee̱ chi̱ndyiaa̱. Kuí boá xi ngo ndi̱jo̱je asién són ndsa̱ko án, kó ꞌniú nda katsꞌénkjítsoꞌbána.

Xo̱jo̱n Salmoo̱ 88:6

Ki̱a̱ ikꞌíjñíní ki̱a̱ ti̱xa̱ xi ꞌniú na̱nga̱a̱, kui ngi̱ndie na̱nga̱ xi ta̱nisién ꞌniú jñoó.

Xo̱jo̱n Salmoo̱ 88:8

Je kiniꞌínkjìnní ngayeje xota̱ xi nda yaꞌana, je kiniꞌín ji nga je ꞌniú kamáchꞌoó an. Jè tikónꞌya an, kó jmíjín kótsꞌèn kjo̱tjo an.

Kjo̱a̱chaꞌaá 4:20

Jè kandobá kui nda̱ re xi jaꞌájin Néná, kui xi katsjájne̱ tjo̱ xi kajnájénjne̱, kui xi bo̱a̱ kiꞌmíjne̱ nga tji̱nkꞌi̱e̱én boá xi skónjne̱, kó nga ka̱ma ku̱i̱ndyionjinjne̱ ngi̱jii̱n xota̱ xi kje̱ꞌe na̱xi̱ńdá.