Jenesii̱s 35:11 - Xo̱jo̱n eén Néná

¹¹ Kó ti̱ ki̱a̱ Néná bi̱ katsó ngasee̱: «Án boá kui Ne xi tjiín ngayeje ngaꞌniuú, kó mejénna nga kjín xota̱ tji̱e̱ kꞌuieé ji, ki̱a̱ kjo̱tjojinni kjín na̱xi̱ńdá, kó ti̱ ki̱a̱ kjo̱tjojinni kjín já re.

Jenesii̱s 35:11 ပူးပေါင်းရင်းမြစ်များ

Jenesii̱s 12:2

Kó ngo na̱xi̱ńdá xí ta̱nisién je sa̱ꞌin an ngayeje xota̱ tji̱e̱e̱, kó sa̱ꞌinchikonñeé, kó nkꞌa kꞌuijñá an jaꞌée̱n, kó ta̱ngatꞌanii̱ ji nga kjín xota̱ xi ka̱machikonñé.

Jenesii̱s 13:16

Kó án boá xi sa̱ꞌin an nga kjín ka̱ma xota̱ tji̱e̱ tse̱, xikó maá nga jmíjín xi ka̱maa̱ ku̱i̱ꞌíxki̱ xa̱a̱ tꞌanangii̱, bo̱a̱ má tsꞌén jmíjín xi ka̱maa̱ ku̱i̱ꞌíxki̱ xikó kjiꞌi ka̱ma xota̱ tji̱e̱ tse̱.

Jenesii̱s 15:5

Kó Néná kijíjo̱ Abra̱n ndi̱tsén jàn, kó bi̱ katsoó: —Tsitsíjin ji nkꞌa jàn kó tsitsíjìi̱n ngayeje ńño xi tjiín. A ka̱maxki̱i̱. Jmí bokia. ¡Ja̱ ti̱nde ka̱maxki̱jiín xikó kjiꞌi kjín ka̱ma xota̱ tji̱e̱e̱ nga!

Jenesii̱s 17:1

Kjiꞌanga kamá ichítié ko̱jo yichán nijan noó Abra̱n, Néná jatjokjaà, kó bi̱ katsoó: «Án boá kui Ne xi tsi̱ꞌe̱ ngayeje ngaꞌniuú, ndaꞌyéꞌínní ngatsjéni̱xtjin kó kixi̱ ti̱ńtje̱ ji.

Jenesii̱s 17:16

An sa̱ꞌinchikonñé an tsi̱ꞌe̱ nga kꞌuieé ngo ndí xí tse̱, kó xota̱ tji̱e̱e̱ kui, kjín xota̱ na̱xi̱ńdá ka̱ma, kó ki̱a̱ kjo̱tjojinni xi re ka̱ma nga».

Jenesii̱s 18:14

A tjín ngo ni xi niꞌin ka̱mana nga sa̱ꞌin an. Nó xí ndibaá kji̱ndi̱bákón ngiñaá ngije stse̱n ndií na̱ Saraa̱.

Jenesii̱s 18:18

ngatꞌa̱ xota̱ tji̱e̱ tsi̱ꞌe̱ boá xi ka̱ma ngo na̱xi̱ńdá xí ꞌniú je, ko̱jo nga ta̱ngatꞌanii̱ kui nga sa̱ꞌinchikonñé an ngayeje na̱xi̱ńdá xí tjín nga̱sondiee̱.

Jenesii̱s 28:14

¡Xota̱ tji̱e̱e̱ kjín ka̱ma xikó maá xa̱a̱ tꞌanangii̱! Kó kꞌi̱e̱ kꞌuíndo ngayeje kui na̱xi̱ńdaá, kó ngatꞌaa̱ ji ko̱jo xota̱ tji̱e̱ tse̱ boá nga ngayeje xota̱ na̱xi̱ńdá xí tjín nga̱sondiee̱ ka̱machikonñé.

Jenesii̱s 36:31

Ngindiee̱ nga kꞌuié já re xi ko̱tíxoma Israee̱l, xota̱ tji̱e̱e̱ Esauu̱ xi kisꞌińdo nangi Endoo̱n jatjojinni kjín já re. Nga ngo nga ngo kui já ree̱ atíxoma ngaskande nga jesón, kó ngaskande kjiꞌá boá nga kje̱ꞌe xí kisꞌińdo ngajoo̱. Kuí bí xi̱ꞌbi̱ já re xi atíxoma nangi Endoo̱n: Belaa̱, ndií Beoo̱r kui xi chji̱a̱ni na̱xi̱ńdá Ndinaba̱. Jobaa̱b, ndií Seraa̱ xi chji̱a̱ni nangi Bosra̱. Usaa̱n xi chji̱a̱ni nangi Temaa̱n. Andaa̱nd, ndií Bendaa̱nd xi chji̱a̱ni na̱xi̱ńdá Abii̱t. Samlaa̱ xi chji̱a̱ni nangi Masreka̱. Sauu̱l xi chji̱a̱ni nangi Reoboo̱t ki̱a̱ tꞌa ndejèꞌ Éufratee̱. Baa̱l-Anaa̱n, ndií Akboo̱r. Andaa̱nd xi chji̱a̱ni na̱xi̱ńdá Pau̱. Chjo̱ón Andaa̱nd xi chji̱a̱ni na̱xi̱ńdá Pau̱ na̱ Meetabee̱l kiꞌmí kó ndií Matree̱nd boá, ko̱jo ndíndee̱ Mesaa̱b kamá.

Jenesii̱s 43:14

Tangínjnú tsobo̱a̱ kó kui Néná xí tjiín ngaꞌniuú ngatsjaá kjo̱a̱ni̱ma̱takón kui nda̱a̱, kó ngatꞌijñándé Benjaa̱ ntsꞌiejnú xi ingoo̱ tsi̱ꞌe̱ nga nijan kji̱ndi̱bájo̱ nginíjnú. Kó an, ja̱ tsi ngiti̱ jmí ndí kꞌuiéjínna, ja̱ nga bo̱a̱ ngatama.

Jenesii̱s 46:3

Kósꞌe̱ Néná bi̱ katsoó: «Án boá xi Nee̱ na̱ꞌmíi̱, ngata̱ ndakinjín má ji nga kꞌuin jí nangi Ejipto̱, ngatꞌa̱ án xí kjuínjòo̱. Án boá xi sa̱ꞌin an nga xota̱ tji̱e̱ tse̱ ngo na̱xi̱ńdá xí ꞌniú je ka̱ma. Kó ti̱ án boá xi sa̱ꞌin an nga kꞌi̱e̱ kjoéꞌe̱ nginí ji nangi Kanaa̱n, kó nga ko̱yè jí, ki̱a̱ kꞌuijñátꞌaa̱ Kosiee̱».

Jenesii̱s 47:27

Kó bo̱a̱ tsꞌén nga xota̱ Israee̱l, ki̱a̱ kisꞌińdo Ejipto̱ ki̱a̱ nangi Ngosee̱n. Kó ki̱a̱ tsꞌatsie tꞌanangi, kó achichí kamá ndií.

Jenesii̱s 9:1

Néná katsꞌénchikonñé Noee̱ ko̱jo ndií, kó bi̱ katsoó: «Mejénna nga kꞌuiéjnú kjín ndí, kó xota̱ tji̱e̱jnú xi ngasꞌikitsieni tꞌanangii̱.

Jenesii̱s 9:7

»Kó mejénna nga jún kjín ndí ngatꞌiéjnú, kó ngasꞌikitsieni xota̱ tji̱e̱jnú ngayeje tꞌanangii̱».

Éksondo̱ 1:7

Ta̱nga nga achichí kamá ndí xí kisꞌiee̱ xota̱ Israee̱l, tsá kamákjín xota̱ tji̱e̱e̱, kó ngo na̱xi̱ńdá xi je ko̱jo xi ꞌniú kamá. ¡Kuíni nga ngayeje nangi Ejipto̱ nga kisꞌieni xota̱ Israee̱l!

Éksondo̱ 2:24

Ta̱nga Néná kamábe kjo̱a̱ni̱ma̱ xi ndyi̱foaꞌatio, kó tsintꞌieé nga ndyi̱kjandayà nga on kjimaa̱ ni xi kjimataꞌin kui xotaa̱, kó kjiꞌá boá nga jaꞌátsjiee̱n Néná ni xi índajo̱ xota̱ xi xchaá xota̱ Israee̱l, kui xi Abraa̱n, Isaa̱ ko̱jo Jakoo̱b.

Éksondo̱ 6:3

Xota̱ xi xcháa̱, Ne xi tjiín ngayeje ngaꞌniuú katsóna, ta̱nga kamábejín kó ꞌmí jaꞌén ja̱koxi̱na, kó kuí bí xi̱ꞌbi̱: AN XI AA̱N.

Lebitiko̱ 26:42

»Án boá xi sa̱ꞌinkjatjosón an ni xi kixiyatjóo̱n Abraa̱n, ko̱jo Isaa̱, ko̱jo Jakoo̱b, kó sa̱ꞌinchikonñé an tꞌanangi xi je kixian an nga tsjajnúꞌun,

2 Xota̱ Korinto̱ 6:18

Kó án xí Na̱ꞌmijnú ka̱ma an, kó jún xí ndína ka̱majnú, bo̱a̱ tsó Ndi̱a̱ná xi tjiín ngaꞌniuú.