Jenesii̱s 31:42 - Xo̱jo̱n eén Néná

⁴² ¡Achichí ndakjiꞌi nga kui Néná xí tsi̱ꞌe̱ na̱ꞌmindyiboana Abraa̱n asíko̱jona! Kui Ne xi katsꞌéndikón na̱ꞌmina Isaa̱ nda katsꞌénjo̱na, ngatꞌa̱ kamábe kjo̱a̱ndasenna ko̱jo nga je jenda an, kuíni nga katsꞌénxchánjo̱nii̱ ngoye jñó. Tsi bo̱a̱jín katsꞌén Néná kiniꞌínkjítiyerani.

Jenesii̱s 31:42 ပူးပေါင်းရင်းမြစ်များ

Jenesii̱s 11:5

Kó nga jatjajen Néná tꞌanangii̱ nga askotsijee̱n ni xi ndyi̱tsꞌènda xotaa̱,

Jenesii̱s 16:13

Ngije Néná tsíchji̱a̱jo na̱ Angaa̱r, kui naa̱ bi̱ tsꞌén ítꞌajaꞌén: «Jí boá kui Néná xí ngayeje nii̱ xi be». Ngatꞌa̱ bi̱ katsó: «Jè kamábe an kui Néná xi je kamábena an nga».

Jenesii̱s 27:33

Kósꞌe̱ Isaa̱ jatsié se jatsié tsja, sꞌe̱ bi̱ katsó: —Kósꞌe̱, ꞌyá kuií bo̱a̱ xi je jeꞌe kꞌi̱e̱e̱, xi je jeꞌejo̱na cho̱ xi katsꞌénkꞌién. Kó katsjána kó iskjíni̱e̱ an ngindiee̱ nga kjoéꞌe̱ ji, ngatꞌa̱ jè katsꞌenchikonñé an. ¡Kó kui kjo̱a̱niꞌánchikonñeé ngiti̱ ka̱májín kjoaꞌaxíi̱n!

Jenesii̱s 29:32

Kó na̱ Liyaa̱ kisꞌiee̱ ngo ndí, kui xi Rube̱n ítꞌajaꞌén, ngatꞌa̱ bi̱ katsó: «Néná kamábe kjo̱a̱ndasenna, kó ngotꞌe̱ ꞌné nga ja̱koxi̱ nga sa̱ꞌínmejénna xi̱ꞌinna».

Jenesii̱s 31:29

Tjínna ngaꞌniú nga ngo ni xi ndajínkjiꞌi sa̱ꞌinjo̱jnúꞌun, ta̱nga ngoye jñó tsíchji̱a̱jona Ne xi tsi̱ꞌe̱ na̱ꞌmíi̱, kó bo̱a̱ katsóna nga ꞌniújín xò kuichjiájoo ji.

Jenesii̱s 31:5

kó ki̱a̱ bi̱ katsoó: —Na̱ꞌmijnú jè ngiti̱ bo̱a̱jín tsꞌén tsꞌensénna xikoó ngasꞌe̱. Jún yàjnú nga ta̱nisién ꞌniú nda katsꞌenxájo̱ an na̱ꞌmijnú, ta̱nga kuí ta̱ngongá tsꞌénꞌboṉcha̱jona, ngatꞌa̱ kjín ndi̱yà asíkjo xikó kjiꞌi ꞌbíchjína, ta̱nga Néná xí tsi̱ꞌe̱ na̱ꞌmina asíko̱jona, kó katsjandièjiín nga ndajínkjiꞌi ni xi sa̱ꞌínjo̱na.

Jenesii̱s 31:53

Kó kui Néná xí tsi̱ꞌe̱ Abraa̱n ko̱jo xi tsi̱ꞌe̱ Najoo̱r na̱ꞌmindyiboaná, kuí xí ngatamabe tsi nda ko̱jo tsi ndajín ndyi̱niꞌán». Kó Jakoo̱b ngiboanéná katsó nga katsꞌénkie kui Néná xí katsꞌéndikón Isa̱ na̱ꞌmii̱.

Jenesii̱s 32:9

Kósꞌe̱ Jakoo̱b bi̱ katsó nga tsíchji̱a̱a̱ Néná: «Ji Ne xi tsi̱ꞌe̱ na̱ꞌmindyiboana Abraa̱n ko̱jo na̱ꞌmina Isaa̱, Jí boá xi bo̱a̱ kasení nga kji̱ndi̱báꞌoyá ngiñá an nangina ko̱jo nínga síndo xota̱na, kó nga ji xi ko̱si̱ke̱jení.

Jenesii̱s 35:3

ngatꞌa̱ chjiéngá Betee̱l kongín, tsi̱ꞌe̱ nga ngindyi̱ko̱n Néná konginkíndyiá. Ki̱a̱ boá nínga sa̱ꞌindàa̱ ngo ṉchandikón Néná, tsi̱ꞌe̱ nga tsjàa̱ ndokꞌóchjì, ngatꞌa̱ kuí boá xi asíko̱jona kjiꞌanga kisꞌiena kjo̱a̱xti. Néná boá xi ngatsjéni̱xtjin tsoꞌbájo̱na ndi̱yà xí tsoꞌbá an».

Jenesii̱s 46:1

Kó bo̱a̱ tsꞌén na̱ꞌmii̱ Kosiee̱ jatjoni nangi Kanaa̱n nga kijíjo̱ ngayeje ni xi tjiín, kó nga jaꞌa nangi Beersebaa̱ katsꞌénkꞌasꞌiee̱n kjo̱a̱tjó kui Ne xi katsꞌéndikón Isa̱ na̱ꞌmii̱.

Xo̱jo̱n Salmoo̱ 31:7

Achichí tsjá ka̱mana kjo̱a̱a̱ kjo̱a̱ni̱ma̱takóo̱n, ngatꞌa̱ kamáyè ji kjo̱a̱ndasen xi jaꞌatio an, kó jè kichꞌé ji xki̱ kjiꞌanga nda̱ kjimaa̱ ini̱ma̱na.

Éksondo̱ 3:7

Ta̱nga Néná, bi̱ katsó ngasee̱: —Jè kamábe an kjo̱a̱ni̱ma̱ xi ndyi̱foaꞌatio xota̱ na̱xi̱ńdána, ngatꞌa̱ xota̱ Ejiptoo̱, moso̱ je katsꞌén. Jè tsintꞌièe̱ nga ndyi̱kjandayà nga ndyi̱míꞌá nga kosiko̱jo an, kó ti̱ jè kamábe an nga já ngito̱ko̱o̱ ꞌniú ndajín ndyi̱tsꞌènjo̱, kuíni nga jè jéꞌe̱kòo̱n tsi̱ꞌe̱ nga kꞌoxiéꞌá an ngi̱ya tsja xota̱ Ejiptoo̱, kósꞌe̱ kjuínjo̱ an ngo ngi̱ndie xi nda ko̱jo xi tiyá, ¡ngo ngi̱ndie nínga ꞌniú tjín nichinie! Kó nangi Kanaa̱n boá kui ngi̱ndiee̱, nínga síndo xota̱ na̱xi̱ńdá xi nde kji̱e̱ bejínna.

Xo̱jo̱o̱n Jundaa̱ 1:9

Ngaskande ndítsjie ngito̱ko̱ Miyee̱ bo̱a̱jín katsꞌén kjiꞌanga askjanjo̱ xindajín ndiabloo̱ nga askjantjéni yojoo̱ Moisee̱, kamájínkón nga kui xi katsꞌénjeé nga chꞌo katsoó, ta̱sá bi̱ katsoó: “¡Ndi̱a̱ná ngatsꞌénxchánjoo̱ ji!”